السلام عليكم،
اذا كان معايا مبلغ السيارتين، كيف اقيم كل سيارة على حده لاصل الى اختيار مناسب، معظم معلوماتي هي عن الكورولا و لكن السيارة الاوريس لا اعلم تفاصيل كثيرة غير ان تقفيلها انجليزي و موتورها ١٣٢ حصان. و شكرا
عرض للطباعة
السلام عليكم،
اذا كان معايا مبلغ السيارتين، كيف اقيم كل سيارة على حده لاصل الى اختيار مناسب، معظم معلوماتي هي عن الكورولا و لكن السيارة الاوريس لا اعلم تفاصيل كثيرة غير ان تقفيلها انجليزي و موتورها ١٣٢ حصان. و شكرا
الاوريس نزلت بعد اليارس علطول وكنت متابع نزول الاتنين وطبعااا الاتنين فئتين مختلفتين الاوريس اما ركبتها كلاسيكية اوووى وهى نفس فئة الجولف لا يقال عنها الا عربية عملية قوية جدااا
لكن انا مركبتش الكورولا وحتى وان دى سيدان ودى هاتش فحضرتك اكيد شوفت شنطة الاوريس وتنى الكنبة على اتنين
بس للأمااااااااااااانة انا لم اراها ولا مرة فاسكندرية ودة عليه علامات استفهام عدم نجاحها وانتشارها
وحتى اليارس شوفتها كام مرة فالكام شهر اللى نزلت فيهم من اول السنة
لو انا مكان حضرتك وعاف تمن الاوريس دلوقتى حافكر كويس لأن فى منافسين ليها زى الجولف والتيدا 2014 الجديدة .. انا حتى اول مرة الاقى حد كاتب حاجة عن الاوريس !
مش عارف هى لو كانت بسعر اقل كانت حتنافس اقوى زى التيدا مثلا لكن انها تبتدى ب170 على حد علمى
فدة محتاج لتفكير ال170 تقدر تشترى ايه اكثر نجاحا وانتشارا الأن فمصر
وتقبل مروررى .. وربنا يوفق حضرتك لما فيه الخير
http://www.nilemotors.net/Nile/345297-auris.html
دة تقرير عنها لو حضرتك تحب تشوفه
والعفو يافندم .. والله عربية محترمة اووووى ومخدتش حظها للأســــف ،،
انا عجباني الاوريس عشان بحب الهاتشباك الصراحة بس الكورولا تكسب عشان الانتشار
الاوريس عربية جميلة جدا وصغيرة هاتش باك وتقفيل انجليزى
والهاى لين بتاعها سقف بانورما والزجاج الخلفى ملون حاجة تحفة بس اقل انتشارا
الكورولا عربية الشعب المصرى يعنى لو عدت عليك 5 عربيات وانت واقف لازم على الاقل تلاقى فيهم واحدة كورولا وهذا ان دل فانه يدل على مدى شعبيتها وانتشارها وحب الناس لها
والشعب المصرى مبيحبش حاجة الا لو كانت اثبتت كفاءة ومعمره
والكورولا تقفيل تركى مقارنة بالاوريس
لو انا مكانك اختار الكورولا دة راى الشخصى
كورولا افضل
مش عارف ازاي الأوريس صغيرة؟؟؟
كانت لسة نازلة وأنا بحجز عربيتي في فبراير ومندوب المبيعات قالي خدها وكانت بـ160 بس انا كنت قررت خلاص... والحمد لله ما ندمتش!!
المهم بقى... الأوريس يكفيها انها تقفيل انجليزي بالنسبة لي... وطبعا هي احسن من الكورولا...
لكن بم اننا في مصر يبقى الناس كلها هتفضل لازقة في الحاجة اللي عارفينها... وده معناه ان حضرتك وبنسبة كبيرة هتستقر انشاء الله على الكورولا رغم ان الأوريس احسن خوفا من قلة انتشارها وبالتالي ربما اعادة بيعها...
في النهاية انا شايف قلة الانتشار ميزة مش عيب...!!
يا جماعة براحه عليا انت لية مستغربين من الكلمة
انا لم اقصد صغيرة انها صغيرة في الحجم
ولا معنى كدة انك تشبها بالكورسا او اليارس
اانا ركبت العربية فعلا وكنت بقارن بينها وبين الكورولا والاوريس جميلة وصالون واسع لكن انا كلامى على الشكل الخارجى فهى هاتش باك والعربية الهاتش باك بتبقى ملمومة شوية عن العربيات السيدان
وانا لما قولت صغيرة قولت الكلمة دى مقارنة بالكورولا وواضح كمان من كلامى انا كنت بعمل مقارنة بسيطة في الحجم بينها وبين الكورولا
وفى اخر كلامى قولت انا لو مكانك اختار الكورولا وقولت اسبابى
انا مش علشان قولت عربية صغيره يتعلق ليا المشنقة والضحك (( يارب ميكنش تريقة او استهزاء بالكلام واكون فاهم غلط ))
انا قولت عربية تقفيل انجليزى وممتاز وصغيره خارجيا بالنسبة للكورولا فهذا مقصد ومغزى كلامى
ويا استاذنا الفاضل الاوريس عربية محترمه وانا قولت كدة لو ناوى توكل على الله وربنا يباركلك