زيارة لورشة م/ خالد اسماعيل بمساكن الواحة الحي العاشر مدينة نصر
بصراحة الراجل زي ما كل الاعضاء الافاضل وصفوه شخص مهذب ومحترم ودوغري وبيجيب من الاخر .المهم روحناله كشف علي العربية بالاب توب وهنا كانت المفاجأة !!!!!!!!!!!!
جاله شك من ان العربية كانت مانيوال ومتسقط لها فتيس اوتو وده من بعض ال errors اللي البرنامج قراها وبصراحة مسألتوش ايه هو ال error المهم راح فاكك الفبرة البلاستيك اللي تحت المساحات الاماهيا وفيا ترقد ecu بتاعة الفتيس لقيناها مرمية ومالهاش housing ومش متثبتة في حاجة وبالصدفة كانت عنده عربية A4 اوتو بتعمل صيانة فوراني الفارق فعلا وحدة الكنترول الخاصة بالفتيس ليها منيم ومتثبتة كويس
المهم فني عندو نزل تحت العربية وشييك علي الاساسيات وقالي العربية فعلا بدهان الفبريكة. وضغط زيت الموتور تمام يعني حالته تقدر تقول 80%
بعدين المهندس خالد ركب العربية وطلعنا جربناها علي الدائري الحمد لله abs تمام وقال الكيك دوان بتاعها ممتاز اما حالة الفتيس جيدة يعني حالته زي احسن فتيس استيراد ممكن تشتريه وكان تقييمه عموما للعربية انها كويسة .
ولما قولتله ان العربية معاقين من بورسعيد قاللي انهم فعلا بيسقطوا فتايس اوتو عشان المعاق وكمان عشان يبيعوها اغلي. لكن الحمد لله ان ربنا سترها والتعديل بتاع العربية مفيهوش مشاكل
ودي اسعار قطع الغيار اللي لقيتها عنده
طقم كاتينة سير وبلية شداد 690 ج
طقم بوجيهات 250 ج
سير دينامو 240 ج
زيت فتيس اوتو 210 ج /لتر وبتاخد 4 لتر
فلتر زيت فتيس 210
مصنعية 350 ج(صيانة وكاتينة وفتيس)
اما دي اسعار من الهاشمية بالتليفون (0224827419)
سير كاتينة 275 ج
بلية شداد كاتينة 385 ج
طقم بوجيهات 230 ج
سير دينامو 275 ج
زيت فتيس اوتو 175 ج/لتر
فلتر فتيس 325 ج
تيل خلفي 750
تيل امامي 425
طنابير امامي 850
طنابير خلفي 1250
راس كوبلن داخلي او خارجي من غير اكس 1650 ج
كوبلن كامل 3850 ج