انا كنت عامل اشتراك في القطر من زمان وكان ببلاش تقريباً :)
حاليا القطر لسه مش شغال والميكروباص مستغلين الوضع ده ومغليين الأجرة
طبعا لو هتسافر كل يوم يبقى لازم اشتراك قطر
عرض للطباعة
انا كنت عامل اشتراك في القطر من زمان وكان ببلاش تقريباً :)
حاليا القطر لسه مش شغال والميكروباص مستغلين الوضع ده ومغليين الأجرة
طبعا لو هتسافر كل يوم يبقى لازم اشتراك قطر
لا هى القطارات اشتغلت بس مش بكامل طاقتها وانا بكره هاروح المحطه اسال على كل حاجه
اوك مشكورين يا رجاله وان شاء الله اول لما اتخرج ليكوا عندى تورتايه هديه لكل واحد ههههههههههههههههههههههههه ههههههههههههههههه
ياااااااااه لو يعملوا اوتوبيسات للطلبه الجامعيين ههههههههههههههه احلام
بص اخوك من بنى سويف من المحافظة نفسها بس حاليا برة مصر
احسن حاجة ليك انك تاخد سكن فى بنى سويف وتعليم صناعى فى شرق النيل يعنى ممكن تدور على شقة فى شرق النيل برضو وممكن تاخدها ب300 جنية فى الشهر لو دورت كويس طبعا انت شاب يعنى مش فارقة معاك نظيفة ولا متبهدلة
ولو عندك عفش مش محتاجة يعنى سرير على تلاجة مستعملين هتنقلهم من القاهرة لبنى سويف ب 250 مثلا ولو مش عندك بوتجاز تجبلك واحد كهرباء او واحد مستعمل قديم متهيالى مش هيعدى ال200
بجد هيبقى احسن ليك مليون مرة او الحل التانى انك تدور على سكن مشترك فى الشرق ومتيهالى مش هيقل عن 200 فى الشهر
لكن لو بتفكر انك تروح وتيجى كل يوم نصيحة بلاش بلاش بلاش الا لو انت هتروح الجامعة يومين فى الاسبوع اول ارهاق جامد جدا هتاخدلك 6 ساعات مواصلات يوميا ولو اول محاضرة 9 يعنى تتحرك على الاقل 5 من بيتك يعنى تصحى 4 وطبعا هترجع على 8 بليل بيتك هتنام قتيل يعنى كدة كدة يومك مات
لكن لما تقعد فى بنى سويف ايام المحاضرات وتسافر كل اسبوع او كل اسبوعين حسب ما ترتاح هتلاقى نفسك وفرت فلوس ومجهود ووقت
لان بكل بساطة رايح جى كل يوم هتصرفلك حوالى 50 جنية مواصلات بس دا غير اكل وشرب اكيد
يعنى لو قلنا 20 يوم دراسة فى الشهر يعنى 1000 غير حد على الاقل 600 جنية اكل وشرب بس فى بنى سويف نفسها
لكن لو عملت موضوع الشقة الى قلتلك علية دة هتصرف اول شهر بس حوالى 1500 - 2000 مثلا
وهتوفر بعد كدة يعنى ممكن مصاريفك ما تعديش 1000 حسب طريقة عيشتك واكل
فهمنى؟
دى نصيحة بجد لانى عشت غربة الجامعة وعارف قرفها
وما تقلقش بنى سويف كمحافظة حلوة جدا وشبابية وفيها اماكن خروج وكافيهات نظيفة جدا واسعار الاكل والشرب رخيصة جدا بالمقارنة بالقاهرة واكلها نظيف وطبعا فى الشعبى وفى النظيف والنظيف عندنا اسعارة كويسة مش غالية
ونصيحة لما تروح روح منطقة اسمها الجيار وكل كريب من عند كذا ميزا هيعجبك اوى :)
انا بيت اهلي في بني سويف في الحي الاول امام كلية تعليم صناعي مباشره
طريقة الوصول لها سهله جداً
تنزل المنيب
تركب اي ميكروباص رايح بني سويف من الطريق الشرقي (بتاع الجيش) .. الطريق الزراعي لأ والغربي لأ
اول ماتوصل بوابات الجيش تقول للسواق عايز انزل (قدام كلية تعليم صناعي)
هينزلك امامها لأن ده هو طريقة اصلاً
مش هتحتاج اي مواصلة تاني
من المنيب الى الكلية مواصلة واحده فقط
لو عايز شقة طبعاً مفيش 300 والكلام ده الا لو كنت مستعد تسكن في شقة بدون عفش وبدون تشطيب
بالنسبة للمظاهرات مفيش اي مظارهرات في ((مدينة بني سويف الجديدة))
والمكان هادي جداً ومليان مطاعم وحدائق وطلبة كتير هناك وكل اللى هتحتاجه هتلاقية من غير ماتنزل بني سويف نفسها
لو عايز تسكن مع شباب ولاد ناس لاتسكن مع طلبة تعليم صناعي ولا المعهد الفني التجاري
اسكن في الشقق اللى امام جامعه النهضة واللى بيأجرها طلبة جامعه النهضة (جامعه خاصة) وهيا قريبة جداً من كلية تعليم (5 دقائق مشي)
لالمشكله انى بشتغل هنا وطبعا الشغل هى اللى بيصرف وكده وكده انا مش ناوى اروح كل يوم يعنى اروح 3 ايام او يومين بردو علشان الشغل
عموما انا عملت تقليل اغتراب لحلوان وربنا يسهلها وهو ادرى بالظروف والحال ادعولى اتقبل
الحكايه هاتبىق سهله بالقطار شويه بس لما اشوف الدنيا هاترسى على ايه
كل دول سوايفة ما شاء الله