الموضوع: أركب طربوش بعد حشو العصب ولا أسيبه على كده ؟!

المشاركة الأصلية كتبت بواسطة dr.hazem

الزيركون عالي لانه قوي وصعب الكسر ومبيتفاعلش باي شكل كان 'ع اللثة بينما المعدن بيعمل أحيانا حواليه صبغه في اللثة غامقه تعرف ب amalgam tattoo وللأسف مكنتش اعرف الكلام ده وعندي سنين عاملين التاتتو ده فباين انهم طرابيش...
ملهاش مشاكل صحية لكن شكلهم هو اللي بيبقى باين....
تحياتي

Sent from my Xperia Arc S using Forum Runner

شكرا يا دكتور حازم على المعلومات القيمه الى ساعدت بيها واسمحلى بشويه اضافات بعد اذن حضرتك

- الفرق بين الزيركون والبورسلين العادي ان البروسلين بيكون معدن وعليه طبقه بورسلين لكن الزيركون بورسلين خالص بدون معدن وفعلا احسن من البورسلين بكتير

- amalgam tattoo ليس لها علاقه بالطربوش نهائى لأن amalgam دا اسم الحشو الفضي ولما بيعمل ال tattoo غالبا بيكون في داحل الضرس قليل من الحالات لما اللون يغير لون الضرس نفسه ولازم يكون اغلب الضرس حشو

- لما بيكون الطربوش لونه بيتغير مع الوقت فغالبا دا عيب معمل احتمال يكون طبقة البورسلين الى موجوده فوق المعدن سمكها قليل او الطربوش مش بورسلين اصلا ممكن يكون اكريل ودا نوع من انواع البلاستيك

- طبعا الاخ الى بيسأل يعمل طربوش ولا لأ اه طبعا لازم لأن المشكله مش ان الحشو يتكسر دي سهله ممكن يتعاد تاني لكن احيانا الضرس بيتقسم جزئين بالطول مش بيكون ليه حل غير الخلع ومنقدرش نقول خلال اد ايه يعمل الطربوش لان طول ما الضرس سليم ممكن يتعمل لو اتكسر الله يرحمه

- بالنسبه لاستاذنا الكريم الى بيقول جاب انبوبتين حشو ابيض ب 12 جنيه حضرتك جبت الكيميائى ودا اسوء نوع ويمكن اغلب الدكاتره مش بتشتغل بيه لكن الانواع الكويسه الى بيقولو عليها حشو ليزر فعلا اسعارها غاليه العلبه ممكن توصل 1500 جنيه واكتر كمان

ارجو انى اكون افدت شويه
واسف على الاطاله