تغيير تيل فرامل الجين 2 - عصام و صفا - تقييم للتيل أيضا

السلام عليكم اخواني الكرام .
أنا من قوة أيماني أننا لازم نساعد بعض ... جزء من المساعدة دي هو مشاركة المعلومات مع بعض للتسهيل على بعض .

انا لسة عامل صيانة 30 ألف لعربيتي الجين 2 (موديل 2010 ) أوتوماتيك (استخدامها قليل انا عارف )

غيرت الزيت (من عندي ) أنا خرجت برة الضمان كدا كدا .
غيرت تيل فرامل أمامي .

تقييمي لتيل الفرامل .

أولا أنا ذهب لمركز الصيانة لعمل الصيانة بس . و لكن المهندس قالي أنت محتاج تغيير تيل أمامي

فوافقت .

المهم قالي موجود تيل فرامل بوش و مصنوع في أيطاليا .

أنا بصراحة بحب أشتري حاجات مصنوعة في مصر أو في أي دولة أسلامية أو دول صديقة مش من حلف الناتو أو مع أمريكا

المهم مش عارف ليه تنازلت و قبلت التغيير ... يمكن علشان مش فاضي أنزل ادور في محلات قطع الغيار على تيل فرامل من دولة أسلامية أو من كوريا مثلا لو مش متوفر دولة أسلامية أو مصر .

المهم تم التغيير و علشان ما طولش عليكم

سعره 350 جنيه مصري من غير ضرائب .
الاداء ......... زي الأصلي بالظبط ........ من أول دوسة فرامل ... و الحمد لله تعالى و بسم الله ما شاء الله و لا حول و لا قوة إلا بالله ........ مفيش تصفير ,,, و التيل ناعم زي الأصلي بالظبط و مش ناشف

طبعا بعد التغيير عرفت أن فيه فرق في الاداء .... و الفرامل أتحسنت مع أنها كانت حلوة قبل التغيير مش وحشة بس طبعا انا بسوق براحة و يمكن مكنتش واخد بالي أن التيل محتاج تغيير و لكن بعد التغيير حست ان الفرامل بتقفش أحسن و أقوى .

نيجي بقى للنقطة التانية و هي مركز عصام و صفا
المعاملة ممتازة ...... و الصيانة تمت في وقت قياسي مقارنة بالتوكيل .
طبعا صيانة 30 مفيهاش تغيير حاجة غير الزيت
فمش هاقدر أحكم على اداء العمل
إلا أن تغيير التيل و الصيانة البسيطة اللي هي تغيير الزيت و تربيط العفشة تمت بطريقة مرضية جدا

تقييم نهائي للمركز لما تم ... جيد جدا
تقييم للتيل ........ ممتاز (مثل الأصلي بالظبط ) الأصلي بوش ألماني على ما أعتقد .
دي صور للتيل القديم و علبة التيل الجديدة


http://i44.tinypic.com/2j4r37l.jpg

http://i42.tinypic.com/sqgtqf.jpg

http://i43.tinypic.com/sevtjl.jpg

http://i39.tinypic.com/34fjyat.jpg

http://i43.tinypic.com/2v80gwj.jpg

في الصورة الأخير دي
العلبة مكتوب عليها التيل خاص بالسيارة فيات ستيلو .
يبقى نستنتج أن تيل الجين 2 هو مثله مثل أي تيل عربية راكب لها نظام فرامل بوش
كان فيه مواضيع عن الموضوع ده بس مش لاقيها بصراحة و كان عبد الرحمن العضو الحاضر الغائب (بقالنا فترة مش بنشوفه ) له مشاركة فعالة في موضوع التيل .
و فيه موضوع حديث برضه و ده الرابط بتاعه

http://www.nilemotors.net/Nile/376646-2.html
للعضو darkbright


http://i40.tinypic.com/241w4zc.jpg

دي صورة للتيل الجديد بعد التركيب .

