مشكلة جديدة تظهر احيانا وتختفى احيانا .. رزعة لما اخلي الفتيس على r

السلام عليكم ورحمة الله وبركاته
مش عارف مشاكل العربية بقت كتير ليه الشهر ده - كتير بشكل مستفز لكن الحمد لله الذي لا يحمد على مكروه سواه -

العربية اوبل استرا 2005

لاحظت اني لما اضغط فرامل واجيب عصاية الفتيس على الـ R
الاقي نتشة - رزعة ماشي - في العربية
واحس ان العربية بتعافر مع الفرامل - ده احساسي بالموضوع -
لحد ما اسيب فرامل الرجل .. الاقي العربية ترجع بسلاسة

عملت قياس لزيت الفتيس لقيته طبيعي غير اني مغيره من حوالي 9 شهور وملحقتش امشي بيها 15 الف كيلو - لقيته ازيد من الـ max بحاجة بسيطة وده الطبيعي -

شيكت على زيت الموتور لقيته مظبوط لكنه غامق جدا

شوية معلومات معرفش ليها علاقة بالموضوع ولا لا
- غيرت قاعدة الموتور اللي تحت الفتيس من حوالي اسبوع
- فصلت البطارية خلال عملية تغيير قاعدة الموتور
- تقريبا فيه مشكلة في دايرة معينة في كنترول العربية (المتحكمة في الـ egr)
- خبطت من كام يوم في الرصيف من الخلف والضربة جات في ماسورة الشكمان
- المشكلة ده احيانا تظهر واحيانا تختفي

متابع

انت لو اديت الغيار ومش دايس علي الفرامل بتحس زي خضه في العربيه بتبقي قواعد موتور او قعده فتيس خلفيه
الي بتبقي زي نتشه ولو دست فرامل بتلاقي رجه في العربيه لازم القواعد تكون حاجه نضيفه الماني او استيراد حالتها كويسه متكونش مضغوطه ودي بتبقي نادره اوي هات ليمفوردر

اقتباس:

---

المشاركة الأصلية كتبت بواسطة hagagatc

انت لو اديت الغيار ومش دايس علي الفرامل بتحس زي خضه في العربيه بتبقي قواعد موتور او قعده فتيس خلفيه
الي بتبقي زي نتشه ولو دست فرامل بتلاقي رجه في العربيه لازم القواعد تكون حاجه نضيفه الماني او استيراد حالتها كويسه متكونش مضغوطه ودي بتبقي نادره اوي هات ليمفوردر

---

انا لسه مغير القاعدة اللي تحت الفتيس - اللي تحت البطارية -
بس مش ضامن جودة القاعدة
ممكن يكون توصيف اللي بيحصل انه رجه ساعة لما بجيب الفتيس على الـ r
لكن طول ما أنا دايس على الفرامل .. بحس ان العربية بتعافر مع الفرامل
كانها عايز ترجع بالعافية

اقصد بالرزعة انها هزة مفاجأة او رجه لكن من غير صوت اوي

قواعد ضعيفه

اقتباس:

---

المشاركة الأصلية كتبت بواسطة hagagatc

قواعد ضعيفه

---

سعر القاعدة الكويسة تبدأ من كام تقريبا ؟

الاسباب
1 - من الفتيس ( سواء زيت او الفتيس نفسة )
2 - من قواعد الفتيس
3 - من شرشرة الكوبلن الداخلية اللى جوة الفتيس
الحل لنمرة 1 & 2 & 3
حل سهل اوى
كبر دماغك

اقتباس:

---

المشاركة الأصلية كتبت بواسطة cayman69300

الاسباب
1 - من الفتيس ( سواء زيت او الفتيس نفسة )
2 - من قواعد الفتيس
3 - من شرشرة الكوبلن الداخلية اللى جوة الفتيس
الحل لنمرة 1 & 2 & 3
حل سهل اوى
كبر دماغك

---

شكرا لرد حضرتك
لكن رقم واحد ممكن يكون احتمال من الفتيس نفسه
والحل يكون سهل اوي .. طب ازاي
على العموم حضرتك طمنتني وبشرتني
شكرا

