ممكن أعرف متى يتم تغيير إسطوانة الدبرياج؟يعنى بعد كام كيلومتر تقريبا؟
وسعرها كام؟وهل يجب تغييرها فى التوكيل ولا ممكن أى ميكانيكى بره؟
عرض للطباعة
ممكن أعرف متى يتم تغيير إسطوانة الدبرياج؟يعنى بعد كام كيلومتر تقريبا؟
وسعرها كام؟وهل يجب تغييرها فى التوكيل ولا ممكن أى ميكانيكى بره؟
لما تلاقي سحب العربية بقى في الضياع و لما تدوس بنزين تلاقي الاربي لم طالع و العربية مبتسحبش خالص و تشم ريحة شياط ده لما تكون جابت اخرها يعني و هي على حسب ممكن تغيرها مثلا كل 50 الف كيلو او 70 او 40 على حسب طرقة سواقتك في زحمة او على طريق سريع و كده يعني
اسطوانه الدبرياج ليس لها عمر محدد ده بيعتمد علي جوده نوع الاسطوانه وعلي طريقه السواقه
لكن ليها علامات بتوضح ان الاسطوانه عاوزه تتغير منها صعوبه نقل الفتيس ( بس لازم تتاكد ان زيت الفتيس موش ناقص او تالف ) صوت اثناء النقل واخيرا سحب العربيه يقل اوي
وعموما بيتم تغيير الطقم كامل : اسطوانه وديسك وبليه
شكرا
هو أصلا كده كده فتيس الجين 2 تقيل شويه فى النقلات.
لو صوت الموتور عالى ومفيش سحب يبقى تتغير
لو أديت الغيار التانى أو التالت ورفعت فرامل اليد وحاولت تطلع بالعربية واحده واحده والموتور مبطلش تبقى الأسطوانه ضعيفه وبتلف على الدسك مش بتقفش فيه ولازم تتغير
ماعتقدش ان في ميكانيكية بيفهمو في البروتون
ليه ياعم مكن البروتون مش معقد مثلا زي الرينو او البيجو
مكنه مكن لانسر بالظبط والخلاصه اي عربيه محتاجه صنايعي بيهم يشخص الحاله صح
زي مثلا انك رايح لدكتور اخصائي او متمرس بيفرق
الاسطوانه بتاثر فى السحب والتجميع فى النقلات وبتبان اوى على التانى اول متجيب التانى تلاقى العربيه زى ميكون هتقف منك وتاخد وقت على متجمع معاك... وعشان تحافظ عالاسطوانه ديما بلاش تدوس دبرياج فى الانتظار والاشارات . مور العربيه حتى لو هتقف نص دقيقه فى اشاره ....وعمرها الافتراضى حسب استخدامك وكمان حسب النوع ..ممكن يعود 60 الف وممكن ميكملش معاك 10....
وتغير الاسطوانه مش صعبة اى مكانيكى شاطر يعملها لان الفكره واحده فى جميع العربيات المانوال "دسك واسطوانه وبليه" ..الى هو طقم الدبرياج ..كل عربيات المنوال نفس المكونات دى تقريبا ..وتركيبهم بردو بنفس الطريقه تقريبا ....