انا كلمت توكيل فورد بخصوص استهلاك البنزين للفورد فوكاس الحالية وشوفو الرد

السلام عليكم يا احلى شباب, انا اخويا عايز يجرب الفوكاس الموجودة حالياً
بس مش عارف الموجودة دي تبقى موديل 2013 ولا 14 .. ما علينا انا نسيت اسئل التوكيل عن الحتة دي
المهم انا كلمته عن استهلاك البنزين ونوع البنزين اللي بتستخدمه
عشان ناس كتير هنا قالت انها مع الـ92 بتشتغل بيه عادي وناس كتير بردو قالت دي من زمان وهي مع الـ95
فقلت اكلمه واعرف ايه المسئلة ودا كان ردو :
(فورد فوكس تأتى بمحرك Ti-VCT سعة 1.6 لتر بقوة حصانية صافية تبلغ 105 حصانا مع ناقل الأوتوماتيكيّ، يجمع ما بين ضخ الوقود المتطور وتكنولوجيا الانبعاثات المتطوّرة لاستخراج أكبر قدر ممكن من الطاقة من كلّ قطرة وقود، مع احترام أحدث معايير الاتحاد الأوروبيّ للمستوى 5 للانبعاثات. استهلاك الوقود يبلغ ٤٫٧ لتر / ١٠٠ *كلم
* : تختلف نسبة الأستهلاك من سائق لسائق و تعتمد على ظروف القيادة و عوامل أخرى)

- وقال انها بتعمل على بنزين 92 بس اللي انا مستغربله حكاية الـ105 حصان دي !! هي مش كانت 125 ولا ايه ؟
وكمان بالرغم اني كلمتهم والله إلا اني شاكك في موضوع الـ4.7 لتر لكل 100 كيلو دي :beatbrick:
ايه رأيكو في الكلام دا يا شباب ؟

علي حد علمي ال2013 بتكون 125 حصان
ال105 حصان دي 2006 زي اللي معايا
و الله اعلم

مش عارف ايه دا

الحكاية بسيطة قوي

اللي كلمته حمار
وياما اكترهم في التوكيلات
بس كده :)

إنت أساسا من بعد ما قال لك 105 حصان دي كنت تقوله شكرا خلاص

انا معايا فوكاس 2012
125 حصان
استهلاك البنزين
جوه البلد 200 كم في الصفيحة
على الطريق السريع 230 كم في الصفيحة

مش هتلاقى عربيه تعمل 4.7 لتر لكل 100 كم فى الطبيعه ممكن وهى مرفوعه والعجل بيلف فى الهوا تعمل كده غيركده لا

اقتباس:

---

المشاركة الأصلية كتبت بواسطة mohamed fawzy

انا معايا فوكاس 2012
125 حصان
استهلاك البنزين
جوه البلد 200 كم في الصفيحة
على الطريق السريع 230 كم في الصفيحة

---

يعني معدل الاستهلاك جوا البلد 10 لتر لكل 100 كيلو ؟
وبتحط بنزين كام ؟

انا حسبت الاستهلاك عندي (فوكاس 2006 خليجي) و احسن نتيجة كانت 6.3 لتر/ 100كم علي طريق مفتوح وسرعه 80-100 كم/س
بس مع الكبس و الحرق بيوصل ل 10 و ساعات كمان 12 لتر

اقتباس:

---

المشاركة الأصلية كتبت بواسطة برنس الليالي

يعني معدل الاستهلاك جوا البلد 10 لتر لكل 100 كيلو ؟
وبتحط بنزين كام ؟

---

اه جوه البلد من 9 ل 10 لتر لكل 100 كم
بحط 92
انا العربية معايا بقالها سنة و4 شهور اول 6 شهور كنت بحط 95 وبعدين لما غلي قلبت ل 92
الفرق بسيط جدا لا يذكر يعني السحب قل شوية والاستهلاك زاد سيكة

اقتباس:

---

المشاركة الأصلية كتبت بواسطة mohamed fawzy

اه جوه البلد من 9 ل 10 لتر لكل 100 كم
بحط 92
انا العربية معايا بقالها سنة و4 شهور اول 6 شهور كنت بحط 95 وبعدين لما غلي قلبت ل 92
الفرق بسيط جدا لا يذكر يعني السحب قل شوية والاستهلاك زاد سيكة

---

طيب مفيش صوت طقطقة او تصفيق بسبب البنزين الـ92 ولا الكلام دا مع الفولكس بس ؟
عشان فولكس بيبقى في صوت في المحرك مع البنزين الـ92
الفوكاس كدا ولا الوضع مختلف ؟

أي حد من ملاك العربية يقدر يعرف من كمبيوتر الرحلات العربية معدلها قد ايه بالضبط من ساعة ما إشتراها لحد دلوقتي و كمان يقدر يعرف صرف قد ايه بنزين عن طريق عداد الكيلو متر .. يعني مثلا:
أنا مشيت 20000 كلم و معدل إستهلاكي حتى الآن 11 لتر/100 كلم أي 11 لتر لكل 100 كيلومتر
تبقي الحسبة 20000 * 11 / 100 = 2200 لتر بنزين

طبعا معدل 11 لتر/100 كلم يعني 22 لتر في الصفيحة =1 لتر لكل 9.1 كلم
يعني ال 50 لتر بنزين المحسوب عليهم كمبيوتر الرحلات يمشوك 455 كلم

أما بقي الإختلافات النوعية حسب سرعة و نوع القيادة من سائق لآخر و بما أني بحرق عالعربية و بجري بيها شوية يبقى نقدر نقول معدلها من 8.5 لتر لكل 100 كلم إلي 12 لتر لكل 100 كلم

طب إيه موضوع ال 4.6 ده ؟؟
ببساطة ده بيتحقق علي السرعات من 100 حتي 120 بمثبت السرعة على الطرق المفتوحة.
و على فكرة أنا سافرت الغردقة (440 كلم) على سرعة 180 كلم و إستهلكت 40 لتر بنزين فقط بس ده في يوم هادي و على المثبت معظم الطريق لأني أحيانا ممكن أسافر أسكندرية (200 كلم) على سرعة 150 كلم و أستهلك 27 لتر بنزين.