السلام عليكم
انا معايا 100000
وعاوز اجيب حاجة تكون زيرو واوتوماتيك
وتكون متينة مش صينى
انا الشيرى طلعت عين اهلى
تنصحونى بايه
صنى 2013
افيو 2014
لوجان
سانديرو
فيرنا
محتار جدا
ومش عاوز اتدبس
ياريت اللى عنده معلومة قوية عن تجربة يقولى
شكرا مقدماا
عرض للطباعة
السلام عليكم
انا معايا 100000
وعاوز اجيب حاجة تكون زيرو واوتوماتيك
وتكون متينة مش صينى
انا الشيرى طلعت عين اهلى
تنصحونى بايه
صنى 2013
افيو 2014
لوجان
سانديرو
فيرنا
محتار جدا
ومش عاوز اتدبس
ياريت اللى عنده معلومة قوية عن تجربة يقولى
شكرا مقدماا
ينفع بيكانتوا ؟
اعتقد السانديرو بتحقق معادله ممتازه فى الفئه دى
هل الافيو 2014 نزلت الاسواق باقل من 100 الف؟؟ ياريت لو حد جربها يفيد صاحب الموضوع و يفيدني
اللوجن او السانديرو
انا لسه شايفها النهاردة الافيو 2014 اوتوماتيك ب 100000
انتو تنصحونى بالفرنساوى؟ مع ان ناس كتير بتقولى ابعد عنه بس انا مش فاهم ليه؟
والصنى ليه ﻻ؟
الصني طبعاً لو لاقتها بـ 100.000
بس في الغالب مش هتلاقيها أقل من 110.000 عشان انا سألت عليها في كذا مكان مفيش بـ 100.000 خالص
في الحاله دي من وجهت نظري الشخصيه تبقى الفيرنا لو عاوز تبقى في المضمون قطع غيار رخيصه ومتوفره وسهله في الصيانه (الافيو فيها نفس المزايا دي بس اغلى 10.000 جنيه بدون داعي مش هتاخد بيهم كوالتي اعلى هو فرق شكل مش أكتر)
لو حابب بقى تغامر بموضوع الصيانه وقطع الغيار يبقى تدخل بقى على البريليانس كروس شيك ومفيش شكاوي منها كتير بالنسبه لجوده التصنيع
للاسف كلهم تعبانين في الاوتوماتيك لاكن افضل حاجة في رايي byd f3 اوتوماتيك وسيبك من كلام صيني وبتاع لان المحرك و الفتيس ياباني بتاع بلادة و العفشة ياباني و عربية جميلة فيها وسائل امان ومحرك قوي يعني مش هيخيش معا الاوتوماتيك وهية افضل حاجة اوتو في الفئة اقل من 100 الف
اعتقد صنى الشكل القديم
تحت المئه مفيش غير افيو و فيرنا عربيتين متجربين و شغالين كويس و فى الصينى طبعا ما افضلوش شخصيا
ممكن تضم الهيونداى i10 و الكيا بيكانتو و الشفورليه اسبارك و انا معايا هيونداى i10 و عربية محترمة جدا والله
الصنى الشكل القديم عربيه محترمه جدا و ممتازه و ممكن تدخل قسم نيسان و تاخد فكره
افيو عشان الاوتوماتيك فى الفيرنا مش كويس
اتفرج علي الساجا عربيه ممتازه في فئتها عيبها الوحيد سعر اعاده بيعها موش حلو اوي
وسعرها 88 الف
ده موش معناه ان العربيات اللي اقترحها الزملاء وحشه لكن اتفرج موش هاتخسر حاجه
الف شكر على الردووووود
انا مش عاوز ماليزى ولا صينى وال i10
غالية فوق ال100
انا دلوقتى عاوز افهم حاجة
ايه فرق صنى الشكل الفديم عن الشكل الجديد؟
شكرا
الفرق بينهم الشكل الخارجى والداخلى .. والشكل الجديد اوسع من القديم
اقتباس:
المشاركة الأصلية كتبت بواسطة kliken
ياريت يابشمهندس نعرف رائيك فى السانديرووالصنى
متااابع
هتشباك بيكانتو
سيدان صني شكل قديم لو ينفع
والله اعلم
نيسان صني الشكل القديم بس اكبر عيب ليها انها ضيقة قوي و استهلاك بنزين عالي شويه بس هي افضل عربيه بالسعر ده
نصيحه بلاش صيني و اللي يقولك ماتور متسوبيشي و عفشة كرولا و فتيس اتوماتيك ياباني و ... و .... ده حاجة من الاتنين يا اهبل و مضحوك عليه يا كداب و اسف في التعبير بس دي اقل كلمه تتقال علي واحد بيضحك علي الناس ... عفشه الصيني اسوء ما تكون عن تجربه ( عفشه كرولا قال :mahf(5): ) و الصيني القطع الاستهلاكيا مش معمره خالص و كل شويه بتصرف و تغير غير ان الاوبشن مضروبه يعني abs رديء ملوش لازمه و ايرباجز بعد شويه لمبتها تنور و تلاقيها باظت و ... الصيني سعر رخيص مقابل جوده رديئه و ملوش وجود خالص في اي دوله محترمه و محظور دخوله الدول المحترمه من اساسه و محدش يجبلي سيرته علشان بتعكنن ... نصحت زميل ليا من ٤ سنين يشتري اسبرانزا و للاسف كانت نصيحة غلط و دلوقتي سعر اعاده بعها وحش
اقتباس:
المشاركة الأصلية كتبت بواسطة kliken
وفى لوجان اعتقد افضلهم ولا ايه رائيك يابشمهندس