راحت مع صاحبي لما غير القواعد
المشكلة في ايه بقى ؟ انك اول ماتركب القواعد والدنيا تبقى فل تلاقيها بترجع تاني بعد فترة وطبعا صعب تشك في القواعد لانها جديدة
اقول لحضرتك شك براحتك لان القواعد مالهاش لازمة. الاسم الماني ومالهاش ملة او تركي وباردوا مالهاش ملة
عايز تجيب قواعد جديدة يبقى ليمفورد او دور على الايبي
ماهي الف جنيه مش 100 ولا 200 !
هاتجيبها استيراد يبقى تشوف النص قاعد فين ماهو ممكن يكون النص فوقيه 3 انصاص كمان

بالنسبة لكلامك عن الفرامل
دوس على الدواسة شوية لجوا هاتلاقي الصوت راح
هي بتعافر معاك عشان مش واخدة دوسة فرامل حلوة
زي بالظبط لما ترفع الهاند رافعة مش مظبوطة وتكون العربية على منزل تلاقي في صوت كركبة

نسيت اقولك يا ايجبشن ان اللي بيحصلك ده او لغيرك نتيجة عدم الصيانة الدورية
وطالما احنا مش ماشيين بالمبدا ده يبقى طبيعي كل شوية تظهرلنا مشكلة شكل

وديه طبعا ميزة التوكيل لكن للاسف سعره غالي

حضرتك بتقول فصلت أطراف البطارية ... طب عملت ريست لكمبيوتر السيارة بعد توصيل الاطراف ؟؟

اقتباس:

---

المشاركة الأصلية كتبت بواسطة maam

نسيت اقولك يا ايجبشن ان اللي بيحصلك ده او لغيرك نتيجة عدم الصيانة الدورية
وطالما احنا مش ماشيين بالمبدا ده يبقى طبيعي كل شوية تظهرلنا مشكلة شكل

وديه طبعا ميزة التوكيل لكن للاسف سعره غالي

---

الصيانة الدورية بالنسبة لي
اول لما تظهر مشكلة ولو بسيطة بروح على الميكانيكي يشوف لها حل
المشكلة بقى .. ان العيب او المشكلة مش بتظهر دايما وغالبا مش بتظهر عند الميكانيكي
فبيعتمد على وصفي للمشكلة او وصفي للصوت اللي بسمعه وفي النهاية يطنش

اقتباس:

---

المشاركة الأصلية كتبت بواسطة ayam7

حضرتك بتقول فصلت أطراف البطارية ... طب عملت ريست لكمبيوتر السيارة بعد توصيل الاطراف ؟؟

---

معرفش الطريقة .. لكن انا واثق في الميكانيكي - مهندس فاهم شغله -
بس انا مخدتش بالي الا وهو بيعمل ضبط للازاز الكهرباء بعد ما وصل البطارية

يا معالى الباشا
انا لا اقصد التريقة - لا سمح الله
بس سؤال ابسط من البساطة
لو فتيس هتعمل اية ؟
الاجابة هتمشى بالعربية لغاية ما الفتيس يجيب اخره
فكر كدة وقول رايك
لان الفتيس الاتوماتيك لا تصليح له
و اللى يقول انه فرتك الفتيس و اتجمع تانى كويس
انا اتحداه انه هيرجع زى الاوريجينال
ادى الحكاية بكل سهولة

اقتباس:

---

المشاركة الأصلية كتبت بواسطة cayman69300

يا معالى الباشا
انا لا اقصد التريقة - لا سمح الله
بس سؤال ابسط من البساطة
لو فتيس هتعمل اية ؟
الاجابة هتمشى بالعربية لغاية ما الفتيس يجيب اخره
فكر كدة وقول رايك
لان الفتيس الاتوماتيك لا تصليح له
و اللى يقول انه فرتك الفتيس و اتجمع تانى كويس
انا اتحداه انه هيرجع زى الاوريجينال
ادى الحكاية بكل سهولة

---

الفكرة لو حبيت ابيع العربية
انا حقول للزبون على المشكلة وده معناه انه حيخسف بسعرها الارض

دا مش فتيس يا ايجبشن
رجة العربية ديه لما تاخد غيار بسبب القواعد
والقنطرة بتبقى الحل الاخير بس الاهم القواعد تكون محترمة
والدكتور هلال بيطمنك انه حتى لو فتيس سيبه لغاية اما يموت ويجيب اخره

