-
انا عن نفسى مجربتش غير شيل الاصفر و زيت كاسترو والصراحه كاسترو اداءه افضل بالنسبه للصوت والحراره
انا مره واحده جربت زيت وطنيه 1000 وبينى وبينكم نزلته بعد كام يوم علشان حسيت انه زيت تموين لأن صوت الموتور كان عالى شويه
عموما انا مجربتش غير شيل وكاسترو والاتنين كويسين معايا والحمد لله
-
أنا استخدمت موبيل الأبيض 2000ك وكان يعنى مقدرش اقول سيىء وكان بنزل لايوجد نقصان نهائى وحالته كويسه جدا بعد كده استخدمت شيل الأصفر الأداء معاه كويس بس بعد 2000ك نقص ما يقرب من نصف لتر يعنى لما باجى انزله بيكون ناقص مع انه 15/50w
بالنسبه لحرارة الماتور كويسه ولايوجد سخونه
بالنسبه للسحب كويس
بالنسبه لاستخدامى للعربيه متوسط فى فتره التقرير ده كل المشاوير داخل البلد والجو حار جدا اقصى سرعه 100-120ك لمدة لاتزيد عن 15 دقيقه مره او مرتان فى اليوم والباقى ما بين 30- 80كم/س مع التوقف المتكرر طبعا بسبب الزحمه
الى بفكر فيه زادو - فلفولين - فيسكو عمتا وقت التغيير هقرر بس زادو هو المرجح عندى الان
-
تمام كدة يا رجالة
انا بس بستأذنكوا اي حد يكتب تجربته يكتب ملخص بسيط عن حالة عربيته
عداد الكيلومتر - المحرك كام cc - متوسط السرعة - مدة الاستخدام بالوقت والكيلومتر
عايزين الموضوع دة مرجع ان شاء الله
تحياتي للجميع
وشكرا لكل من شارك بتجربته
وبدعو الجميع للمشاركة
والله المستعان
،
،
-
تقريرى عن استخدام زيت الماتور لابيزا 2000 أنجكشن Engine 1.0 8v MPI ) 1000cc )
نوع الزيت : موبيل الأبيض 2000ك السعر 95ج تقريبا
عداد الكيلومتر : أثناء التجربة 106 ألف
حالة العامة للماتور: جيدة الى جيدة جدا
حالة الطقس أثناء التجربة : الجو بارد ( شتاء) وايضا نفس النتيجة والجو حار ( الصيف )
معدل استخدام العربية : السرعة متوسطة الى هادئة من 30 كم/س الى 120كم/س مع وقوف متكرر
تقييم الأداء:
السحب : كويس – الحرارة : فى المعدل الطبيعى ولا يوجد سخونة
معدل التبخر والنقصان : لايوجد نقصان
حالة خواص الزيت بعد الاستخدام: محروق بدرجة متوسطة ومحتفظ بقليل من اللزوجة
نوع الزيت : شيل الأصفر 5000ك السعر 125ج تقريبا درجة لزوجة 15/w50
عداد الكيلومتر : أثناء التجربة 115 ألف
حالة العامة للماتور: جيدة الى جيدة جدا
حالة الطقس أثناء التجربة : الجو حار ( فترة الصيف )
معدل استخدام العربية : السرعة متوسطة الى هادئة من 30 كم/س الى 120كم/س مع وقوف متكرر
تقييم الأداء:
السحب : كويس – الحرارة : فى المعدل الطبيعى ولا يوجد سخونة
معدل التبخر والنقصان : نقص نص لتر تقريبا بعد 2000ك فى شهران ونصف
حالة خواص الزيت بعد الاستخدام: جارى تقيمه
-
نسيت أقول
موبيل
صوت الماتور : عالى شويه
شيل :
صوت الماتور : أهدى من موبيل
-
مواتير الأبيزا الكامه واحده 8 صباب ذات التكنولوجيا البسيطه
أنسب زيت ليها 20w/50 بتاعت ال 5000 كيلو
و نوع الزيت مش فارق كله واحد و خاضع لنسب الخلط المنصوص عليها من ال API
وحشتوني
-
-
موضوع اكثر من رائــــــــــــــــــــــ ـــــــــــــع ,,,
-
الحمد لله تم تغيير زيت فيسكو 5000 بأخر لنفس النوع بعد 19 الف كيلومتر و نقص بنسبة و لكن مش كبيرة و سببها الرئيسي هو تسريب من جوان غطاء الصبابات و معنديش اي احساس بأي تغيير بين القديم و الحديث و ان شاء الله المرة القادمه هنزله بعد سنة كاملة ان شاء الله لو عشنا
-
انا معايا بولو 1996 ماتور 1300 سى سى حالته سيئه جدا خفيف جدا وجربت الاتى
1. ليكوى مولى 20/50 كان صوت المتور جميل وهادى بس طبعا بينقص بسرعه جدا نظرا لحالتة الماتور
2. شيل احمر ابويا كنت مسافر حب يعمل معايا واجب رجعت لقيته نزل الزيت وحط فلتر كبير وشيل احمر مشيت علية 1000 كيلو ونزلته مقدرش اقول غير انى كنت بكره العربيه فى الايام دى
3. توتال motor oil ده زيت جامد جدا ومش نقص معايا بسرعه مع العلم ان المكنة بتاكل زيت بس 2000 كيلو بس زهقت من انى كل شهر اغير زيت وفلتر
4. توتال 5000 كويس فى الاول بعد كده صوت الماتور بيعلى وبيعمل دخنه كتير
السوال بقى انا المفروض اغير زيت ومش عارف اعمل ايه حد يرشحلى زيت يمشى مع ظروف المكنه بتعتى مع العلم انى مافيش فلوس اسقط مكنة دلوقتى
وشكرا
Content Relevant URLs by
vBSEO 3.6.0 PL2