دمي محروق! "غسيل التابلوه بالصابون"

كنت بغسل العربية النهاردة "مش بعملها غير كل سنة مثلا من الانشغال و الكسل" في بنزينة وطنية العند مسجد السلام, و في مرحلة الغسيل الخارجي البيمسك فيها خرطوم بيطلع صابون و يعمل بيها العربية لقيتة فتح الباب و عمل التابلوة رش علية كلة! استغربت طبعا بقله بتعمل ايه عشان بيقلي عشان مترب يا باشا اوي و متقلقش, فقلة ايوة بس كدا غلط الصابون فيه مواد كيميائية و كدا مينفعش قلي يا باشا عيب و انا حافظ العربيات و بعملها علي طول و صداع, قلتله طب خلاص بس امسحا اول حاجة و قلت ربنا يستر بقي, عملها و خلاص مركزتش عشان الدنيا ليل لما روحت و لما فتحت باب العربية لقيت حتت كتير اوي مبعقة في الطابلوة و لونها متغير من فوق و من الامام!!
اعمل ايه دلوقتي التابلوة ليه حل؟ و اعمل ايه في العامل العمل كدا؟!

للاسف عندنا دار افتاء واحده و 90 مليون مفتي
اقترح تجيب ملمع طابلون كويس و تعيد علي الطبلون كله و حاول تستعجل

صديقي المواطن
في اﻷول تحاول تنظفه بفوطة مبلولة بمياه وأصبر عليه شوية.لو منفعش فيه منظف جلد خاص تشتريه وتطري فيه الجلد وبعدين يدعك بالراحة وشوف وأكيد حيتحل ثم يا مواطن الطبلوه حتى لو مش بتنظف العربية ضروري كل أسبوعين على اﻷقل في شمس المحروسة.تمسحه من التراب وتحط عليه إسبربه ملمع من أبو 6 جنيه لزوم حمايته من التشققات ودمتم للنضال

1- تجيب جردل فيه ميه نظيفه و فوطه و تبل الفوطه و تعصرها كويس و تمسح الطابلون لحد متلاقى الفوطه خدت كل بواقى الصابون .

2- تنشف الطابلوه كويس جدا

3- تجيب ملمع الطابلوه Armorall هو افضل الملمعات و بيقدم حماية و لمه خفيفه مش زى الأنواع اللى بتخلى الطابلوه مزيت و مبيلمش تراب و تزود الجرعه شوه على الطابلوه و يفضل اسفنجه و توزع الملمع بطريقه دائريه بالأسفنجه و ان شاء الله هتكون كل البقع اختفت

و عاوز اقولك متصدقش حد - دى فلوسك - دى عربيتك - متتحرجش من صنايعى او حتى مدير ..لأن انت صاحب المال و عايز اقولك لو خنفسه فولكس مش هيدخل ميه عليها من جوا !!

اقتباس:

---

المشاركة الأصلية كتبت بواسطة besov

1- تجيب جردل فيه ميه نظيفه و فوطه و تبل الفوطه و تعصرها كويس و تمسح الطابلون لحد متلاقى الفوطه خدت كل بواقى الصابون .

2- تنشف الطابلوه كويس جدا

3- تجيب ملمع الطابلوه armorall هو افضل الملمعات و بيقدم حماية و لمه خفيفه مش زى الأنواع اللى بتخلى الطابلوه مزيت و مبيلمش تراب و تزود الجرعه شوه على الطابلوه و يفضل اسفنجه و توزع الملمع بطريقه دائريه بالأسفنجه و ان شاء الله هتكون كل البقع اختفت

و عاوز اقولك متصدقش حد - دى فلوسك - دى عربيتك - متتحرجش من صنايعى او حتى مدير ..لأن انت صاحب المال و عايز اقولك لو خنفسه فولكس مش هيدخل ميه عليها من جوا !!

---

هى دى الخطوات الصحيحه .......... واعملها والتابلوه بعيد عن الشمس ومش سخن وكرر عمليه الارمورال اكتر من مره وعلى فترات متقاربه يومى يعنى وهتلاقى كل شىء تمام ان شاء الله .

