نظام تقسيط السيارات ؟؟؟!!!!
السلام عليكم
كنت عايز اسال شوية اسالة عن نظام تقسيط السيارات
واتمنى الاقى حد مر بالموضوع ده عشان يقدر يفيدنى ويفيد الاخوة المتابعين بشكل صحيح
يعنى لو انا مثلا دخلت معرض وخلاص شفت عربية وعجبتنى وخلاص هخلص فيها بس طبعا قسط يعنى مش كاش سلم واستلم
نيجى بقى للكام سؤال الى عندى :
1- هل العربية الى بتفق فيها مع صاحب المعرض هى هى الى بستلمها بعد ما اخلص اجراءات القسط والتعامل مع البنك واللفة الى بتتعمل عشان اقسط العربية ... ولا ممكن على ما الف اللفة دى كلها واروح استلم عربيتى الاقى فيها حاجة ناقصة يعنى من الاخر ممكن صاحب المعرض ياخد منها حاجة كده ولا كده مهو هيقول هو خلاص هيشيل ... ولا بتبقى هى هى بنفس الكماليات الى شفتها ونفس كل حاجة ؟
2- عادى من حقى انى ادخل جوا العربية واجرب التكييف واجرب النور بتاعها والمساحات والكاسيت والكلام ده كله ولا مفيش الكلام ده ؟
3- ممكن اعمل تيست درايف ولا لئه ولو مفيش تيست درايف بيبقى ايه الحل لانى ببقى عايز اشوف ثباتها وعفشتها وعزمها والكلام ده ؟
4-لو انا بشترى عربية بكمالياتها ... ايه هى الكماليات بالظبط عشان ما ينضحكش عليه فى حاجة واخد العربية ناقصة حاجة ؟
5- اخر حاجة بقا المفروض وانا بشترى عربية جديدة ابص على ايع بالظبط ولا الجديد مفيش فى الكلام ده ؟
معلشى اسالتى كتييير بس يا ريت الاقى حد مجرب يقدر يفدنى