الله يسلمك والله معملتش محضر لحسن ممكن يدفعوني فلوس اتلاف ممتلكات واصلا حينفعني بايه المحضر حسبي الله ونعم الوكيل
عرض للطباعة
أنا معنديش فكرة عن طبيعة المكان ولا ملكيته لكن لو فى الظروف العادية لو فيه محضر وإثبات للواقعة وعدم وجود إرشادات طريق وعلامات تحذيرية ممكن ترفع دعوى تعويض على وزارة النقل أو هيئة الطرق أو المحافظة أو حتى وزراة الدفاع حسب ملكية الطريق ومسئولية صيانته وتشغيله تتبع لآى جهة
ألف مليون سلامه . الضافر من البني ادم بميت عربيه .فداك مليون عربيه وربنا يعوضك عنها خير واحمد ربك ان عربيتك شديده وطلعتك منها سليم .
الف الف حمدالله علي السلامه.. دايما بص لنصف الكوب المليان الحمد لله انك بخير ... اي حاجه ممكن تتعوض الا الصحه
أولاً أنا بعد ماسبيت فى الحكومة واللى عمل المطب وبعدين فكرت وسألت هل عمل محضر ولا لاء فكانت الإجابة لاء فقولت أكيد كل اللى أتعرض لنفس الحادث معملش محضر يبقى المسئولين حيعرفوا الموضوع منين
ثانياً حضرتك أنا مش بتكلم وخلاص أنا محامى وما ضاع حق وراءه مطالب وقبل كده لما كنت بشتغل حر قبل ما أتوظف فى شركة كسبنا فى المكتب اللى كنت بتمرن فيه قضايا تعويضات من جميع الهيئات والمصالح اللى تتخيلها حتى الداخلية أخدنا منها تعويض 420 ألف جنيه سنة 2005 فى عز جبروتها بسبب قتل وإصابة أشخاص وحرق ممتلكات أثناء تنفيذ حكم إخلاء أراضى زراعية
ومن القضايا الطريفة اللى كسبها المكتب اللى كنت بتدرب فيه راجل مزارع كان راكب حمار فى الشتاء ومعدى تحت عمود كهرباء نزل عليه السلك صعقه ومات أهى دى بقى قضاء وقدر ؟؟ أخدنا من شركة الكهربة تعويض 100 ألف جنيه :what:
قدر الله وما شاء فعل انا طلعت على الطريق ده كتير وبليل واول مره طلعت عليه حصلي قريب جدا من اللي حصلك فوت اللفه وكلت المطب بس كانت سرعتي هديت وعدت على خير وبعدها بشويه عربيتي طفت بفتح الكبوت لقيت البطاريه اتنطرت من مكانها والقاطوش مفكوك من قوة الصدمه ركبته وكملت طريقي وقعدت اشتم طول مانا ماشي حسبي الله ونعم الوكيل