كنت عايز اسأل فى ان العربية ماشية على منزل وواخدة سرعة وقمت محول الناقل من الd الى n علشان تمشى براحتها هل دة مؤثر التلف على الجير بوكس لان ما فيش دبرياج
عرض للطباعة
كنت عايز اسأل فى ان العربية ماشية على منزل وواخدة سرعة وقمت محول الناقل من الd الى n علشان تمشى براحتها هل دة مؤثر التلف على الجير بوكس لان ما فيش دبرياج
مجرد راي بلاش حتي لو مش خطر
صديقي المواطن
لا يوجد أدنى ضرر ولكن مش حتوفر معاك كتير وجايز فجأة.في جزء من الثاتية يطلعلك عارض تحتاج تزود بنزين فمش تلحق ترجع على دي ولكن الخطأ الشائع في اﻷوتوماتيك هو إنك تجيب دي أو آر والعربية واقفة من غير ما تكون دايس فرامل على اﻵخر وده أحد أسباب تلف كرسي الفتيس وقواعد المكنة والفتيس ودمتم للنضال
والله كان نفسى افيدك علميا بس خلاصة ما قريت فى الموضوع دة هو استنتاج ان الفتيس الاتوماتيك مش معمول عشان تلعب فية والا ايدك تيجى ناحيتة الا فى اضيق اضيق الحدود ....وطبعا دة معناة انك تاخد بالاحوط وهو ان العربية d وهى ماشية n وانت مبطل وقاعد فيها او وانت فى اشارة طويلة تقول مزلقان بقى تقول مطلعان مالكش دعوة والتزم بالكلام دة وبس...وبالنسبة انك بتنقل من غير فرامل فاعتقد ان دة غلط حتى صوت الفتيس فى النقلة دى بيبقى عالى مش مرتاح واصلا انا ضد انك تمشى على n يعنى غلط ...يبقى النقل وهى ماشية من غير فرامل اكيد بردو غلط...والله اعلم دة بعد ماقريت كتير اوى فى الحوار دة ومافهمتش حاجة وقررت اخد بالاحوط
فى كتالوج اى سياره ممكن تنقل من الd للn والعكس من غير ما تدوس فرامل
وبرضه لو انت ماشى عادى جدا انك تجيب d او n
قلب ميطاوعنيش اجرب الصراحة
ياباشا انت محير نفسك ليه انا معايا اوتومتك بصراحه عمري معملت كده وانا مع الرأي اللي بيقول لازم الفرامل مبين الـn وd او مبين الـn و r بس انا اللي بعملو لو نازل من منزل وانا علي الـd عادي برفع بس رجلي من علي البنزين وهي بتهدي لوحدها مش لازم امور يعني الموضوع مش مستاهل المنزل يدوب بيكون كام ثانيه يعني اما لو واقف في اشاره طويله في ناس بتتستسهل وتدوس فرامل وهي علي d وده بيقصر عمر الفرامل وهي اصلا بتبقي قصيره في الاوتومتك فلو الاشاره طويله بدوس فرامل وانقل علي n واقف
وده مجرد راي وحضرتك شوف ايه الافضل وشكرا
فعلا بلاش تلعب فى الفتيس . لأن كمان لما حضرتك تنقل على dوالعربية ماشية ال أر بى بيعلى فجأة على حسب سرعة العربية وأنا الموضوع دة بحسة مش مريح للعربية . يعنى باختصار أنا مش بجيب n غير وأنا واقف
حقولك على المفيد وبأختصار
لا يوجد مشكله لتحويلك من ال d الى ال n وانت ماشى لكن فى حاجه تانيه حطها فى اعتبارك
وانت نازل منزل كبير او طريق كبير زى المقطم مثلا يستحسن متحولش العربيه لل n وذلك ان حضرتك لما بتحولها مبيكونش فيه engine brake يعنى العربيه بتفضل سرعتها تزيد شويه شويه وانت نازل لكن لو كانت على ال d سرعتها بيتعملها كلبشه من مقاومه الماتور والجيربوكس
وده حتلاقيه نصايح بتقولها شركات السيارت للمستخدمين انهم ميعملوش كده على المنخفضات لانه ساعتها لما يجى يبطىء سرعته حيستخدم الفرمله كتير وحتتاكل بشكل متزايد جدا غير طبعا انها حتستخن بطريقه غير طبيعيه
لكن من الناحيه الميكانيكيه للتحويل من ال d الى ال n مفيهاش اى مشاكل للفتيس والعكس برضه صحيح
عادى جدا جدا جدااااا كمان من n ل d و العكس دا نيترول وده دريف يبنقل لوحده و السلكتور بيجيب النقله الصح لوحده لا يوجد ادنى ضرر
فى معلومة سمعتها انه فى الزحمة يفضل تمشى على 2 مش على ال d وده بيوفر فى استهلاك البنزين .. هل ده صح ؟
وللعلم جربت الموضوع ده لقيت قراءة المتبقى بالكيلو متر بتزيد يعتى الكلام ممكن يكون صح بنسبة كبيرة
فين استاذ احمد tv........كان يفيدنا فى موضوع زى ده !!
مفيش مشكلة من النقل وأنت ماشى من d الى n او من n الى d والحارة مابينهم فى الفتيس مفتوحة والحساسات فى الفتيس بتدخلك على النقلة المظبوطة بس لتفادى الحوادث والمفاجأت شركات السيارات متنصحش بالكلام دة الا عند التوقف التام او قرب التوقف كمان فى المنحدرات القوية وجود الفتيس والمحرك فى حالة تعشيق بيساعد على تحجيم السرعة دون الحاجة للفرامل
أنا معي كيا اتوماتيك من حوالي 3 سنوات وحسب ما فهمت من مهندسين متخصصين في الصيانة لازم عند استخدام عصا الفيتس أنك تدوس فرامل على الآخر، ولا ينفع أنك تستخدم تلك العصا على الإطلاق والعربية ماشية في الطريق، لابد وأنت قف العربية وتتعامل مع الفتيس سواءً الـ D , N , p