هل محلات الكباب والكفتة الرخيصة التمن بتبيع لحمة مستوردة او معشوشة؟

**Gelgel2004** · 01-10-2013 11:46 AM

المشاركة الأصلية كتبت بواسطة محمد يوسف

مشاركة حضرتك قيمة بس ليا
اشكرك
ملحوظتين :

1- يعنى ايه (واع اهى سنيف ) ؟؟؟؟؟؟؟؟؟؟ دى عربى ولا انجليزى؟
عربى يا باشا

2- لو بتتكلم عن أسعر المناطق الشعبية فاحب أقول لك ان أغلى كفتة فى مصر كلها بتتباع فى السيدة زينب أقدم منطقة شعبية فى زقاق من جوه زقاق قدام جامع السيدة وده عند رفاعى الكبابجى حيث الكيلو ب 180 جنيه غير السلطات.

و مين ميعرفش الرفاعى بالسيده زينب
بس انت شايف انه مبالغ شويه و الاهم كل المناطق الشعبيه مع احترامى - بتبيع الكفته ب 180 جم
انه استثناء لجوده معينه و مكان اثرى .

**محمد يوسف** · 01-10-2013 11:48 AM

المشاركة الأصلية كتبت بواسطة gelgel2004

و مين ميعرفش الرفاعى بالسيده زينب
بس انت شايف انه مبالغ شويه و الاهم كل المناطق الشعبيه مع احترامى - بتبيع الكفته ب 180 جم
انه استثناء لجوده معينه و مكان اثرى .

برضه ماوضحتليش يعنى ايه (واع اهى سنيف) ؟

**esam_refaat** · 01-10-2013 12:02 PM

تحيا وزراة الزراعة وكمان منافذ القوات المسلحة

اضمن حاجة الاكل البيتى
حتى المفروم هات اى لحمة تناسبك وافرمها فى البيت مع شوية دهن من عندك او ليه هتتطلع اضمن وانظف من الجاهز
هتقولى دى دبكة هاقولك صحتك وصحة العيال تستاهل
نسيت اقول ام العيال قصدى المودام
انا من 2006 لما حصلت الحمى الفلاعية بقيت بابجيب اللحمة من منفذ الجيش اللى فى مساكن ظباط الهرم
لانهم اضمن من الجزار العادى اللى ممكن يجيب لحمة عيانة فى غياب الرقابة انما الجيش مش معقولة يعمل كدة فرق السعر كان زمان 10 جم دلوقتى بقى 30

**Ahmed_Adham** · 01-10-2013 12:33 PM

مفيش أحسن من انك تشتري اللحمه قطع من مكان تضمنه وتفرمها في البيت حتى تضمن نضافه المفرمه متعرفش مفرمه الجزار دي بتتنضف كل أد ايه وبتتنضف صح ولا أي كلام. أنا بجيب 3 كيلو على بعض وأفرمهم وأقسمهم على 5 أكياس وأحطهم في الفريزر ولما يبقى فاضل كيس أعيد الموضوع تاني.

**Gelgel2004** · 01-10-2013 12:49 PM

المشاركة الأصلية كتبت بواسطة Mohamed_Hamid

أعتقد واع اهئ سنيف معناها : 1 بداية بكاء وتشنج 2 بكاء 3 رشح من الأنف :)

تماما يا باشا

ترانى متاثر من الاسعار و الله

**Elawany13** · 01-10-2013 12:54 PM

طيب ياريت يكونوا بيغشوها بلحمة مستورده
ده كده يبقى عداهم العيب
اتفرج شوف الإجرام وصل لحد فين

‫فضيحة مصانع اللانشون لو عندك ضمير انشرها‬&lrm; - YouTube

‫‫هدية لكل من يحب اللانشون والهوت بورجر‬&lrm; - YouTube

**Y a r i s** · 01-10-2013 03:46 PM

المشاركة الأصلية كتبت بواسطة Gelgel2004

انت كده جوعتنى و ماليش دعوه

فين المنفذ ده يا باشا؟؟ يسترك

هههههههه
ومين سمعك يا جلجل باشا انا من امبارح بالليل بفكر اجيب شوال فحم ونشوي حتى بطاطا في البيت
تصور عربية بطاطا بديلو جنيه بحالو يقوم حاططلي حتت بطاطا صغيرة كده ومفتفتهالي فالورقة ويقلي اتفضل ياباشا قلتلوا ايه ده يا ابني فين البطاطا قالي هوا كده بجنية قلتلوا يا راااااجل ده انا كنت لسه عمال اشاور عقلي وبقول لنفسي لا بجنية بطاطا حرام وكتيررخليني اجيب بنص جنية بس علشان لسه هرجع البيت اتعشى هههه ده انتا مش ناقص غير تديلي الورقة بتاعت البطاطة فاضية وتقلي بالهنا وشفا !!! فضروري بعد كده الوحد يعتمد على البيت العيشة بقت صعبة قووي قوي يا جماعه ... وبقى حلم المصري واقصى حلمو. هو كيلو كباب وكفته. اومال لوكنا صوماليين بقه هيبقى حلمنا ايه كوبايت مية ولا شندويتش فراخ :)

منفذ بيع وزارة الزراعه. الي بقلك عليه جمب جامع الحصري لزق في ٦ اكتوبر
في كوكشك هناك نضيف وفيه تلجات وحاجة نضيفة الصراحة وطازة يوم بيوموا

شايف العربية الصفرة وراها عجلة ورى العجلة في الكوشك عليه يفطة حمره هو ده منفذ وزارة الزراعة ياباشا .
وليهم فرع تاني ١ نادي الصيد - الدقي - جنب وزارة الزراعة
وعندهم توصيل طلبات كمان وادي ارقامهم علشان متقلوش حرمتكم من حاجة :)
التوصيل : ٠١١٤٨٠١٤٨٠٤
للشكاوى : ٠١١٤٨٠١٤٨٠٥
للاستعلام : ٠١١٥٦٠٠٢٣٢٠

بس الشهادة لله حاجتهم نضيفة. كانك بتشتري من هيبر او كارفور بالزبط .. وبرضو منفاذ القوات المسلحة فعلاً بتقدم حجات رووعه
.. وتحياتي

-

-

-

الموضوع: هل محلات الكباب والكفتة الرخيصة التمن بتبيع لحمة مستوردة او معشوشة؟

LinkBack

أدوات الموضوع

عرض

-

-

-

-

-

-

المواضيع المتشابهه

أرجوكم يا جماعة إلحقوني عاوز محلات بتبيع قطع غيار أونو أستعمال

اية رايكم فى محلات بتبيع بنزين 80؟؟

السيارات الرخيصة

هو فيه محلات بتبيع قطع غيار دايو اصلى بالتوفقية ؟

حد يعرف محلات فى الحرفيين بتبيع كارتة كمبيوتر

الكلمات الدلالية لهذا الموضوع

المفضلات

المفضلات

ضوابط المشاركة