ليه حوادث كوبري أكتوبر كلها أموات كده ؟

دي ياشباب رابع مره أشوف واحد ميت علي كوبري أكتوبر بسبب حادثه
ودي كانت يوم الأتنين اللي فات الساعه 11 صباحا
وأكيد في حد منكم شافها وهي كانت بعد نزله الحدائق بحوالي 50 متر
وهي أن عربيه شاهين بيضاء خبطه راجل كبير في السن وكان راكب فيسبا
نتائج الحادث
الفيسبا متدمره
الرفرف والكبوت بتوع الشاهين ضايعين
الزجاج الأمامي اتفرتك (تقريبا الراجل طار من الفيسبا ودخل فيه)
والأهم
الراجل مرمي علي الأرض وتوفي اللي رحمه الله لأن دماغه كانت مفتوحه
ودي 4 جثه اشوفها علي اكتوبر
ياناس اهدو شويه في السواقه بقي حرام عليكو
مع العلم اني بستخدم كوبري اكتوبر من شبرا الي مدينه نصر فقط
والأهم بقي اللي انا عامل الموضوع ده علشانه
الحادثه لما حصلت انا مقدرتش اقف بس كل اللي عملته نزلت اديت للناس جرنال علشان يخطوا بيها الراجل علشان دماغه كانت مفتوحه والمنظر سيء
وبعدها مشيت لحد المطلع بتاع صلاح سالم اللي هو الناحيه التانيه
ولقيت 4 ظباط واقفين فوق الكوبري وموقفين الطريق علشان في حد مهم طالع الكوبري
والناس كلها زهقت وسابت عربيتها وخرجوا منها من كتر الوقفه (واللي وراه مصالح يولع) مش بس كده انا نزلت وبلغت الظابط بالحادثه تخيلو يرد يقولي ايه
حاضر ثواني بس الباشا يعدي وهبلغ عنها قولتله الله أما اني صايم وسيبته ومشيت وانا بدعي عليهم كلهم لدرجه اني نزلت من الكوبري ولفيت ورجعت شبرا تاني بس من تحت الكوبري لأني مقدرتش اروح المشوار من اللي شوفته واللي حصل

والله العظيم حاجة بقت فظيعة
انا بجد مش عارف اقول ايه الواحد بيتهور
وبيجري وبيشد بس مينفعش الكلام دا دي وصلت انها بقت ارواح بني ادمين
يعني مستقب اسر بحالها وخراب بيوت واحزان ملهاش اول من اخر

ربنا يسترها علينا وعليكم وعلينا كلنا كعرب ومسلمين

ما بالك بقي لو بتطلع الدائري كل يوم .. يعني مناظر الموت دي بقت شبه روتينية عندي ولا أكني جندي في العراق ! و لسة الناس واخدة السواقة بالدراع .. ربنا يستر علينا

تصدق بالله وانا راجع من مصر الجديده لاقيت واحد فى مفترق كوبره (اتجاه نازل واتجاه مكمل )
بيرجع مارشدير عشان ينزل من المنزل وكان فى حارتى و جمبى عربيه يعنى لازم افرمل طبعا فرملت على الاخر و كان ورايا حوالى 4 عربيات بس الحمد له ربنا ستر و محصلش حاجه
والله من نرفزتى قعدت اشتم فيه بس مرضيتش ادعى عليه عشان ميلبس فى حد برىء من غباءه
و حسبى الله ونعم الوكيل

ارجو من الادارة تعديل لفظ الجلالة الله في المشاركة للعضو بليزر
وهي تصدق بالله

تم التعديل-الأدارة

اسف ما خدتش بالى

انا ايه اللي خلاني أجيب عربية؟؟

انا ايه اللي خلاني أجيب عربية؟؟

انا ايه اللي خلاني أجيب عربية؟؟

انا ايه اللي خلاني أجيب عربية؟؟

انا ايه اللي خلاني أجيب عربية؟؟

انا ايه اللي خلاني أجيب عربية؟؟

انا ايه اللي خلاني أجيب عربية؟؟

انا ايه اللي خلاني أجيب عربية؟؟
.
.
.
.
.
.

