مميزات وعيوب ام جراند 7

**M I D O** · 30-09-2013 07:05 PM

المشاركة الأصلية كتبت بواسطة midooo_119

الى لسه محتار ينزل يتفرج عليها و يركبها تاكسى و يسال سواقها او تشوف حد مشتريها و يقلك على الى فيها طبعا اى عربيه فيها عيب المشكله بس ان الاعضاء جمعوا كل العيوب فالى يجى يشوف المواضيع يفتكر ان كل العيوب هتتطلع عنده و طبعا ده مستحيل انا الحمد لله محصلش معايا غير عيب ثرموستات و اتغير فالتوكيل و لازم تبقى مقتنع انك راكب صينى بالسعر و الاوبشن ده لازم تحط فدماغك ان طبيعى ممكن يحصل عيب فلو هتستحمل ده اتكل على والله اشترى لو حضرتك خايف من حاجه زى كده ممكن تشوف عربيه تانيه

معاك في كل كلمة قلتها الا اخر المشاركة يعني اية راكب صيني مش عربية هية ؟؟ هما 84 الف جنية قليل ؟؟ مالناش فية بقي صيني تايواني ان شاء الله حتي تكون صومالي المهم ميكونش فيها عيوب ولو فيها عيوب تتصلح بسرعة في التوكيل وتكون عربية اعتمادية ولا اية راي حضرتك

**M I D O** · 30-09-2013 07:08 PM

[QUOTE=aftr;3875207303]

المشاركة الأصلية كتبت بواسطة M I D O

ماشي معايا شاهين حضرتك عاوز اية يعني ؟؟ واية دخل دة في الحوار ؟؟ و العربية دي انا متابعها من شهر 12 بعد ما اول دفعة استلمتها في مصر وبعدين العربية الي في السعودية 1800 سي سي تقفيل بلادها مش زي مصر 1500 تقفيل غبور .. حضرتك عاوز اية بقي

[/QUOTE
خليها عليك ياميدو معلش اللى انت متعرفوش ان ميدو بقاله شهور محتار بين m11 وايمجراند وفعلا ده الصح انا قبل مااشترى m11 تخيل بعد قد ايه مقارنه سنه ونص وكان فى المقارنه
افيو+اكسنت +رينولوجان+النترا الكلام ده فى 2010
وعرفت كل عيوب عربيه وقطع الغيار وحسيت ان m11 مناسبه والحمدلله رب العالمين بسم الله ماشاء الله 4 سنوات ربنا يحفظها ويديمها علينا نعمه

مش شايف يا باشا الراجل داخل حامي علينا ازاي وبيتريق ؟؟ بس يلا عشان خاطرك انت بس يا باشا مش هنعمل مشاكل وربنا يباركلك في الام 11 وعلي فكرة هية طالعة من عيني والله بس ان شاء الله هدوس في الامجراند عشان لو حد من اهلي ركب معايا ميبقاش متضايق

**M I D O** · 30-09-2013 07:10 PM

المشاركة الأصلية كتبت بواسطة د.عماد صلاح

مقدرش اشجع حد علي حاجه انا نفسي مارضتش اعملها
البدائل بي واي دي او ام 11 او 516 عربيات متجربه و مشاكلها قليله انا مش معترض علي الصيني بالعكس انا معجب جدا ب بريليانس و الام جي ...بس الاساس في اي عربيه جديده هي 5 سنوات من راحه البال يعني تنزل الصبح تدور تروح شغلك ترجع تركن و تاني يوم تدور تروح .....و هكذا
لكن اجيب عربيه تدوخني لا و بعدين 80 الف مش مبلغ قليل يعني اللي بيجيب مرسيدس بيبص لل 150 الف انهم ملاليم و هكذا يعني اي فلوس هتدفعها في عربيه فهي تعبك و شقاك ومش عايز ترميها في الارض و انا مش متحامل علي العربيه بس المشاكل اللي فيها مش قليله و حتي اللي ماعندوش مشاكل بيشتكي من سوء التقفيل الداخلي ودي حاجه شفتها بعيني ...غير ان الموتور ضعيف يعني صاحبي كان بيعدي ار بي ام 3 عشان ينقل والعربيه اخده عزم كويس ...ودمتم للنضال السلمي بلاش المسلح عشان مةضوع الارهاب ممكن يخدونا كلنا

ارفع لحضرتك القبعة احتراما ليك ودي حاجة كويسة انك مترضاش لغيرك الي مترضاهوش لنفسك وطبعا 80 الف مش قليل خاااااااالص علي الاقل بالنسبة لينا وربنا يسهل و العربية عيوبها تتصلح وتبقي كويسة