http://i43.tinypic.com/345obiw.jpg

ياباشا مبروك وعقبال صيانة 100000
وفعلاً مركز عصام صفا حلو جداً وناس بتفهم قوى ومحترمة جداً فى التعامل

اقتباس:

---

المشاركة الأصلية كتبت بواسطة bondok20002002

ياباشا مبروك وعقبال صيانة 100000
وفعلاً مركز عصام صفا حلو جداً وناس بتفهم قوى ومحترمة جداً فى التعامل

---

ألف شكرا يا باشا و شكرا على المتابعة و الأماني الطيبة .
ربنا يحفظك و يستر طريقك

و فعلا عصام و صفا (معاملة ممتازة )

مبروك التيل الجديد ........................

مبروك يا باشا و عقبال صيانه ال 100 الف

الف مبروك يا كبير

ملعش يا توت باشا ، حاجة لها علاقة بالطريق
فى ظل الإزدحام المروري الذي يعصف بالبلاد ، الاحسن من اكتوبر لعصام صفا ، الدائري لإتجاه السلام والمرج ولا من داخل البلد يعني صلاح سالم ثم طريق النصر وهكذا
وهل التيل الاصلي انتهي على 30 الف ، ولا كان يقعد ل 40 واتغير بدري شوية ومبروك الصيانة:) واعتقد دي أول مرة لك من 2007 تروح عصام وصفا :)

اقتباس:

---

المشاركة الأصلية كتبت بواسطة akmm

مبروك التيل الجديد ........................

---

اقتباس:

---

المشاركة الأصلية كتبت بواسطة Silent~Dream

مبروك يا باشا و عقبال صيانه ال 100 الف

---

اقتباس:

---

المشاركة الأصلية كتبت بواسطة eng f3lix

الف مبروك يا كبير

---

شكرا يا رجالة بروتون .. وحوش البحر و الجو و الأرض ......... :Bravo:

اقتباس:

---

المشاركة الأصلية كتبت بواسطة al-farooq

ملعش يا توت باشا ، حاجة لها علاقة بالطريق
فى ظل الإزدحام المروري الذي يعصف بالبلاد ، الاحسن من اكتوبر لعصام صفا ، الدائري لإتجاه السلام والمرج ولا من داخل البلد يعني صلاح سالم ثم طريق النصر وهكذا
وهل التيل الاصلي انتهي على 30 الف ، ولا كان يقعد ل 40 واتغير بدري شوية ومبروك الصيانة:) واعتقد دي أول مرة لك من 2007 تروح عصام وصفا :)

---

اللي أنا عملته كان الآتي .
أخدت طريق الدائري (المعادي ) مش بطيق القوس الشمالي من الدائري بسبب عربيات وجه بحري النقل و النص نقل (السواقين غُشم أخر حاجة )

نزلت نزلة مدينة نصر ...... و بعدين كملت لغاية ميدان رابعة (مقفول طبعا يومها للتجديد )
و بعدين قعدت أخرم من وسط مدينة نصر للوصول لمنطقة النزهة ... طبعا مش هاعرف أقولك وصلت ازاي لأني أصلا تُهت عدة مرات لأن ناس فكرتني بأسأل على شارع النزهة في الأول و بعدين رحت شارع النزهة غلط لغاية ما بدءت أسال على حي النزهة

أنا بقى معاك أنك تروح من القوس الشمالي (دائري السلام )
أو
وسط البلد بس يكون بعد الساعة 10 صباحا علشان الزحام الخانق .

أو تروح التوكيل في ابو رواش و تريح دماغك من المشوار العلقة
بس بصراحة عصام و صفا كويسين و يستاهلوا المشوار

بالنسبة للتيل الأصلي
هو شكله كان يقعد شوية كمان بطريقة سواقتي بس مكنش يقعد كتير ...
عموما أنا محتفظ به و عايز أقارن تخانة التيل القديم مع تيل جديد بس مش لاقي حد معاه تيل جديد أقارن التخانة ما بينهم .

و فعلا دي أول مرة أروح عصام و صفا ... قلت أجرب ... طلعوا ناس زي الفل .