أموت واعرف مين اللي زقني في الحفرة :sorry:

معلش يا جماعة على المشاركة اللي فاتت.. فعلا كنت عايزة أعيط بس ما لقتش غير الكلام ده طالع من بقي :(

الله يرحم الأحياء و الأموات.. أصل في البلد دي الأحياء أولى بالدعاء بالرحمة من الأموات.

مفيش حد بقي بيراعي ربنا في البلد كله بيجري كامه فضله ثواني و يدخل الجنة

انا ابويا رحمة الله عليه اتوفي 24 مايو الماضي في حادثة عربية رهييييييييبة علي طريق العين السخنة هو وصديقه لواء سابق مثله و للاسف بعد وفاتهم الاتنين السواق خرج من السيارة ببعض الجروح و النيابة برئته لانها اعتبرت ان ده قتل خطا مش متعمد (و لا شافت بقي كان سايق علي سرعة كام و لا غيره و العربية سليمة و لا لأ)

يعني 2 توفوا و السائق براءة

حسبي الله و نعم الوكيل و ربنا يرحم ابويا و موتي المسلمين كلهم

امييييييييين

الناس اصبح القتل عندها سهل جدا، انا أول امبارح كان فيه واحد بجسم انسان وعقل خنزير حاول متعمدا انه يقتلنى على محور N-a لمجرد انى لم شبع رغبته فى انه ياخد غرزة من اليمين ( انا ماشى فى اليمين بسرعة 120 تقريبا وبجانبى سيارة على الشمال تقودها واحدة ست على سرعة اقل)، وبالمعتوه ده جاى من الشمال على سرعة تزيد عن 160 وطبعا لما لقى الست دى حدف يمين وابتدى يكبس عليا، رغم انى يمين، على سرعة 120 والمسافة بين اكصدامه واكصدامى لا تتعدى 10 سم، وقدامى كوم ردم راميه عربية نقل -هو كان شايفه كويس جدا لأنه عالى وعربيتى مش مفيمة كما ان اللى بيسوق على السرعات دى بيكون متعود انه يبص من خلال قزاز العربية اللى قدامه على ايه اللى قدامها-وعلى شمالى الست اللى سايقة عربيتها، ولا حل امامى سوى انى البس فى الكوم واتقلب واموت، او افرمل وهو يدخل تحتيا واتقلب واموت، او ادخل شمال واخبط فى الست ونتقلب احنا الاتنين نموت، فضلت افرمل بالراحة لحد ما الست فلتت منى بعربيتها ورحت رامى شمال بأقصى سرعة قبل ما المجنون ده يشغل الشمال، وهو ضرب فرامل مرعبة علشان مايلبسش فى الكوم وجاى يجرى ورايا بعد كدة ويشتم ويقل ادبه-اكيد متغاظ انى مموتتش-وهو ما كنت اتمنى ان احققه له ليهدأ باله لولا ان ساعتى لم تحن بعد، وفضل يهبهب، انا وقفت خالص لحد ما اختفى من الأفق

انتم بتتكلموا عن عن ناس قتلت ناس بسبب الأهمال والرعونة، طب ماذا عن تعمد القتل؟

عارف ليه الحوادث كتيرة في مصر

علشان أحنا عايشين في ج ع ع
و ده معناه أن الشعب مقرف لأقصى درجة
و أفضل ناس تعكنن على نفسها الحياة هم ........ المصريين

و طبعا الحكومة سايباهم ........ ينطحوا في بعض و بننطح فيهم
و الإستمرارية
للأكثر غبائا

و معلش ............ ربنا يرحمنا من الناس دي

اقتباس:

---

المشاركة الأصلية كتبت بواسطة sab3aawy

ولا حل امامى سوى انى البس فى الكوم واتقلب واموت، او افرمل وهو يدخل تحتيا واتقلب واموت، او ادخل شمال واخبط فى الست ونتقلب احنا الاتنين نموت

---

مش ممكن أسلوبك يا أستاذ سبعاوي انا ميت من الضحك
الموقف ده حصلي قبل عالدائري انا في النص و علي شمالي واحد ماشي بنفس سرعتي و واحد كابس عليه عايزه يوسعله و لازق فيه .. و انا علي يميني مقطورة