مبدئياً العربية نوعها ايه؟؟ و التابلوه جلد أيه؟؟ ولا بلاستيك كله فايبر زي العربيات القديمة ولا أيه؟؟

حاول تعملها الاول بميه وفوطه

ربنا يعوض عليك وان شاء الله حل armor all يجيب نتيجه.
على فكره حصل معايا حاجه زي كده بس اتضحلي في الاخر ان الشمس أكلت الطابلوه قبل التنضيف بفتره وماكنتش باينه عشان التراب كتير على الطابلوه.

اقتباس:

---

المشاركة الأصلية كتبت بواسطة horas3000

للاسف عندنا دار افتاء واحده و 90 مليون مفتي
اقترح تجيب ملمع طابلون كويس و تعيد علي الطبلون كله و حاول تستعجل

---

كلامك صح جدا بخصوص الفتي للأسف, و هعمل كدا ان شاء الله

اقتباس:

---

المشاركة الأصلية كتبت بواسطة saddam

صديقي المواطن
في اﻷول تحاول تنظفه بفوطة مبلولة بمياه وأصبر عليه شوية.لو منفعش فيه منظف جلد خاص تشتريه وتطري فيه الجلد وبعدين يدعك بالراحة وشوف وأكيد حيتحل ثم يا مواطن الطبلوه حتى لو مش بتنظف العربية ضروري كل أسبوعين على اﻷقل في شمس المحروسة.تمسحه من التراب وتحط عليه إسبربه ملمع من أبو 6 جنيه لزوم حمايته من التشققات ودمتم للنضال

---

معلش اصلي المواطن كان مشغول و بيكسل بصراحة يروح يغسل العربية و كدا, شكرا لردك يا باشا و لو الملمع مجبش نتيجة هعمل كدا

اقتباس:

---

المشاركة الأصلية كتبت بواسطة besov

1- تجيب جردل فيه ميه نظيفه و فوطه و تبل الفوطه و تعصرها كويس و تمسح الطابلون لحد متلاقى الفوطه خدت كل بواقى الصابون .

2- تنشف الطابلوه كويس جدا

3- تجيب ملمع الطابلوه armorall هو افضل الملمعات و بيقدم حماية و لمه خفيفه مش زى الأنواع اللى بتخلى الطابلوه مزيت و مبيلمش تراب و تزود الجرعه شوه على الطابلوه و يفضل اسفنجه و توزع الملمع بطريقه دائريه بالأسفنجه و ان شاء الله هتكون كل البقع اختفت

و عاوز اقولك متصدقش حد - دى فلوسك - دى عربيتك - متتحرجش من صنايعى او حتى مدير ..لأن انت صاحب المال و عايز اقولك لو خنفسه فولكس مش هيدخل ميه عليها من جوا !!

---

الف شكر يا باشا علي الخطوات دية, هعملها بكره ان شاء الله و اجرب, انا عملت بالمية بس بس للأسف مطلعش حاجة.
كلامك مليون في المية صح دي غلطتي قبل ما تكون غلطتة اني اتحرجت اقولة يشيل الصابون علي طول في ساعتها

اقتباس:

---

المشاركة الأصلية كتبت بواسطة akmm

هى دى الخطوات الصحيحه .......... واعملها والتابلوه بعيد عن الشمس ومش سخن وكرر عمليه الارمورال اكتر من مره وعلى فترات متقاربه يومى يعنى وهتلاقى كل شىء تمام ان شاء الله .

---

هجرب و يا رب يجيب نتيجة

اقتباس:

---

المشاركة الأصلية كتبت بواسطة smsm_nabawy

مبدئياً العربية نوعها ايه؟؟ و التابلوه جلد أيه؟؟ ولا بلاستيك كله فايبر زي العربيات القديمة ولا أيه؟؟

---

جراند بونتو, فية حاجات فيبر من فوق بس من الامام مش فيبر

تروح البنزينة وتطلع عينهم

بعد اذن صاحب الموضوع

اقتباس:

---

المشاركة الأصلية كتبت بواسطة saddam

فيه منظف جلد خاص تشتريه وتطري فيه الجلد

---

ياريت يا باشا تقولى اسم منظف مخصص للتابلوة الجلد الطبيعى
لان بقالى فترة كبيرة بدور عليه و للاسف كل اللى بشوفة
بيكون مخصص للتابلوهات البلاستيك

اقتباس:

---

المشاركة الأصلية كتبت بواسطة monamize4

بعد اذن صاحب الموضوع



ياريت يا باشا تقولى اسم منظف مخصص للتابلوة الجلد الطبيعى
لان بقالى فترة كبيرة بدور عليه و للاسف كل اللى بشوفة
بيكون مخصص للتابلوهات البلاستيك

---

منتجات سوناكس للعنايه بالجلد هى منتجات المانيه وغاليه ........... او زيت البرافين النقى من اى صيدليه رخيص وهما الاتنين مفعولهم كويس .