هل فعلا دوخة ، بس لو كنت مكانك وهاخد طريق دائري اتجاه المعادي "هو اطول من اتجاه السلام بس انضف" كنت هكمل لنزلة المطار ومن هناك اكمل الطريق
افضل طريق اللى من داخل البلد لو كانت الدنيا روقان لكن للأسف زحمة فوق الوصف انا بفضل اى طريق سريع حتي لو استهلاك بنزين اكثر احسن من كل شوية فرامل واشارات و اسيب ربع متر قدامي الاقي واحد دخل فيه او واحد يخبط او يلمس التاني فيوقفوا الطريق وراهم عقبال ما يتصلحوا في الزحمة فطول الطريق تلاقي الواحد عمال يكبت فى نفسه والكاظمين الغيظ ، ثقافة شعب. هي نفس الحاجات بتحصل على الدائري وبيتزحم وكل حاجة بس احساس ان الطريق ماشي وشغال دي حاجة جميلة :d

والتوكيل الصحرواي الله يهديهم مش بيركب التيل دة ، خلاف ان الواحد ممكن يروح عصام وصفا اسرع من التوكيل اللى بنقعد فيه بالخمس ساعات علي صيانات مفيهاش حاجة ، الله يهدي عصام وصفا كمان ويعملوا فرع قريب!

وشاكر لردك يا توت باشا :)

اقتباس:

---

المشاركة الأصلية كتبت بواسطة al-farooq

هل فعلا دوخة ، بس لو كنت مكانك وهاخد طريق دائري اتجاه المعادي "هو اطول من اتجاه السلام بس انضف" كنت هكمل لنزلة المطار ومن هناك اكمل الطريق
افضل طريق اللى من داخل البلد لو كانت الدنيا روقان لكن للأسف زحمة فوق الوصف انا بفضل اى طريق سريع حتي لو استهلاك بنزين اكثر احسن من كل شوية فرامل واشارات و اسيب ربع متر قدامي الاقي واحد دخل فيه او واحد يخبط او يلمس التاني فيوقفوا الطريق وراهم عقبال ما يتصلحوا في الزحمة فطول الطريق تلاقي الواحد عمال يكبت فى نفسه والكاظمين الغيظ ، ثقافة شعب. هي نفس الحاجات بتحصل على الدائري وبيتزحم وكل حاجة بس احساس ان الطريق ماشي وشغال دي حاجة جميلة :d

والتوكيل الصحرواي الله يهديهم مش بيركب التيل دة ، خلاف ان الواحد ممكن يروح عصام وصفا اسرع من التوكيل اللى بنقعد فيه بالخمس ساعات علي صيانات مفيهاش حاجة ، الله يهدي عصام وصفا كمان ويعملوا فرع قريب!

وشاكر لردك يا توت باشا :)

---

المرة الجاية ان شاء الله أخد القوس الجنوبي لغاية المطار لأن فعلا النزهة قريبة قوي من المطاار و أنا مكنتش مركز و أنا رايح .
كنت سايق على المجهول :36_2_33:

و ياريت والله يكون لهم فرع قريب في منطقة الجيزة أو أكتوبر .

التيل عمره مش شرط يعتمد علي التخانه

لانه ممكن في مرحله يحجر يعني يكون طبقه خارجيه تمنع انه يتاكل وساعتها حيفضل حجمه ميتغيرش لاكن حينحر في الطنبوره
وده عاده بيحصل نتيجه ظروف الطرق في مصر

اقتباس:

---

المشاركة الأصلية كتبت بواسطة abou-yahia

التيل عمره مش شرط يعتمد علي التخانه

كلام صحيح ... بس التيل الأصلي اللي بينزل العربية طري ... و هو كان طري لغاية ما أتغير .
أصلي جربت تيل مع واحد في جين 2 مغيره بتيل مش أصلي و كان ناشف مقارنة بالاصلي .
ده اللي خلاني بأتكلم عن التخانة
و شكرا لمعلومتك يا باشا .
لانه ممكن في مرحله يحجر يعني يكون طبقه خارجيه تمنع انه يتاكل وساعتها حيفضل حجمه ميتغيرش لاكن حينحر في الطنبوره
وده عاده بيحصل نتيجه ظروف الطرق في مصر

