ضروري يا جماعة : عاوز احسن سمكري في الابيزا 2000

يا جماعة انا قدامي عربية ابيزا 2000 و معروضة ب 36000 و محتاج تترش من برة ( جانبين وسقف ) لأنها متبهدلة شوية و كمان محتاجة كبوت جديد وفيها 3 بارومة واحدة عند العتب والتانية بين الرفرف الشمال والعتب والتالت دة بقي فوق البربريز علي طول ( يعني بين البربريز والسقف ) اما الصالون فمحتاج حبة تظبيط في فرش ال 4 ابواب و تظبيط التابلوه ...... مطولش عليكو انا شايف ان السعر كويس خصوصا ان الموتور كويس والاساسات سليمة وعاملة 158000 كيلو يعني معقول وبالنسبة للرش والصالون فدة كدة كدة لازم يتظبط لما اشدها ...... الاهم عندي اني عايز احسن سمكري في الابيزا يبصلي علي ال 3 بارومة الموجودين ويقولي هينفعوا ولا لأ وكمان عايز اعرف رأيكوا ايه في السعر دة والحالة دي ..... اشتري ولا اشوف حاجة غيرها ؟؟؟؟؟

هو السعر عاوز يقل شويه ونتا لسى قدامك مصاريف للشد وكدا
حاول تدور على حاجه جهزه بسعر مناسب
بالنسبه للسمكره هوا فى ورشة نيل موتورز فى الحرافيين ممكن تروح وتشوف التكلفه وتحسبها
وبالمره هتكون بالحرافيين وتقدر تسال على باقى الحاجات الى محتجها للصالون وخلافه ولو نويت خلاص ممكن تركبها هناك كمان
هل العربيه مكيفه بتكيفها الفبريكه فبريكه ؟
ماتورها كام cc ؟
على فكره الموديل ده نضيف جدا ومميز ولما حلته بتكون حلوه بتستمتع بيه أوى ؟

صديقي المواطن.
الرصة.اللي إنت رصتها دي حتاخد منك فب الشد تقريبا 5 آلاف شغل أي كلام حتخش في 3 ونص والسيات عربية متعبة تحسها واقفة في النص لا هي محصلة جولف ولا تحس إن ليها كاركتر وشخصية وعامة لو عجباك توكل على الله دي فلوسك وده إختيارك وعامة السيات.الوحش اللي فيه الدبرياج لو مانوال مزعج ومبيستحملش كتير ودمتم للنضال

اقتباس:

---

المشاركة الأصلية كتبت بواسطة hossamalsadik

هو السعر عاوز يقل شويه ونتا لسى قدامك مصاريف للشد وكدا
حاول تدور على حاجه جهزه بسعر مناسب
بالنسبه للسمكره هوا فى ورشة نيل موتورز فى الحرافيين ممكن تروح وتشوف التكلفه وتحسبها
وبالمره هتكون بالحرافيين وتقدر تسال على باقى الحاجات الى محتجها للصالون وخلافه ولو نويت خلاص ممكن تركبها هناك كمان
هل العربيه مكيفه بتكيفها الفبريكه فبريكه ؟
ماتورها كام cc ؟
على فكره الموديل ده نضيف جدا ومميز ولما حلته بتكون حلوه بتستمتع بيه أوى ؟

---

أ / حسام ..... العربية تكييفها فبريكة بس هو لما شغلته حسيته ضعيف شوية و الهوايات نفسها متبهدلة ومحتاجة تتغير لأنها معلقة في في منها مكسور والموتور كمان فبريكة وحالته كويسة
بالنسبة للسمكرة هو انا كنت عايز سمكري يجي يشوفها قبل ما اشتريها عشان يساعدني في القرار ..... ايه رأي حضرتك ؟؟؟؟؟

اقتباس:

---

المشاركة الأصلية كتبت بواسطة saddam

صديقي المواطن.
الرصة.اللي إنت رصتها دي حتاخد منك فب الشد تقريبا 5 آلاف شغل أي كلام حتخش في 3 ونص والسيات عربية متعبة تحسها واقفة في النص لا هي محصلة جولف ولا تحس إن ليها كاركتر وشخصية وعامة لو عجباك توكل على الله دي فلوسك وده إختيارك وعامة السيات.الوحش اللي فيه الدبرياج لو مانوال مزعج ومبيستحملش كتير ودمتم للنضال

