ما هى اضرار خلع البطاريه اثناء تشغبل السياره؟؟؟
عرض للطباعة
ما هى اضرار خلع البطاريه اثناء تشغبل السياره؟؟؟
اعتقد مالهاش اضرار غير انها بتفصل العربية وبس
ملهاش اضرار بس لو قاطش البطاريه معلق مثلا و بيفصل و يشتغل كده يعمل قفله او يبوز حاجه فى الكهرباء
و لا اى حاجه انا سافرت بالعربيه قبل كدة و اكلت مطب و البطاريه وقعت من مكانها و القطاش ااتفك و كل دة من غير ما اعرف و سافرت و ووصلت و نزلت تانى يوم ادور مافيش دوارةة فتحت الكبوت اشوف فى ايه لاقيت البطاريه واققعه فى الحوض و القطاش السالب مقطوع افتكرت عرفت انو من المطب عشان سمعت صوت هبدة ففى الحوض و كبرت دماغى .... الحاجه التانيه سمعت من كهربائى ان دور البطاريه فى العربيه الدوارة فقط و الباقى على الدينامو هو اللى بيوزع كهرباء على العربيه بس ععند زيادة الاحمال بيسحب من البطاريه
اللي متأكد منه أن العربية هتفضل دايرة لأن الدينامو شغال و بيديك كهربا لكن ما اعرفش هيحصل برجلة لو زودت الأحمال الكهربية و الا لأ.
if the engine keep running with battery off
in new cars
you could damage the alternator or the ecu
لأ مفيش منها ضرر ... و الحاجة الوحيدة اللي هتحصل ان ممكن العربية تبطل لو الخرج بتاع الدينامو مش تمام
البطارية ليها3 وظائف اساسية:
اولا انها تتحمل تيار المارش المطلوب فى بداية التدوير
ثانيا انها تتحمل الاحمال الزائدة الغير مستمرة يعنى الانوار مثلا مع الكاسيت مع التشغيل وده لو اترمى كله على الدينامو مش هيستحمل
ثالثا انها تحافظ على قيمة فولت منتظم يعنى الفولت مش بيعلى ويوطى مع سرعة الدوران زى الدينامو كده لما يكون المنظم مش الكترونى
البطارية لو اتشالت والعربية شغالة وبالطبع الدينامو شغال معاها ... ممكن يحرق السليكونات بتاعة الدينامو وبالتالي الدينامو مش بيشحن البطارية تاني ... وده حصل معايا مرة بالفعل في العربية البيجو القديمة ... ومن ساعتها بطلت أعمل الحركة دي ...