---

هو أنا بصراحة يا أبو يحي أول مرة أسمع المعلومة دي .
بس انت نورت القسم عندنا .
:tumb:

الله يخليك
الصنايعيه بيقولوا عليها التيل بلط

اقتباس:

---

المشاركة الأصلية كتبت بواسطة abou-yahia

الله يخليك
الصنايعيه بيقولوا عليها التيل بلط

---

:36_2_33:

مبروك تغيير التيل, و هو فعلاً أدائة زي الأصلي بالظبط تقريباً, أنا مركبه عندي بقاله 30 الف اهو, و هغيره في الغالب مع الخلفي الاسبوع الجاي ان شاء الله.

طب يا جماعه أنا جبت تيل أمامى كورى أسمه dnao .. أدائه سىء جداً و بيصفر .. و بفكر أغيره مع الخلفى .. أنا محتار أجيب خلفى نوعه إيه؟؟؟
الأمامى هجيب البوش .. إنما الخلفى أجيبه ايه؟؟؟

ملاحظه.. التيل الخلفى الماليزى مش موجود فى التوكيل.. فيه تيل ماليزى فى محل أولاد علام .. حد يسمع عنه أى حاجه؟

مبروك على التيل الجديد والصيانه..بس حضرتك مقلتش غيرت زيت نوعه ايه؟
وشكرا على المعلومات القيمه اللى دايما بنستفيد منها فى صيانة عربياتنا البروتون.

اقتباس:

---

المشاركة الأصلية كتبت بواسطة shakshak2011

طب يا جماعه أنا جبت تيل أمامى كورى أسمه dnao .. أدائه سىء جداً و بيصفر .. و بفكر أغيره مع الخلفى .. أنا محتار أجيب خلفى نوعه إيه؟؟؟
الأمامى هجيب البوش .. إنما الخلفى أجيبه ايه؟؟؟

ملاحظه.. التيل الخلفى الماليزى مش موجود فى التوكيل.. فيه تيل ماليزى فى محل أولاد علام .. حد يسمع عنه أى حاجه؟

---

يا راجل! ده ناس كتير أجمعت ان أدائه كويس و مش بيصفر. :oh:

http://www.nilemotors.net/Nile/376646-2.html

اقتباس:

---

المشاركة الأصلية كتبت بواسطة raul_7

مبروك تغيير التيل, و هو فعلاً أدائة زي الأصلي بالظبط تقريباً, أنا مركبه عندي بقاله 30 الف اهو, و هغيره في الغالب مع الخلفي الاسبوع الجاي ان شاء الله.

---

ربنا يبارك فيك يا باشا .... و مبروك مقدما على الصيانة و أن شاء الله تبقى تمام .

اقتباس:

---

المشاركة الأصلية كتبت بواسطة shakshak2011

طب يا جماعه أنا جبت تيل أمامى كورى أسمه dnao .. أدائه سىء جداً و بيصفر .. و بفكر أغيره مع الخلفى .. أنا محتار أجيب خلفى نوعه إيه؟؟؟
الأمامى هجيب البوش .. إنما الخلفى أجيبه ايه؟؟؟

---

أنت عامل به كام كيلو يا باشا ؟؟

اقتباس:

---

المشاركة الأصلية كتبت بواسطة a_samy

مبروك على التيل الجديد والصيانه..بس حضرتك مقلتش غيرت زيت نوعه ايه؟
وشكرا على المعلومات القيمه اللى دايما بنستفيد منها فى صيانة عربياتنا البروتون.

---

الله يكرمك يا باشا
أنا بحط زيت فيسكو ..