**M I D O** · 30-09-2013 07:11 PM

المشاركة الأصلية كتبت بواسطة saddam

صديقي المواطن
إنتو محسسيني رايح يشتري عربية ب 150 ألف وخايف منها دي عربية سعرها رخيص وشكلها حلو وتقفيلها ليس رديء وبعدين منفضلش نكسر نفسية كل واحد عايز ربنا يتوب عليه من.العربيات المسيئة لصورة الشعب المصري كفيرنا ولانوس وأخيرا بييجي بدائل معقولة زي إﻹمجراند 7 والتيجو وال 620 والبريليانس والبي واي دي بس خلاص لازم شكلها يتغير فتخيلوا لو العربيات دي مدخلتش مصر كان كل.عربيات مصر للأسف لانوس وفيرنا معرفش ليه بزعل لما بشوف العربيات دي ماشية في شوارع مصر والله الشعب المصري يستحق أكثر من كده سيبو الراجل يشتري ويطور نفسه ياخد عربية حلوة وواسعة ثم إيه يعني لو بعد سنتين يغير كباس هو أنا بقله غير مكنه وإيه يعني مثلا لو بعد كام سنة طلع عيب في كبالن وغيرناها لنوع أحسن زي إيطالي أو ياباني أو ألماني محنه كلنا بنعمل كده أنا عن نفسي كنت أتمنى حاجة تعطل عشان أعملها على مزاجي وأنساها ثم يا أيها اﻷخوة المواطنون.
إيه البدائل بالسعر ده يقدر حد يجاوب المواطن صاحب الموضوع اللي جبتوله أزمة نفسية شديدة.اللهجة وزمانه دلوأتي رجع الفلوس تحت البلاطة.أو حيغلط غلطة عمره وينزل يجيب فيرنا كالعادة
زملائي في النضال والكفاح المسلح في المنتدى
إحنه هنا لازم نكون إيجابيين ونشجع الناس ونساعدها عالتغيير والنظرة.الجديدة للأمور وإلا بقينا زينا زي باقي الناس العادية اللي شغالين بنظرية بيقللك

ودمتم.للنضال

انت راجل برنس وكلامك زي الفل

**raedegypt** · 30-09-2013 07:14 PM

شوف ياباشا كل مالك لديه يقول العيوب ال عندة وتجد ال بيشترى يحس ان كل العيوب دة فى سيارته هو .. انا شارى سيراتو من الرياض والله لغايه دلوقتى التوكيل مش عارف العيب ولا عارف اصلحها ولسه بندفع فى اقساط وهى كيا وكورى ومع زملائى كويسه . يعنى عايز اقولك طالما العربيه مصنوعه فى بلدك تجميع لاتخف واى مشكله بتتصلح وعلى فكرة الاميجراند عندنا فى جدة مغرقه البلد والكل بيشكر فيها ولما سالت قالك السعر والعربيه فيها كل حاجه ومافى فرق بينها وبين اى عربيه تخليك تدفع 20 و 30 الف زيادة والله على ما اقول شهيد

**M I D O** · 30-09-2013 07:39 PM

المشاركة الأصلية كتبت بواسطة raedegypt

شوف ياباشا كل مالك لديه يقول العيوب ال عندة وتجد ال بيشترى يحس ان كل العيوب دة فى سيارته هو .. انا شارى سيراتو من الرياض والله لغايه دلوقتى التوكيل مش عارف العيب ولا عارف اصلحها ولسه بندفع فى اقساط وهى كيا وكورى ومع زملائى كويسه . يعنى عايز اقولك طالما العربيه مصنوعه فى بلدك تجميع لاتخف واى مشكله بتتصلح وعلى فكرة الاميجراند عندنا فى جدة مغرقه البلد والكل بيشكر فيها ولما سالت قالك السعر والعربيه فيها كل حاجه ومافى فرق بينها وبين اى عربيه تخليك تدفع 20 و 30 الف زيادة والله على ما اقول شهيد

تاني هتقول جدة و السعودية !!! بص انزل مصر اشتري امجراند 1500 سي سي و اشحنها علي السعودية وبعدين تعالي نتكلم

**د.عماد صلاح** · 30-09-2013 10:41 PM

هما ليه مفكرين الاميجراند اللي في مصر هي بتاعه السعوديه ...في فرق سرعات يا افندم

**M I D O** · 01-10-2013 01:00 AM

المشاركة الأصلية كتبت بواسطة د.عماد صلاح

هما ليه مفكرين الاميجراند اللي في مصر هي بتاعه السعوديه ...في فرق سرعات يا افندم

والله العظيم ماعرف دة في فرق شاسع سيبك من التقفيل سيبك من الاوتوماتيك سيبك من سعرها هناك ارخص شوف المحرك 1800 سي سي خطير

**midooo_119** · 01-10-2013 03:04 AM

المشاركة الأصلية كتبت بواسطة m i d o

معاك في كل كلمة قلتها الا اخر المشاركة يعني اية راكب صيني مش عربية هية ؟؟ هما 84 الف جنية قليل ؟؟ مالناش فية بقي صيني تايواني ان شاء الله حتي تكون صومالي المهم ميكونش فيها عيوب ولو فيها عيوب تتصلح بسرعة في التوكيل وتكون عربية اعتمادية ولا اية راي حضرتك

لما ياميدو الكورى طلع فالاول كان بيتفارن باليابانى و الاوربى و كان فيه مشاكل كتير مع الوقت شوف دلوقتى سعر الكورى كام .. الصينى لسه فاوله برضه يعنى هيبقى فيه مشاكل مع الوقت هتتصلح مكنش قصدى ان الصينى وحش انا قصدى انه لسه فالاول و الى يشترى لازم يبقى فاهم حاجه زى كده

**M I D O** · 01-10-2013 01:18 PM

المشاركة الأصلية كتبت بواسطة midooo_119

لما ياميدو الكورى طلع فالاول كان بيتفارن باليابانى و الاوربى و كان فيه مشاكل كتير مع الوقت شوف دلوقتى سعر الكورى كام .. الصينى لسه فاوله برضه يعنى هيبقى فيه مشاكل مع الوقت هتتصلح مكنش قصدى ان الصينى وحش انا قصدى انه لسه فالاول و الى يشترى لازم يبقى فاهم حاجه زى كده

تمام يا باشا وكلنا عارفين حكاية الكوري و الصيني دلوقتي في نفس الموقف وربنا يصلح الحال ويبقي في مستوي الكوري

الموضوع: مميزات وعيوب ام جراند 7

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مميزات وعيوب sx4

مميزات وعيوب i 30

مميزات وعيوب جراند فيتارا

مميزات وعيوب

مميزات وعيوب

الكلمات الدلالية لهذا الموضوع

المفضلات

المفضلات

ضوابط المشاركة