الموضوع: ارح بنى سويف ازاى.... جالى تعليم صناعى هناك

بص اخوك من بنى سويف من المحافظة نفسها بس حاليا برة مصر
احسن حاجة ليك انك تاخد سكن فى بنى سويف وتعليم صناعى فى شرق النيل يعنى ممكن تدور على شقة فى شرق النيل برضو وممكن تاخدها ب300 جنية فى الشهر لو دورت كويس طبعا انت شاب يعنى مش فارقة معاك نظيفة ولا متبهدلة
ولو عندك عفش مش محتاجة يعنى سرير على تلاجة مستعملين هتنقلهم من القاهرة لبنى سويف ب 250 مثلا ولو مش عندك بوتجاز تجبلك واحد كهرباء او واحد مستعمل قديم متهيالى مش هيعدى ال200
بجد هيبقى احسن ليك مليون مرة او الحل التانى انك تدور على سكن مشترك فى الشرق ومتيهالى مش هيقل عن 200 فى الشهر
لكن لو بتفكر انك تروح وتيجى كل يوم نصيحة بلاش بلاش بلاش الا لو انت هتروح الجامعة يومين فى الاسبوع اول ارهاق جامد جدا هتاخدلك 6 ساعات مواصلات يوميا ولو اول محاضرة 9 يعنى تتحرك على الاقل 5 من بيتك يعنى تصحى 4 وطبعا هترجع على 8 بليل بيتك هتنام قتيل يعنى كدة كدة يومك مات
لكن لما تقعد فى بنى سويف ايام المحاضرات وتسافر كل اسبوع او كل اسبوعين حسب ما ترتاح هتلاقى نفسك وفرت فلوس ومجهود ووقت
لان بكل بساطة رايح جى كل يوم هتصرفلك حوالى 50 جنية مواصلات بس دا غير اكل وشرب اكيد
يعنى لو قلنا 20 يوم دراسة فى الشهر يعنى 1000 غير حد على الاقل 600 جنية اكل وشرب بس فى بنى سويف نفسها
لكن لو عملت موضوع الشقة الى قلتلك علية دة هتصرف اول شهر بس حوالى 1500 - 2000 مثلا
وهتوفر بعد كدة يعنى ممكن مصاريفك ما تعديش 1000 حسب طريقة عيشتك واكل
فهمنى؟
دى نصيحة بجد لانى عشت غربة الجامعة وعارف قرفها
وما تقلقش بنى سويف كمحافظة حلوة جدا وشبابية وفيها اماكن خروج وكافيهات نظيفة جدا واسعار الاكل والشرب رخيصة جدا بالمقارنة بالقاهرة واكلها نظيف وطبعا فى الشعبى وفى النظيف والنظيف عندنا اسعارة كويسة مش غالية
ونصيحة لما تروح روح منطقة اسمها الجيار وكل كريب من عند كذا ميزا هيعجبك اوى :)

انا بيت اهلي في بني سويف في الحي الاول امام كلية تعليم صناعي مباشره
طريقة الوصول لها سهله جداً
تنزل المنيب
تركب اي ميكروباص رايح بني سويف من الطريق الشرقي (بتاع الجيش) .. الطريق الزراعي لأ والغربي لأ
اول ماتوصل بوابات الجيش تقول للسواق عايز انزل (قدام كلية تعليم صناعي)
هينزلك امامها لأن ده هو طريقة اصلاً
مش هتحتاج اي مواصلة تاني
من المنيب الى الكلية مواصلة واحده فقط

لو عايز شقة طبعاً مفيش 300 والكلام ده الا لو كنت مستعد تسكن في شقة بدون عفش وبدون تشطيب

بالنسبة للمظاهرات مفيش اي مظارهرات في ((مدينة بني سويف الجديدة))

والمكان هادي جداً ومليان مطاعم وحدائق وطلبة كتير هناك وكل اللى هتحتاجه هتلاقية من غير ماتنزل بني سويف نفسها


لو عايز تسكن مع شباب ولاد ناس لاتسكن مع طلبة تعليم صناعي ولا المعهد الفني التجاري

اسكن في الشقق اللى امام جامعه النهضة واللى بيأجرها طلبة جامعه النهضة (جامعه خاصة) وهيا قريبة جداً من كلية تعليم (5 دقائق مشي)

المشاركة الأصلية كتبت بواسطة mgheam

انا بيت اهلي في بني سويف في الحي الاول امام كلية تعليم صناعي مباشره
طريقة الوصول لها سهله جداً
تنزل المنيب
تركب اي ميكروباص رايح بني سويف من الطريق الشرقي (بتاع الجيش) .. الطريق الزراعي لأ والغربي لأ
اول ماتوصل بوابات الجيش تقول للسواق عايز انزل (قدام كلية تعليم صناعي)
هينزلك امامها لأن ده هو طريقة اصلاً
مش هتحتاج اي مواصلة تاني
من المنيب الى الكلية مواصلة واحده فقط

لو عايز شقة طبعاً مفيش 300 والكلام ده الا لو كنت مستعد تسكن في شقة بدون عفش وبدون تشطيب

بالنسبة للمظاهرات مفيش اي مظارهرات في ((مدينة بني سويف الجديدة))

والمكان هادي جداً ومليان مطاعم وحدائق وطلبة كتير هناك وكل اللى هتحتاجه هتلاقية من غير ماتنزل بني سويف نفسها


لو عايز تسكن مع شباب ولاد ناس لاتسكن مع طلبة تعليم صناعي ولا المعهد الفني التجاري

اسكن في الشقق اللى امام جامعه النهضة واللى بيأجرها طلبة جامعه النهضة (جامعه خاصة) وهيا قريبة جداً من كلية تعليم (5 دقائق مشي)

ما طبيعى ان 300 شقة فاضية بدون فرش وعلشان كدة انا ذكرت نقطة السرير والتلاجة والحاجات دى
وذكرت نقطة انة شاب وجى يتعلم فمش محتاج شقة 5 نجوم والحل بتاع شقق المشتركة حلو طبعا لو عرف يلاقى حاجة حلوة بسعر حلو
لكن علشان يجى مواصلات كل يوم صعب