اقتباس:

---

المشاركة الأصلية كتبت بواسطة raul_7

يا راجل! ده ناس كتير أجمعت ان أدائه كويس و مش بيصفر. :oh:

http://www.nilemotors.net/nile/376646-2.html

---

ياريت يطلع ادائه كويس فعلا لأن فرق السعر كبير و لو أدائه قريب من البوش يبقى حرام المبلغ اللي بيندفع في البوش بصراحة .

الله ينور عليك يا أستاذي
وربنا يباركلك في عربيتك

اقتباس:

---

المشاركة الأصلية كتبت بواسطة ahmed_h_g

الله ينور عليك يا أستاذي
وربنا يباركلك في عربيتك

---

ربنا يكرمك يا أستاذ أحمد و يبارك في عربيتك و يستر طريقك و طريق كل الأخوة الأعضاء .

:36_3_10[1]:

و الله يا رجاله زى ما بقولكم .. انا كنت روحت الورشه بتاعت فيصل غيرت طنابير أمامى و تيل امامى من عنده .. و مكنتش اعرف إن ده هو الكورى الى ناس بتنصح بيه ...

الورشه قالت إن ده تيل كويس و قلت أتوكل على الله و أجرب .. الكلام ده من تقريباً 3 شهور .. دلوقتى عامل بالتيل قرابة ال 4000 و الصفاره بتظهر أول ما التيل يسخن .. أول ما أتحرك بالعربيه و أدوس فرامل مره فى التانيه و يبدأ الغناء ..

لما لقيت ناس كثير بتنصح بالكورى فى الموضوع ده .. كنت هغيره بس قلت أبص على نوع الى راكب عندى و كانت المفاجأه أنه نفس النوع الى الناس بتنصح بيه!!!!!!!!!!!!

فى الغالب هشيله و أجيب التيل الأمريكى الى بيركب ل فيات بترا .. أسمه "هالتك" كنت شاريه ب 120 جنيه قبل الى معايا حالياً و لحد ما غيرته مكنش بيطلع أدنى صوت ..

المهم دلوقتى فى الخلفى .. أجيب أنهى نوع يا رجاله؟؟؟؟

احسن اتيال فرامل جربتها لحد دلوقتي في الواجا اسمه .. "ياماموتو"

علبته لونها بنفسجي × اصفر ومبيصفرش خالص .. كنت جايبه من عند مكة بس للاسف مبقاش يجيب منه تاني

الف مبروك على الصيانة وربنا يحفظلك عربيتك ويرزقك خيرها ويحفظك من شرها

وجزاكم الله خيرا على المشاركة

بس ده مش معدل الأداء بتاعك في التيل ياباشا ... المفروض لغاية 40 - 50 الف كحد أدنى :36_3_10[1]:

بس على فكرة برضه هو من الصورة اللى حضرتك حطتتها للتيل ... إنه كان ممكن يقعد 10 آلاف كمان على الأقل لو كان محتفظ بطراوته

اقتباس:

---

المشاركة الأصلية كتبت بواسطة tutankhamoun

اللي أنا عملته كان الآتي .
أخدت طريق الدائري (المعادي ) مش بطيق القوس الشمالي من الدائري بسبب عربيات وجه بحري النقل و النص نقل (السواقين غُشم أخر حاجة )

نزلت نزلة مدينة نصر ...... و بعدين كملت لغاية ميدان رابعة (مقفول طبعا يومها للتجديد )
و بعدين قعدت أخرم من وسط مدينة نصر للوصول لمنطقة النزهة ... طبعا مش هاعرف أقولك وصلت ازاي لأني أصلا تُهت عدة مرات لأن ناس فكرتني بأسأل على شارع النزهة في الأول و بعدين رحت شارع النزهة غلط لغاية ما بدءت أسال على حي النزهة

أنا بقى معاك أنك تروح من القوس الشمالي (دائري السلام )
أو
وسط البلد بس يكون بعد الساعة 10 صباحا علشان الزحام الخانق .

