ازاي اروح التجمع من المهندسيين

**MORIS FADY** · 30-09-2013 05:40 PM

لو سمحتوا اروح ازاي شارع التسعين في التجمع من البطل احمد عبد العزيز المهندسيين ربنا ما يوقعكوا في ضيقه

**mohamed_selim** · 30-09-2013 06:23 PM

اسهل حاجه تاخد الدائرى (فى اى اتجاه شبرا او المعاى مش هتفرق كتير) و توصل عند المحور تنزل اتجاه ميدان لبنان و تمشى شويه و تخرج من منزل نادى الزمالك و تلف مع السور و تاخد جامعة الدول لحد ميدان مسجد محمود تلف مع المميدان و ترجع تخش يمين كده اول البطل ...
حل تانى لو غاوى وسط القاهره انزل من التسعين اتجاه شبرا و تنزل طريق السويس و تعدى من تحت كوبرى الاوتوستراد تلف و ترجع تخش يمين تمسك الاوتوستراد و تركب كوبرى اكتوبر طوالى لحد ما تنزل المنزل اللى قبل الاخير (بعد ما تعدى النيل امسك شمال هتمشى شويه هتلاقى منزل يمين هو ده لان اللى بعده منزل صينيه ينزلك على شارع الدقى فى عكس اتجاهك)

**Mostafa.Ismail** · 30-09-2013 07:18 PM

ممكن تاخد كوبرى اكتوبر من طلعة الدقى القريبة ليك لغاية الاخر .. هيبقى ادامك 3 نزلات .. هتفضل ماشى طوالى يعنى هتنزل النزلة الوسطى .. هتفضل ماشى على طول (اوليمبيك على يمينك) لغاية اخر الشارع هيلف بيك شمال (الجبل الاخضر - معسكر جيش) هتمشى طوالى تانى لغاية الاخر (كوكاكولا على يمينك) الشارع هيلف بيك يمين اجبارى .. هتفظل طوالى لحد متلاقى طلعة كوبرى (كوبرى محور المشير) .. هتاخد الكوبرى هينزلك على محور ال na .. هتفضل ماشى طوالى برضوا للاخر هتلاقى الدائرى و شارع التسعين.

**mohamed_selim** · 30-09-2013 07:59 PM

معرفش ازاى انافهمته انه عايز يروح العكس من التجمع للمهندسين :)
على العموم هو فعلا كوبرى اكتوير للاخر خالص و تنزل عدل فى اخر نزله و طوالى الشارع هيخلص تخش مين عند مصنع كوكا كولا فى شمال و طوالى هتلاقى كوبرى تطلع هينزلك شمال على محور na (او طنطاوى الاسمين لنفس الطريق) و هو ده امتداد التسعين بعد ما تعدى فوق الدائرى

**MORIS FADY** · 07-10-2013 04:09 PM

الف شكر للمساعدة انا روحت من اكتوبر زي ما وصفتولي ربنا يخليك يا باشا

**أحمد عبدالله** · 20-02-2014 10:40 PM

طب العودة ازاى لاتى تهت ولقيت نفسى على الدائرى ازاى اوصل للna وانا فى التسعين يمين ولا شمال

**mohamed_selim** · 20-02-2014 10:46 PM

لا يمين ولا شمال
ال na هو امتداد تلتسعين بعد ما تعدى الدائرى

**أحمد عبدالله** · 20-02-2014 10:48 PM

وبعدين

**mohamed_selim** · 20-02-2014 11:12 PM

طوالى هتلاقى كوبرى تاخده هيلف بيك يمين و تمشى طوالى هتعدى على بنزينة التعاون بتاعة الشرطه و بعدها بشويه اشاره تخش معاها شمال و هتلاقى مصنع كوكا كولا على شمالك و تخش يمين بعده و طوالى هتلاقى مطلع اكتوبر