تجربة سيئة مع مودرن موتورز
السلام عليكم اعضاء المنتدى المحترمين
من حوالى شهر اشتريت عربية نيسان جوك 2013 ، و رحت اعمل صيانة ال 1000 كم فى مودرن موتورز أبو رواش
مش هتكلم انى قعدت 5 ساعات علشان اغير زيت و فلتر و كم الاهمال و الهرجلة و عدم التنظيم اللى هناك ، المهم استحملناهم و عدت
الأغرب بقى انى طلبت انى أركب اكسسوارات كانت فى عربيتى اللى قبلها و هى عبارة عن ( جى ام بايونير و بازوكا سونى اكسبلود ) لسه جداد فى ضمانهم
طبعا فضلوا ينقلونى من واحد لواحد لغاية ما لقيت المسئول عن الموضوع و كان الرد
لا يا أستاذ حضرتك ما ينفعش تركب الحاجة دى خلاص مش مسموح لنا نركب غير حاجات محددة بس و ادانى بيها ليسته كده منها دى فى دى و شوية حاجات تانى
فقلت له طب حضرتك و الحل قال لى الحل الوحيد ان احنا نشتريهالك و تركبها قلتلك طب اعرف سعرها عندكم كام
رد قالى لا احنا هنجيبهالك بالطلب فقلت له يا فندم طالما حضرتك هتجبلى نفس النوع و الموديل يبقى مش القصد بقى انكم محدودين فى تركيب حاجات معينة بقى
دى كده مقصود منها سرقة لان النوع هو هو و الموديل هوهو الفرق ان حضرتك هتضرب سعرها فى 20
المهم انه طبعا افتى و قال ان دى تعليمات نيسان و الا حضرتك لو ركبتها بره تخسر ضمان الكهربا
و هى تعليمات نيسان انى اشترى الحاجة بعشرين ضعف تمنها و هى هى اللى عندى اللى لسه فى ضمانها و الا اخسر ضمان الكهربا دا لو كده دى سورى تبقى شركة مش محترمة و زبالة
كده انا مطلوب منى ارمى الحاجة اللى عندى دى بتراب الفلوس و اروح للبشوات اشترى الحاجة تانى باضعاف تمنها علشان ينفع تركب من غير ما اخسر ضمان العربية
انا كانت معايا عربية bmw 318 و فى حياتى عمرى ما شفت سفالة كده
انا اسف دوشتكم بس حبيت اشارككم ازاى ممكن الناس تتعامل فى مصر بنظام لوى الدراع