ربنا يحرسهالك و تفضل تدلعها على طول
متنساش باب الكنسولة لحسن ده عامل زى الاتب هههههههههههه
يا باشا إنت تؤمر... أنا إن شاء الله طالع بعد العيد جهز الي انت عايزة و أنا تحت أمرك و عنيا ليك
الله يحرسك و يرضيك و يهنيك و يديك الخير في كل أمر ... عييييييييب يا غالي ده أول حاجة و عامل حسابي في 2 مش واحدة بس هو أنا أقدر أنساك يا صحبي ...
طيب سؤال من اخوكم ونصيحه ايه رايكم فيه بيعه للكروز الى معايا 2013 جايه بظروفها عمى عايز يشتريها منى واجيب النترا بعديها بس ده بعد 6شهور القرار ده حبقى مصيب فيه وﻻ مخطئ انا عارف ان ممكن سؤال زى ده مش مكانه فى الموضوع ده بس اعتقد ان هنا خﻻصة الخبره
طيب بالصلى على النبى كدة بعد إذن صاحب الموضوع او الريس :d عايزين نعمل تجمع لكل الناس ال معاها ال md
تكون فى المرغنى مثلا , أنا متأكد بإذن الله إنه هيكون يوم فاجر
مستنى رأيكم!
أنا من وجهة نظري بلاش يا معلم حرام عليك العربية جميلة جداً و خصوصاً إنها 2013 بس تبعها في حالة واحد بس إنك هتركب يا إما الإلنترا الفيس لفت الي لسه هتنزل كمان 6 شهور يا إما تركب حاجة أعلى يعني يا إما السبورتاج أو هيونداي ix35 و ابعد عن البطه البلدي (قشقاي) دي وجة نظري و السادة الأعضاء أكيد هيروضو و يفيدوك برضو ...
ملاحظة أكيد هتخسر في العربية مبلغ محترم و لا إيه ؟؟؟
و ده نفس رأيي
الكروز عربية بسم الله ماشاء الله حلوة (شكل و منظر و تابلوه داخلي و قوة متانة و ثبات)
مش هاتحس بفرق كبير لما تنزل منها و تجيب الالنترا غير انك هاتخسر فلوس
يبقي الافضل أنك تنزل من الكروز و تجيب حاجة فئة أعلي زي ما هيثم باشا قالك
أنا شايف ان بعد الفئة دي علي طول الواحد لازم ينقل علي :
- أي أكس 35 أو سبورتاج
- كابتيفا (و أهي برضه شيفورليه)
وجهة نظر تحترم
الموضوع بالنسبالى محير ليه
عشان العربيه مش حخسر فيها لانى شارى الهاى لاين منها ب 150 الف ودلوقتى هيا عامله 165 يعنى ادا خسرت مش حخسر اكتر من 5 الاف جنيه بالكتير
والعين بعديها على الالنترا الفيس ليفت فولى لود
ياترى المعادله بالشكل ده لصالح مين؟؟
رايك يحترم ياباشمهندس
ولكن اعتقد ان الالنترا انعم شويه من الكروز كتعليق وكراسى وخصوصا بعد ماذكرته اعلاه
الزملاء بصراحة تحدثوا فأفو الكلام فى الموضوع
و لكن لى راى انك الفرق الوحيداللى هتحسه قوة الموتور و استهلاك البنزين تقريبا ده غير فرق التصميم الداخلى و الخارجى بين العربيتين اعتقد دى الحاجات اللى ملموسة.
و بأكد إن الستب الجاية تكون ان شاء الله suv او mpv زى ما اشار الزملاء عشان تناسب شوارع مصرنا المحروسة