عايز أسافر تركيا أعيش هناك .. حد يفيدني ؟

**أبو آسر** · 29-09-2013 07:31 AM

السلام عليكم
طبعا كلنا عارفين حال مصر دلوقتي وإن العيشة فيها دلوقتي أصبحت مثل الانتحار البطيء أو السجن الكبير وأنا عندي 3 أولاد لسة في أول حياتهم وربنا هيحاسبني لو ربيتهم في مجتمع زي مصر دلوقتي بما فيه من انحراف وبلطجة وسوء تربية وأزمة أخلاق وظلم وطغيان وفجور واضطهاد ... إلخ وربنا قال "إن أرضي واسعة" ففكرت في موضوع السفر جديا عشان أنجو بنفسي وديني وأخلاقي أنا وأولادي وأعرف أربيهم تربية محترمة ويطلعوا بني آدمين ينفعوا دينهم ونفسهم لكن العائق دلوقتي إن السفر لبلاد الكفر غير جائز إلا للضرورات القصوى وفي حديث صريح في الموضوع ده (وده رأيي اللي بؤمن بيه فأرجو مندخلش في جدل عقيم لو حد ليه رأي تاني ونحترم آراء بعض) فبالتالي لازم السفر لدولة مسلمة علشان أنا مش عايز أهرب من بلد فسق وظلم لبلد كفر وإلحاد ! طبعا مصر فيها بلاوي برده بس في النهاية بلد مسلمة تقام فيها شعائر المسلمين ومش عايز عيالي يتربوا في جو غير مسلم يحسوا إنهم أغراب فيه وفي نفس الوقت مش عايز أسافر أي دولة عربية لأن زي ما انتوا عارفين المصري بالذات مكروه في الدول العربية الآن خاصة دول الخليج وبرده مش طموحي هو السفر لبلد عربي مع احترامي للدول العربية ولكافة إخواني العرب
الخلاصة إن خطرت في بالي تركيا: دولة نسبة المسلمين (السنة) فيها حوالي 90% أيوة عارف إنها علمانية بس احنا عندنا هنا علمانيين برده وممكن "....*" بلا شك ! لكن في النهاية هي دولة مسلمة وسكانها يدينوا بالإسلام والمساجد منتشرة والحجاب منتشر وغير مستغرب وأردوغان بيرجعها دلوقتي بالتدريج للإسلام بعد ما قضى عليها أتاتورك وعلمانيته وبدأ يسمح بالحجاب في الجامعات والمدارس والكلام اللي عارفينه ده وفي نفس الوقت دولة متحضرة ومعدل النمو فيها مرتفع بصورة كبيرة وأصبحت رائدة دلوقتي في مجالات كتير وكل يوم في تقدم ومستقبلها مضمون ومتوسط دخل الفرد كويس ...
إيه رأيكم في الكلام ده ؟ أتوكل على الله وأبدأ أرتب أموري ولا حد ليه رأي تاني (طبعا إلا البقاء في مصر لأن الموضوع ده شبه منتهي حاليا)
ملحوظة: أرجو عدم الدخول في نقاشات جانبية .. جدلية .. سياسية مع جزيل الشكر

تنبيه: مخالفة لقواعد المنتدى - يراعى اختيار الكلمات اللائقة

يرجى مراجعة قواعد المنتدى
_________________________

م.ع 7

**Car's Sniper** · 29-09-2013 08:55 AM

تقريبا مصر شعائر الاسلام فيها اضهاق مضاعفة لتركيا...ادخل عاليوتيوب واتفرج على شوارع تركيا وجها لوجه

**Car's Sniper** · 29-09-2013 08:57 AM

*اضعاف

**Mohamed_Hamid** · 29-09-2013 09:29 AM

لو سفر بسفر بقى وعايز بلد مسلم يبقى ماليزيا بتهيألى أرقى وأفضل من تركيا.
فيه موضوع هنا فى القسم فيه اخ عامله عن ماليزيا عايش هناك

**4fun14** · 29-09-2013 10:32 AM

متابع لانى خلاص عاوز انفذ بجلدى لنفس اسبابك
بس المشكله اللى اعرفها فى تركيا هى اللغه
وياريتك تخبر الزملاء بشهادتك ومجال عملك عشان يقدروا يساعدوك
--
ربنا يتوب علينا

**mohamed_hamdi** · 29-09-2013 10:56 AM

نصيحة شخصية من اخوك بلاش تركيا نهائي لو عايز ولادك يتربوا كما تتمنى بعيدا عن مصر هذه الفترة و افضل اختيار لحضرتك عن قناعة شخصية هي ماليزيا كما تفضل احد الزملاء في المشاركة اعلاه. دولة اسلامية صريحة و بيحترموا المصريين جدا و الفيزا في المطار كمان بس محتاج ترتب عملك الخاص هايكون ايه هناك او لوانت تقني كويس ممكن تشبك في وظيفة حلوة . موضوع اخونا ابو رقية عن ماليزيا اكثر من رائع و يمكنك الرجوع اليه. بلاش تركيا يا اخي الكريم. البديل الكويس و الاسهل هو يا السعودية بوظيفة و دخل كويس يا اما الامارات و دي اللي اخوك بيفكر فيها لاسباب خاصة بس بعيد عن دبي خالص و اي امارة تانية زي راس الخيمة هاتكون اختيار وسط كويس ليك.

**wawamoha** · 29-09-2013 11:10 AM

مع احترامي للراي الشرعي بتاع الضروره القصوى - هو فيه ضروروه قصوى اكتر من اللي احنا فيه ...

انا حاسس ان ولادنا هايبوظم هايبوظم لو ما هاجرناش من البلد دي - بل متاكد و خايف ربنا يحاسبني عل تقصيري في الهجره....
انا مقتنع اني خلاص عاوز اعيش مع الناس اللي احنا بنقول عليهم كفره مع انهم بيطبقم كل تعاليم الاسلام ..
اكيد بمجهود اقل من اللي احنا فيه هانعرف نحافظ عليهم

يا رب رحمتك

**Secret-Man** · 29-09-2013 11:29 AM

انا معاك فى المبدأ لك نمش معاك فى البلد

وبكل بساطه سهل تجيب فيزا سياحه من اى شركه وتطلع تبص بصه اصل ديه معيشه كامله مش رحله وراجع فياريت تروح تبص الاول على المكان الى ناوى تبتدى فيه مستقبلك انت واولادك

ثانيا البلاد الاسيويه المسلمه جميله زى ماليزيا و سنغافورا ودول كتير محترمه

موضوع التحريم لبلاد الكفر انا معاك فيه من مفاسد اكتر من جلب المنافع وديه حقيقه ولكن كل واحد ادرى بحاله ودينه وتمسكه بتعاليم الاسلام الى متربى عليها لان الوحش موجود فى كل مكان

ودايما تابع الاحصائيات العالميه ( نسب النمو - البلطجه والجريمه - السرقات - الدخل الاقتصادى - الناتج القومى ) هو كلام مجعلص شويه بس كله فى لاخر هيصب عليك