المشاركة الأصلية كتبت بواسطة MOSTAFA . AHMED
اول مره حصلت مشكلة في الدينامو كنا في العشر الاواخر من رمضان كنت ماشي بالعربية وفجأة لقيت لخبطة في العربية ونقلات الفتيس بايظة خالص روحت واقف على جنب وابص على العربية ملقتش حاجة جيت ادور ولا حياة لمن تنادي المهم اقطرتها الى الكهربائي بعد عذاب وبهدلة وزحمة قبل الفطار المهم قالي ده الدينامو بايظ وحفكة واقولك في ايه المهم طلع التشخيص ان الشربون بتاع الدينامو بايظ غيرته والدنيا رجعت تاني زي الفل بعديه بأسبوعيين نفس الحركة والبهدلة وكان التشخيص المره ده ان قاعده السليكونات لازم تتغير وغيرتها وبرده الدنيا بقت زي الفل وقعدت حوالي شهر الدنيا تمام وبرده نفس الحركة المره ده الكهربائي قالي خلاص مينفعش يتصلح اكتر من كده قالي تجيبلي واحد استعمال وفعلا جابلي واحد استعمال وركبه و قالي انسى بقى الدينامو ده خالص لحد يوم الخميس اللي فات ده نازل بليل لقيت لمبة الدينامو مسرية في الطابلوه روحت رايح على الكهربائي قالي هو كده في شحن بس ضعيف هاتوا الصبح نشوف في ايه المهم طلع برده محتاج شربون غيرته يوم الجمعة والعربية قعدت بقيت الجمعة والسبت والاحد وانا راجع من الشغل وركنت تمام التمام جيت ادور بعديها لقيت لمبة الدينامو منورتش مع الكونتاكت قفلتها وانا على اخري من الزهق وكلمت الكهربائي قالي المره ده قاعدة سليكونات قولتله سيبها مش عايز اصلحها !!!!
انا اسف على الرغي ده كله بس حبيت احكى القصة ده علشان اعرف هل في حاجة في العربية تكون بتبوظ الدينامو زي احمال زياده او توصيلات غلط ؟؟؟ لأن مش معقولة 2 دينامو يبوظوا في ااقل من شهرين وانتم عارفين العربية الاتوماتيك روحها الكهربا واي مشكلة فيها بتبقى اخر رخامة في التعامل معاها