تغيير كاوتش الصني الشكل القديم

**mohamedxsayed** · 30-09-2013 12:53 AM

المشاركة الأصلية كتبت بواسطة ahmed.dessouky

بفكر فيها بجديه بس بلد الصناعه مخوفني حبه

الحمدلله الفرده طريه جدا معايا وطلعت بيهاا الشروق ومشيت فيها فى الزلط والمطبات وكانت زى الفل معدل تأكل الكوتش 420 والبريدجستون الى كان عندى 220 . اهم حاجه متخدش كلام من بياااع

**Youssef.Awad** · 30-09-2013 12:59 AM

انا مع اختيار الكونتيننتال اولا واخيرا.. عن تجربة لما تركبه مش هاتعرف تسوق عربية من غيره تاني
بالنسبة للمقاس الافضل بالترتيب
185/65
195/65
195/60
انا مركب في عربيتي كونتيننتال 195/65 فرنساوي h من سنتين كانت الفردة ب 500

**foxmanayman** · 30-09-2013 07:36 AM

المشاركة الأصلية كتبت بواسطة ahmed.dessouky

طب اخبار النشوفيه ايه ، زي القديمه ولا احسن ؟ وياترى المقاس اللي اخترته ايه ؟

الحمد لله مريحة جدا عن الاصلي بتاعها ودي كانت اهم حاجة عندي ,وانا جبت المقاس الاصلي 185/65/15
وفي تورنزا اندونسي صديق جابها وبيشكر فيها وهي ب500 وحاجة

**wardet** · 30-09-2013 08:14 AM

طيب دلوقت انتو حيرتونى
اجيب اييييه؟؟

**Youssef.Awad** · 30-09-2013 09:38 AM

المشاركة الأصلية كتبت بواسطة ahmed.dessouky

نورت الموضوع يا استاذ يوسف ، للاسف الكونتننتال بيخوف في حاجه واحده بس ان فيه منه صناعات كتير جدا واغلى حاجه فيه شفتها كانت اتحاد اوروبي ب650 الفرده بدون تركيب يعني تاخدهم في شنطه العربيه وتمشي . بالنسبه للمقاس اللي حضرتك جربته 195 65 هل لو العربيه محمله جامد اشخاص وشنط ورا بيحك في الرفارف او حاجه ؟

انت عارف لو قولت اللي مخوفني الانتشار عشان لو فردة اتقطعت وحبيت تغيرها كنت قولت ماشي
انما صناعات كتير ده مش عيب لانه بيديك فرق في الاسعار حسب المقا. وبلد الصناعة
علي ما اظن ان الاتحاد الاوروبي ده صنع التشيك او رومانيا والاتنين خبرتهم بصناعة العربيات مش هينة ابدااا
بس افضل توليفة كاوتش شوفتها من elasticity, grippness, braking, stability, silence. كانت مع الكونتيننتال والباقي كله بيديك حاجة او اتنين بس

انسي موضوع انك تحك في اي حاجة قدام ولا ورا حتي لو محمل في الجنوط ال15 للصني سواء في 185/65 او 195/65 اللي بيرفعها حوالي نص سم كمان
عمري في حياتي ما حكت مني ولا اخدت مطب بالجنب وانا راكبها لا بالكاوتش الاستوك او بعد اما غيرته والمرات النادرة اللي حصلت مع الاستوك كانت بسبب اني اوقات بادخل علي المطب بسرعة ا. باضرب فرامل وانا فوقه فالعتب بس بيحك من تحت الابواب كده

**Amr_tika88** · 30-09-2013 11:01 AM

طب ياريت لو حد بيسال علي اليوكوهاما يسالي برضو علي السي دريف لمقاس ١٦/٢٠٥/٥٥
انا كنت مركبها في عربية اخويا التويوتا كورولا وفعلا كاوتش محترم جدا جدا جدا

**ahmed.dessouky** · 30-09-2013 11:15 AM

المشاركة الأصلية كتبت بواسطة amr_tika88

طب ياريت لو حد بيسال علي اليوكوهاما يسالي برضو علي السي دريف لمقاس ١٦/٢٠٥/٥٥
انا كنت مركبها في عربية اخويا التويوتا كورولا وفعلا كاوتش محترم جدا جدا جدا

بإذن الله هسأل النهارده وهسألك على المقاس المذكور عند الموزع اللي اشترى منه الاخ جبريل

**ahmed.dessouky** · 30-09-2013 11:32 AM

المشاركة الأصلية كتبت بواسطة foxmanayman

الحمد لله مريحة جدا عن الاصلي بتاعها ودي كانت اهم حاجة عندي ,وانا جبت المقاس الاصلي 185/65/15
وفي تورنزا اندونسي صديق جابها وبيشكر فيها وهي ب500 وحاجة

الله يباركلك فيهم وفعلا موضوع نشوفيه القديم الb391 يخلي الواحد يكره الماركه حتى ولو معمره دا بالضبط كإنك ماشي على الجنط الحديد حتى ولو الضغط 30 بس وكمان الموضوع زاد عن حده لما الفرد قدمت ، انا غيرت كاوتش التراب مرتين وفي التوكيل قالولي ان اللي بيحصل ده هيدمر عفشه العربيه خصوصا اني بمشي في مطبات كتير جدا يوميا

المشاركة الأصلية كتبت بواسطة wardet

طيب دلوقت انتو حيرتونى
اجيب اييييه؟؟

بص بعد اراء الناس وتجاربهم ابتدت الصوره توضح اكتر الحمدلله ، مبدأيا موضوع المقاس حسم في الاتي :
1 - 185 - 65 - R15 دا زي الاصلي اللي فيها
2 - 195 - 60 - R15 دا هيبقى اعرض سنه بس هيقلل ارتفاع العربيه 1سم
3- 195 - 65 - R15 ودا اللي ناوي اجيبه انشاءالله هيبقى اعرض سنه بسيطه وهيرفع العربيه عن المقاس الاصلي بحوالي نص سنتي عن الارض وبإذن الله بدون ضرر او احتكاك بجسم العربيه

نوع الكاوتش واضح ان الاغلبيه مجتمعه على :
1- Bridgestone gr90 ودي ب730 تقريبا شامله كل حاجه .
2- Continental Eco ....... 5 ودي ب650 وهتطلع من عيني بس للاسف مش شامله التركيب وسرعتها H مش V زي البريدجستون وصناعتها اتحاد اوروبي .
3- Yokohama C Drive ياباني هسأل عليها النهارده بإذن الله وبرضه ناس كتير بتشكر فيها جدا وريفيوهاتها زي الفل .

احب اضيف ان التويو بقت بتنزل صيني وسعرها 375 جنيه فقط النقشه الجديده السرعه V بس للاسف مش حاضرني اسم النقشه بس اعتقد موضوع صيني هيخلي الناس تستبعدها بدون نقاش