افضل علاج لمشكلتك
تروح الصيدليه تجيب ازازة زيت برافين ايوه هو اسمه كده وبقطنه او سفنجه ناعمة تحط شوية زيت على القطنه او السفنجه وتمسح بيه التابلوه كله وتدوس كويس
مميزاته
ماده طبيعيه مش بتشقق التابلوه
بتمتص اى حاجة على اتابلوه
جرب فى حتع صغيرة وهاتشوف الفرق تدعى لى

بنزينه وطنيه من اسوء الاماكن لتنظيف السيارات عن تجربه
العامل الهناك ( الهو عسكرى غلبان اصلا ) كسرلى المرايه الفى الجنب
دة غير البهدله والظروطه
الاحسن تتعامل معاهم فى البنزين اما التنظيف فتروح لمكان كويس احسن

قدر الله وماشاء فعل وده نصيبك واديك اتعلمت اهو عشان محدش يعملها تاني معاك
وباذن الله الحلول تجيب نتيجة معاك يارب

لما تروح كار كير تقفل شنتر العربية و متفتحوش احسن ﻻن اى حاجة جوة العربية هتعمل ريحة مع الوقت

[overline]حضرتك قولي مكانك فين سواء في البيت اوالشغل وهاحاول اجيلك اضبطهالك [/overline][overline][/overline][overline][/overline]...... [overline]مجانا[/overline][overline][/overline][overline][/overline]

ا[overline]نا صاحب اكسبريس كار كير دليفري ..انا بقدم خدمات الغسيل والعناية بالسيارات دليفري للشركات والافراد....01003882009[/overline][overline][/overline][overline][/overline]

السلام عليكم :

نصيحه لكل الأعضاء ... دي أسوء بنزينه دخلتها في حياتي ... حصل معايا اللي حصل مع الأستاذ و بوظلي السماعه الجانبيه بسبب المياه.... و أسلوب يقرف و غاليه جدا بشكل متخلف عقليا ... ليهم طريقه عجيبه في الحساب.. بيقولي عايز صالون فرش و لا تابلوه... تحب نضيف تلميع قوايم و لا لأ
ننضف أرض العربيه من جوا و لا لأ.... عايز أبواب من جوا و لا لأ... يا أخي أ.... .... أيه الهم ده و أخر حاجه بقي من أسبوع بقي اللي هو أوقات عصيبه بتمر بيها مصر... وقت القنابل و المفرقعات فونا داخلها لوحدي أفول... حاطط في التابلوه 2000 جنيه و في الشنطه حاجات مهمه و غاليه فعسكري طالوشه بيقولي أفتح الشنطه علشان نفتشها علشان يسمحلي أدخل أفول... ففتحتها و أنا راكب أتأخر ثواني قليله قلقت يكون بياخد منها حاجه قمت فتحت الباب اللي جنبي و نزلت رجعت ورا علي الشنطه خير في حاجه لأ أتفضل... قمت راجع لقيت طالوشه تانيه فاتحه الباب اللي جنبي من غير ما أعرف و نصه جوا عربيتي و فاتح التابلوه بيفتشه و ماسك في أيده ال2000 جنيه.. قمت خدتها من أيده و قفلت باب العربيه من ناحيته و هربت من البنزينه كلها بدل ما أدخل جوا الطالوشه اللي بيفول بقولي أفتح التانك و رجليك كمان بالمره علشان نحطلك البنزين الوطني ... حرمت أدخلها تاني و الله أنا مكتبتش البوست ده غير علشان خاطر أبقي نقلت تجربه ممكن الكل يستفيد منها و دمتم بخير

زيت البرافين بيشيل البقع وبعده الملمع