عندي شوية مشاكل مرتبطة ببعض في الاوبل استرا 2005 وظهروا فجأة لكن بشكل تدريجي

- العربية عايزة تبطل عند اول تهدية بالعربية في اول مشوارها
- العربية بتهرتل احيانا بعد تدويرها ( كانها بطلت وتقوم تاني كذا مرة ) وبتختفي بعد الضغط على البنزين
- العربية بتبطل وانا ماشي بيها
- اعادة تدويرها بيكون صعب جدا ولازم افضل ادور لحوالي 7 ثواني لحد ما تدور
- الكاسيت صوته بيختفي اثناء محاولة تدوير العربية
- الار بي ام مش بيزيد عن 350 مهما اضغط على دواسة البنزين
- لو ماشي بسرعة عالية وكبست بنزين جامد بحس وكأني ضغطت فرامل خفيف يعني العربية سرعتها بتقل

كشفت عليها بالكمبيوتر وطلعلي مشكلة في الابسليوت (تقريبا اسمه كده على ما اتذكر - ممكن يكون اسمه حاجة تانية خالص وانا اتلخبطت)
غيرته بواحد استيراد خارج ونفس المشكلة موجود

مع العلم اني اصلا عندي مشكلة في الدايرة الخاصة بالـ egr في وحدة كنترول العربية نفسها