نظام تقسيط السيارات ؟؟؟!!!!

**zohair28** · 29-09-2013 09:59 PM

لو هتدفع 50% يبقى مش لازم تكون موظف.

بص حضرتك انا لسة لافف اللفة دى من أسبوعين بالظبط و لقيتها قصة صعبة جداً أنا هحكيلك:-
أنا موظف روحت بنك ناصر عشان أقل فايدة و طلب ضامن و وورق صعب جدا أى جهه فى الحكومة توافق علية عدم إخلاء الطرف إلا بإذن البنك و نوذج توقيعات و شغل عقد.
دة غير أن مش كل البنوك و المعارض ببتعامل معاة قلت خلاص بلاش بنك ناصر.

سألت على أفضل فايدة لقيت بنك المشرق. فايدة 8.89 روحت بنك المشرق و هدفع 50% عشان ميبقاش فية إستعلام و أسهل على نفسى الإجراءات.

سألت على سعر العربية لقيتها فى الوكيل أرخص من المعارض ب 5000 جنية !!!! أنت متخيل الفرق!!!

رجعت للوكيل بتععامل مع بنك المشرق قالى لأ مع أنو كان قايلى أة و قالى تعالى و هجيبلك بنك تانى بفايدة كويسة بس طبعا أنا قلقت.

روحت لوكيل تانى قالى ماشى بنك المشرق مفيش مشكلة بس العربية مش هتطلع من عندى غير لما أخد الشيك!!!!

رجعت البنك قالى مش هطلع الشيك غير لما أشوف الرخصة وورق العربية!!!!!

عاملة زى البيضة و الفرخة بتاع زمان.

قولت خلاص نشوف بنك تانى روحت بنك عودة و قلتلهم هدفع 50% قالولى الفايدة 12% و هنا تم وأد فكرة شراء عربية جديدة تماما و روحت جيبت كسر زيرو زى الفل و مبسوط بيها و دعواتك ربنا يبارك فيها.

**abo sandy** · 29-09-2013 10:42 PM

المشاركة الأصلية كتبت بواسطة zohair28

لو هتدفع 50% يبقى مش لازم تكون موظف.

بص حضرتك انا لسة لافف اللفة دى من أسبوعين بالظبط و لقيتها قصة صعبة جداً أنا هحكيلك:-
أنا موظف روحت بنك ناصر عشان أقل فايدة و طلب ضامن و وورق صعب جدا أى جهه فى الحكومة توافق علية عدم إخلاء الطرف إلا بإذن البنك و نوذج توقيعات و شغل عقد.
دة غير أن مش كل البنوك و المعارض ببتعامل معاة قلت خلاص بلاش بنك ناصر.

سألت على أفضل فايدة لقيت بنك المشرق. فايدة 8.89 روحت بنك المشرق و هدفع 50% عشان ميبقاش فية إستعلام و أسهل على نفسى الإجراءات.

سألت على سعر العربية لقيتها فى الوكيل أرخص من المعارض ب 5000 جنية !!!! أنت متخيل الفرق!!!

رجعت للوكيل بتععامل مع بنك المشرق قالى لأ مع أنو كان قايلى أة و قالى تعالى و هجيبلك بنك تانى بفايدة كويسة بس طبعا أنا قلقت.

روحت لوكيل تانى قالى ماشى بنك المشرق مفيش مشكلة بس العربية مش هتطلع من عندى غير لما أخد الشيك!!!!

رجعت البنك قالى مش هطلع الشيك غير لما أشوف الرخصة وورق العربية!!!!!

عاملة زى البيضة و الفرخة بتاع زمان.

قولت خلاص نشوف بنك تانى روحت بنك عودة و قلتلهم هدفع 50% قالولى الفايدة 12% و هنا تم وأد فكرة شراء عربية جديدة تماما و روحت جيبت كسر زيرو زى الفل و مبسوط بيها و دعواتك ربنا يبارك فيها.

ربنا يباركلك فيها يا باشا
ويعطيك خيرها ويكفيك شرها
بس دا الموضوع طلع كبير اوى

طيب بالنسبى لكسر الزيرو دى حضرتك جبتها كاش ولا قسط
وهل فى مستعمل او كسر زيرو قسط
ولا انت اخدت المقدم وجبت بيه عربية كاش مرة واحدة

**zohair28** · 29-09-2013 11:28 PM

كسر الزيرو جيبتها كاش - هيا طبعا أقل كتير من المواصفات اللى كونت هجيبها فى العربية الجديدة يعنى جيبت عربية تانية بس على قد الفلوس اللى معايا.

بس أنا مبحبش حد يستغلنى. معرض - بنك بصراحة بيبقوا عاوزين يطلعوا منك أقصى فايدة
حجز سيارة - تأمين ع الحياة - مصاريف إدارية - تأمين شامل - إستعلام - فتح حساب - إلخ
- حاجة بشعة مش كدة !!!!!!!!!!!!!!!!!

جيبتها من سوق السيارات - بس فى معارض بتقسط المستعمل - بس صدقنى قصة القسط دى قصة فاشلة.

**abo sandy** · 30-09-2013 02:39 AM

المشاركة الأصلية كتبت بواسطة zohair28

كسر الزيرو جيبتها كاش - هيا طبعا أقل كتير من المواصفات اللى كونت هجيبها فى العربية الجديدة يعنى جيبت عربية تانية بس على قد الفلوس اللى معايا.

بس أنا مبحبش حد يستغلنى. معرض - بنك بصراحة بيبقوا عاوزين يطلعوا منك أقصى فايدة
حجز سيارة - تأمين ع الحياة - مصاريف إدارية - تأمين شامل - إستعلام - فتح حساب - إلخ
- حاجة بشعة مش كدة !!!!!!!!!!!!!!!!!

جيبتها من سوق السيارات - بس فى معارض بتقسط المستعمل - بس صدقنى قصة القسط دى قصة فاشلة.

صح انت كلام صح القسط فعلا حاجة بشعة وفيه استغلا جامد
وبتحس انه بيحاول يطلع كل الى معاك وكله بالمستندات

طيب بصفة ان حضرتك نزلت سوق السيارت المستعمل وكده
انا معايا 30 الف وعايز اجيب عربية فى حدود 25 الف وال5 الباقيين عايز اسيبهم عشان اظبط بيهم العربية يعنى جنوط بقا وحساسات وطقم صوت والكلام ده

تفتكر المبلغ ده يجيب عربية ايه بس طبعا ابعدنى بعيد عن الشاهين والفيات والكلام ده
انا عايزها تكون عربية شبابية وتكون ششكلها جديد نوعا ما عن العربيات القديمة