حد عنده فكرة عن التطعيم اللى فيه مشكلة؟!
[justify] [/justify][justify][/justify][justify][/justify]
[justify]
السلام عليكم ورحمة الله وبركاته
واحد زميلى راح يطعم ابنه اول الشهر التطعيم الثلاثى الواد جاله سخونية ودخل غيبوبة وكل ما يفوق منها يجيله رعشة كده ويرجع الغيبوبة تانى ولغاية دلوقت على كدة. اول ما بدأت السخونية راحوا لدكاترة قالوا له ده برد ولما الحالة ساءت راحوا المستشفى قالوا لهم ده التطعيم فيه مشكلة وفيه حالات كثير كدة فى الحميات والدمرداش وابو الريش وغيرها.
زميلى ده مودى ابنه مستشفى خاصة ولف على دكاترة كثيرة ودفع مبلغ كبير لغاية دلوقت ومفيش تحسن.
التطعيم المفروض انه اتسحب من مكاتب الصحة دلوقت فى القاهرة. الأقاليم بقى الله أعلم سحبوه ولا لسه.
فيه حد عنده معلومات عن الموضوع ده وهل فيه اى دكاترة تقدر تتعامل مع الموضوع ده؟
ياريت اللى عنده معلومة يفيدنا والدكاترة اللى فى المنتدى تفيدنا لأن الراجل حالته النفسية زى الزفت وده اول عيل ليه
والله انا زعلان علشانه جدا ولاحول ولاقوة الابالله.
[/justify]