---

أ / صدام ..... انا فهمت موضوع ال5 الاف و ال 3 ونص بس بصراحة مفهمتش الباقي

بص انا هديك نبزه عن بعض الأسعار للمحتاجه
رشر العربيه والسمكره فى حدود 3000ج وافضل البويات البويه الأسكنز
التبلوه بيتباع كامل 2500ج إستيراد او ممكن ياخد منك التبلوه القديم وتدفع 1500ج
فرش الباب اللاربع أبواب إستيراد كامل من 800ج ل 1300ج حسب الحاله
الأكر ومفاتيح الكهرباء كل حاجه ليها سعرها
الكابوت 400ج تقريبا والرفرف 200ج تقريبا

العربيه بعد الصرف المباشر هتعدى معاك 40الف الى 43 فمكن تلاقى حاله نضيفه بالسعر ده
وممكن تنزل شويه فى سعرها وتظبتها وطبعا فى الحاله ديه هتكون لسى رشا بويه وكل حاجه جديده
وقدام شويه تخش على الصالون وحده وحده عشان متحسش بالتكلفه يعنى مره تظبط الأبواب وبعدها التبلوه وهاكذا

واستخير ربنا
بالتوفيق أن شاء الله

موضوع ان الدبرياج بيبوظ ومش كويس ومابستحملش وان ده عيب فى الموديل ده والسيات عموما فى المنوال ده كلام او مره اسمع عنه

اقتباس:

---

المشاركة الأصلية كتبت بواسطة hossamalsadik

موضوع ان الدبرياج بيبوظ ومش كويس ومابستحملش وان ده عيب فى الموديل ده والسيات عموما فى المنوال ده كلام او مره اسمع عنه

---

طيب معلش انا اسف بس انا من كلام حضرتك كدة حاسس انك ميال ان انا استني شوية واشوف حاجة بالسعر دة ( 41000 - 43000 ) تكون بحالتها بدل ما دي تطلع عيني عند السمكرية واتبهدل معاها وتضيع وقت و كدة كدة هتتكلف نفس المبلغ مع ان دة برضه ليه مميزات اني لسه هتعلم عليها سواقة يعني هخبط فيها براحتي من غير خوف وكمان فرصة اني اتعلم ميكانيكة العربية وسمكرتها عشان افهم كل حاجة في تظبيط العربيات و كمان الفرق دة مش هيدفع مرة واحدة لأ دة كل ما يبقي معايا فلوس .... بس ارجع واقول اني بسمع ان العربية لما بتفتح بوقها بالشكل دة بتكر وراها حاجات تانية مش بتتشاف دلوقتي بتتشاف بعد كدة نتيجة كروتة الصنايعية وكدة ..... بصراحة يا باشا انا محتار ومش عارف اعمل ايه ..... خايف اجيبها تتفتح عليا فتحة عند السمكرية ( خصوصا اني مش طايق العربية بسبب كتر البواريم بتاعتها و اماكنها ) و السروجي والكلام دة وخايف مجيبهاش ابقي ضيعت عليا فرصة بسعر كويس ..... ياريت معلش تساعدني

طلما هتقدر تدفع لحد 42 ألف يبقى تجيب حاجه جاهزه وحالة نضيفه على طول
بس انتا بتقول انك لسى هتتعلم وعليها يعنى ممكن تخبطها فأنتا كده محتاج عربيه للتعليم
فلو جبت خالة نضيفه احتمال تتبهدل منك فى فترة التعليم وبكده هتخسر جزء من الى دفعته نتيجة للحالة النضيفه الى اشتريت بيها العربيه فجيب حاجة حالة متوسطة وبعد التعلم واتقان كل شيىء بيعها وهات حاجة نضيفه واستمتع بيها او تخليها وتشدها ده بردو ممكن .

وطلما انتا بتتعلم لسى هقلك على حاجه عشان تكون مستعد نفسيا
اى حد شفته بيسوق ومحترف عربيات كان فى بداية تعليمه خسر شويه وديه ضريبة التعلم
طبعا حسارة الى بيسأل ليستفيد من خبرات غيره غير الى سأل وملاقاش مثلا جواب صح او ملاقاش حد يسأله أصلا فبقى ملطشى بالبلدى كده
ونتا معنا هنا فى القسم أذا ربنا كتبلك تجيب سيات او فى المنتدى عموما أن شاء الله كتيير هيسعدوك انك تفهم وهيفدوك بخبراتهم وده هيقصر عليك فترة التعلم جدا وهيوفر عليك كتير من المال والجهد والله المستعان .
كمان فى فترة التعلم اسأل كتيير وأقرأ كتير عن كل شيىء ميكانيكا سمكره بويه كهربة سيارات كل شيىء .
ووحد وحده هتبقى محترف
بالتوفيق ان شاء الله

طيب يا باشا ممكن رقمك علي الخاص عشان محتاج اتكلم مع حضرتك

بعت لحضرتك الرقم على الخاص