أو تروح التوكيل في ابو رواش و تريح دماغك من المشوار العلقة
بس بصراحة عصام و صفا كويسين و يستاهلوا المشوار

بالنسبة للتيل الأصلي
هو شكله كان يقعد شوية كمان بطريقة سواقتي بس مكنش يقعد كتير ...
عموما أنا محتفظ به و عايز أقارن تخانة التيل القديم مع تيل جديد بس مش لاقي حد معاه تيل جديد أقارن التخانة ما بينهم .

و فعلا دي أول مرة أروح عصام و صفا ... قلت أجرب ... طلعوا ناس زي الفل .

---

إنت ياباشا اخترت أصعب طريق ممكن لدخول النزهة وجوزيف تيتو .. انت كدة اتعذبت صح في المشوار ده بس

اقتباس:

---

المشاركة الأصلية كتبت بواسطة al-farooq

هل فعلا دوخة ، بس لو كنت مكانك وهاخد طريق دائري اتجاه المعادي "هو اطول من اتجاه السلام بس انضف" كنت هكمل لنزلة المطار ومن هناك اكمل الطريق
افضل طريق اللى من داخل البلد لو كانت الدنيا روقان لكن للأسف زحمة فوق الوصف انا بفضل اى طريق سريع حتي لو استهلاك بنزين اكثر احسن من كل شوية فرامل واشارات و اسيب ربع متر قدامي الاقي واحد دخل فيه او واحد يخبط او يلمس التاني فيوقفوا الطريق وراهم عقبال ما يتصلحوا في الزحمة فطول الطريق تلاقي الواحد عمال يكبت فى نفسه والكاظمين الغيظ ، ثقافة شعب. هي نفس الحاجات بتحصل على الدائري وبيتزحم وكل حاجة بس احساس ان الطريق ماشي وشغال دي حاجة جميلة :d

والتوكيل الصحرواي الله يهديهم مش بيركب التيل دة ، خلاف ان الواحد ممكن يروح عصام وصفا اسرع من التوكيل اللى بنقعد فيه بالخمس ساعات علي صيانات مفيهاش حاجة ، الله يهدي عصام وصفا كمان ويعملوا فرع قريب!

وشاكر لردك يا توت باشا :)

---

هو فعلا أفضل طريق هو ده .. الدائري لغاية نزلة المطار من على طريق السويس وبعد كدة تاخد الأتوستراد لغاية الكلية الحربية وبعد كدة تكمل لـ جوزيف تيتو يمين ... وانت راجع بقى تطلع من عند عصام صفا وتلف وترجع في جوزيف تيتو (يعني ما تكملش لغاية الكلية الحربية تاني لأ) ترجع فيه ناحية المطار هاتلاقي نفسك على الدائري تاني من على جوزيف تيتو نفسه في اتجاه المعادي (ولولا إن الحتة دي مالهاش نزلة عليه من الاتجاه المقابل كنت قلتلك تكمل في الدائري وانت رايحله كمان

وممكن وانت رايح برضه تكمل في الدائري لغاية مدينة السلام (يعني ما تنزلش نزلة المطار على طريق السويس) وتنزل على مدينة السلام (بعد النفق على طول) وترجع من أول يوترن تحت الدائري على طريق مصر اسماعيلية في اتجاه جوزيف تيتو تطلع الكوبري وتنزل هاتلاقي الدخلة بتاعته على اليمين في اتجاهك .. أعتقد ده أسهل وأكثر مباشرة بس ممكن يكون أطول شوية

من ناحية الزحمة الإثنين قريبين من بعض إلى حد ما

اقتباس:

---

المشاركة الأصلية كتبت بواسطة shakshak2011

و الله يا رجاله زى ما بقولكم .. انا كنت روحت الورشه بتاعت فيصل غيرت طنابير أمامى و تيل امامى من عنده .. و مكنتش اعرف إن ده هو الكورى الى ناس بتنصح بيه ...

الورشه قالت إن ده تيل كويس و قلت أتوكل على الله و أجرب .. الكلام ده من تقريباً 3 شهور .. دلوقتى عامل بالتيل قرابة ال 4000 و الصفاره بتظهر أول ما التيل يسخن .. أول ما أتحرك بالعربيه و أدوس فرامل مره فى التانيه و يبدأ الغناء ..