الراجل اللي علي شمالي اترعب من اللي كابس عليه و ابتدي يحدف عليا .. و انا المفروض أنزل تحت المقطورة .. قلت أهدي و اعديهم .. و إذ فجأة عم الكابس ده قال يطلع مني انا قام جي ورايا .. و عم الحج التاني لسة بيحدف .. و المقطورة علي يميني .. انا قلت خلاص ده أخر مشهد في حياتي .. قمت مشغل الإنتظار للحيوان اللي ورايا .. و راكب فوق الكلاكس و الحمد لله بعد .. و انا ركنت علي جنب أهدي أعصابي شوية

و مرة تانية بعدي من وسط عربيتين نقل .. لقيتهم بيقفلوا عليا زي السندويتش .. و واحد بعقل خنزير فعلا راكب نوبيرا و جي يكبس عليا .. و ده اللي فعلا إسمه تعمد القتل لأن شايف العربيتين بيقفلوا عليا و هموت و ده عايز يدخلني بينهم ! نفس التصرف و نفس الركنة لتهدئة الأعصاب بعديها

يعيش الباشا واحنا مش مهم
وعظيمة يا مصر يا ارض اللواء

ربنا يسترها علينا جميعا
وينجينا من الأشكال الضالة دي

سبب الحوادث دى كلها عدم وجودشنطة الإسعافات
افهمو بقى

ربنا يستر علينا جميعا .........
نفس مناظر الحوادث دي بنشوفها كل يوم علي محور التعمير في اسكندرية
بجد كل يوم تقريبا لازم نشوف حادثة بشعة بكل المقاييس و كان افظعهم الصراحة حادثة مش حاقدر انساها ابدا و جت في الجرايد و ده كان عبارة عن عربية ميكروباص فقدت السيطرة و طلع علي الاتجاه المعاكس علشان يودي بحياة اسرة باكملها كانت في عربية ملاكي كانت ماشية في حالها في امان الله ......

هى ده مصر محدش فاهم حاجة
والمشاكل ده
كل واحد عايز يعوض الحرمان بتاع اهله
بجيب عربية تقسيط ويتعلم فينا
كاان الطريق بتاع السيد الوالد اشترهوله هدية فى عيد ميلاده

وتحيا مصر واحنا فى داهية ياعم

مع الاعتذار انا اخص بكلامى الناس اللى عايزة تسوق بالعافية وده طبعا بيبان على عربيتهم وكلامى واضح

لما كنت باتعلم السواقه في مدرسه كبيره بالمناسبه وليها إسمها كان المعلم يقولي تعالى في الحاره الشمال أروح أنا باصص في المرايه اللي في النص الأول قبل ما أخش شمال (ما كانش في مراية جنب) وده طبعاً تصرف طبيعي جداً وبديهي، هو لاحظ إني باعمل كده كل مره قبل ما أغير الحاره أو أحود. الراجل سألني إنت بتبص في المرايه ليه؟؟ قلتله عشان ما يكونش حد جاي من ورا ونخبط في بعض، راح قايلي كلمته المأثوره "ما تبصش في المرايه ... هنا السواقه إنك تخش في الحته الفاضيه"

أحد أكبر مشاكل السواقه في مصر هي موضوع خش في الحته الفاضيه ده ويمكن 80% من الناس ماشيين بالمبدأ ده حتى من غير أما يحسوا، يعني مثلاً أي حد بيشوف أي حته فاضيه بغض النظر عن موقعها أو إذا كان الوصول ليها هايكون مفيد ولا هايوفر وقت ولا لأ بيحاول يخش فيها بكل ما أوتي من قوه ومهاره في السواقه.

يعني اللي بييجي من وراك على اليمين عشان يخش قدامك أو قدامك على الشمال عشان هو لمح حته فاضيه هو بيكون شايف إن ده تصرف طبيعي جداً ومحمود كمان عشان هو كده دخل في الحته الفاضيه الغلبانه اللي ما حدش راضي يمشي عليها.

وده سبب حوادث كتير جداً وسبب وفيات كتيره جداً

ربنا يسترها معانا