الموضوع: ما هى احسن سيارة قدتها؟

أختلف مع قول الأستاذ حازم

يا سيد ابو عبد الله الناس بتتكلم علي انواع بقالها فوق ال 30 سنه من فيات محدش مثلا اتجرأ وقال الماريا مثلا و لا السيلو ولا البراقا ولا حتي الريجاتا وحشه دي عربيات زي ال124 و ال125 متصممه من الستينات و لو تلاحظ يقولك احسن عربيه موديل فوق ال2000 و اسوء عربيه فيات موديل قبل 1975 يعني المقارنه كده فيها لم لفيات طبعا و ما نقدرش نقول انها اسوأ عربيه ولا حاجه العربيات دي كان ليها و قتها و كان الاكل بيعمل لها الف حساب

مش معنى ان أي واحدي يقول أن أسوأ عربية كانت الفيات موديلات أقل من 1980 وأحسن عربيات أنواع تانية فوق الألفين متنساش أن ممكن أي واحد مننا أو بعضنا ركبنا عربيات قديمة برضه بس مش فيات كانت بيجوه 504 موديل 1979 أو مرسيدس شمامة 1975 وتويوتا كريسيدا موديل 1975 بالإضافة طبعا للفيات 124 أو 128 موديل قديم برضه
ولكن اللي جرب ده كله كان قراره في النهاية أن أسوء سيارة ساقها وقادها كانت فيات 124 أو 128 مثلا مش السيارات التانية اللي إتكلمت عليها

إذن أنا أتفق مع الأخ أبو عبدالله

خلاص يا جماعه شركة فيات اطحنت خلاص
ماشاء الله لا أحد اختلف انها من أسوأ العربيات

ودي وجهة نظري المحضة وشكراً
م/أحمد :D

================

نرجوا الإلتزام بقواعد المنتدى

اللون الأحمر مقتصر على الإدارة فقط

وشكرا

الإدارة 3
===============

يا أستاذ حازم

بس ما تنساش ان لحد فتره قريبه كانت تلت عربيات جمهوريه مصر العربيه من شركه فيات ف مش معقول ان تلت الشعب فضل يركب عربيات سيئه و مش فاهم

تلت الشعب مضطر فقط لا غير لعدم وجود أي بديل
السبب بدون إطالة أننا كنا نعيش في نظام الإحتكار العام سواء للحكومة أو لأقاربها أو لأعيانها أو لعائلات الواصلين
ومجرد أن رجلهم كانت واخدة على مجايب الفيات أو السيات لأنها تحقق لهم أعلى مكسب بأقل تكلفة من غير وجع دماغ
وده مش معناه أن ده فخر لفيات في مصر لأن لو مصر مفتوحة من زمان زي الآن مكانتش الفيات وصلت للنهارده وكان الياباني وغيره مسحها من مصر
وهذه وجهة نظر شخصية :D
م/أحمد