لما لقيت ناس كثير بتنصح بالكورى فى الموضوع ده .. كنت هغيره بس قلت أبص على نوع الى راكب عندى و كانت المفاجأه أنه نفس النوع الى الناس بتنصح بيه!!!!!!!!!!!!

فى الغالب هشيله و أجيب التيل الأمريكى الى بيركب ل فيات بترا .. أسمه "هالتك" كنت شاريه ب 120 جنيه قبل الى معايا حالياً و لحد ما غيرته مكنش بيطلع أدنى صوت ..

المهم دلوقتى فى الخلفى .. أجيب أنهى نوع يا رجاله؟؟؟؟

---

نفسي أنا كمان أعرف نوع كويس للتيل الخلفي غير الماليزي ... لأن الماليزي أصلا مش موجود على طول

اقتباس:

---

المشاركة الأصلية كتبت بواسطة eng f3lix

احسن اتيال فرامل جربتها لحد دلوقتي في الواجا اسمه .. "ياماموتو"

علبته لونها بنفسجي × اصفر ومبيصفرش خالص .. كنت جايبه من عند مكة بس للاسف مبقاش يجيب منه تاني

---

ده أحسن تيل جربتوا؟! أنا رميتوا في الزبالة بعد 2000 كم.

اقتباس:

---

المشاركة الأصلية كتبت بواسطة raul_7

ده أحسن تيل جربتوا؟! أنا رميتوا في الزبالة بعد 2000 كم.

---

مستحيل !!!!!!!!!!!

متأكد ان هو ياباشا؟

اقتباس:

---

المشاركة الأصلية كتبت بواسطة eng f3lix

مستحيل !!!!!!!!!!!

متأكد ان هو ياباشا؟

---

أه هو, حتي اسأل مهندس عصام, ههههه.

ده أنا دعيت علي الراجل الي بعهولي دعاء.

بالنسبة للتيل, كان أول ما يسخن يبدأ عزف و أدائه سيء قوي لما يسخن و بيطلع ريحة شياط, غير انه كان بياكل الطنابير مش بيتاكل من الفرملة.

اقتباس:

---

المشاركة الأصلية كتبت بواسطة raul_7

أه هو, حتي اسأل مهندس عصام, ههههه.

ده أنا دعيت علي الراجل الي بعهولي دعاء.

بالنسبة للتيل, كان أول ما يسخن يبدأ عزف و أدائه سيء قوي لما يسخن و بيطلع ريحة شياط, غير انه كان بياكل الطنابير مش بيتاكل من الفرملة.

---

ده كان ماشي معايا زي الفل .. كان نفسي الاقيه تاني

ولا بيصفر ولا بيعمل شياط وكان محافظ على الطنابير وبيقعد حوالي 12-15 الف كيلو !!!

يمكن بتاع الواجا غير بتاع الجين2 .. بس كنت حضرتك جايبه منين ياكبير؟

اقتباس:

---

المشاركة الأصلية كتبت بواسطة eng f3lix

ده كان ماشي معايا زي الفل .. كان نفسي الاقيه تاني

ولا بيصفر ولا بيعمل شياط وكان محافظ على الطنابير وبيقعد حوالي 12-15 الف كيلو !!!

يمكن بتاع الواجا غير بتاع الجين2 .. بس كنت حضرتك جايبه منين ياكبير؟

---

من مكة أو المدينة, أمامي و خلفي ب 240 جنيه. و غيرت بعد كده ركبت البوش الايطالي.

عصام صفا تروحلو فى الصيانه الدورية والحجات البسيطة .بس ..زى تيل فرامل تغير زيوت وفلاتر وكده ....لكن كشغل مكيكانيكا او عفشة انسى .وبالزات شغل العفشه عك فى عك وهتتفاجأ بسعر مصنعية مبالغ فيه جدا .....انا روحتلو مره من اكتر من سنه وعمرى ماهفكر اروحلو تانى ....