ده اللي اغلبنا بيعمله لكن ده مش اسمه صيانة دورية
هاديلك مثال صغير
طرمبة المية بتتغير في التوكيل كل 80 الف رغم انها ممكن تقعد اكتر من كدا بكتير لكن لو باظت وانت ماشي وياسلام لو في صحراء !!
عشان كدا فيه حاجات بتتغير في التوكيل من باب الوقاية خير من العلاج وده بيحافظ على عمر العربية

عيب عربيتك والقاتل الوحيد ليها هو الكنترول

اقتباس:

---

المشاركة الأصلية كتبت بواسطة maam

دا مش فتيس يا ايجبشن
رجة العربية ديه لما تاخد غيار بسبب القواعد
والقنطرة بتبقى الحل الاخير بس الاهم القواعد تكون محترمة
والدكتور هلال بيطمنك انه حتى لو فتيس سيبه لغاية اما يموت ويجيب اخره

---

كلامك سليم جدا
بس تعديل فى اخر كلمة
انا اخوك المتواضع هلالى
غالبا فى حد تانى اسمه هلال و دكتور برضوا
لكنى انا هلالى الصعيدى الوحيد
ههههههههههههه

اقتباس:

---

المشاركة الأصلية كتبت بواسطة maam

ده اللي اغلبنا بيعمله لكن ده مش اسمه صيانة دورية
هاديلك مثال صغير
طرمبة المية بتتغير في التوكيل كل 80 الف رغم انها ممكن تقعد اكتر من كدا بكتير لكن لو باظت وانت ماشي وياسلام لو في صحراء !!
عشان كدا فيه حاجات بتتغير في التوكيل من باب الوقاية خير من العلاج وده بيحافظ على عمر العربية

عيب عربيتك والقاتل الوحيد ليها هو الكنترول

---

فهمت حضرتك لكن بالشكل ده يبقي لازم الواحد يخصص مرتب للعربية - وده مستحيل :) -
دلوقتي انا مخير في موضوع الكنترول بين 3 حاجات كلهم اصعب من بعض
- تصليح الكنترول بـ 1500 جنيه (خايف يبوظ بعد اللعب فيه)
- شراء كنترول استعمال خارج بـ 3500 جنيه (اكيد حيكون زي البطيخة ممكن تكون حمرا او قرعة)
- شراء الكنترول جديد سواء من التوكيل او من غيره - لو حد يعرف السعر يقولي - (اكيد حيكون غالي جدا)

مين قال ! وهو عشان انا ساكن في القاهرة يبقى قاهري!
اصلي سوهاجي ياباشا ومن مركز البلينا بس بنزل جرجا عشان اقربلي :)
اومال ليه الناس بيقولولك يادكتور ؟
بس انت من اسيوط نفسها ؟ يارب لا

ل ايجبشن
انت ليه قررت انه كنترول ! انت بتبشر على نفسك بدري ولا ايه
انت مشكلتك على ما اتذكر انها من حساس ال egr
مش عربيتك بتلاقيها عايزة تبطل او بتبطل فعلا كل ما تهدي عشان مطب مثلا ؟

وبالنسبة للصيانة الدورية مش مستحيل ولا حاجة, بكرا ربنا يرزقك من وسع وتودي عربيتك هناك وترتاح من وجع الدماغ

اقتباس:

---

المشاركة الأصلية كتبت بواسطة MaaM

انت ليه قررت انه كنترول ! انت بتبشر على نفسك بدري ولا ايه
انت مشكلتك على ما اتذكر انها من حساس ال egr
مش عربيتك بتلاقيها عايزة تبطل او بتبطل فعلا كل ما تهدي عشان مطب مثلا ؟

وبالنسبة للصيانة الدورية مش مستحيل ولا حاجة, بكرا ربنا يرزقك من وسع وتودي عربيتك هناك وترتاح من وجع الدماغ

---

مشكلة الـ egr كانت في الكنترول نفسه بعد تجارب لمدة شهر
الـ egr سليم وغيرته بكذا قطعة اخرى سليمة والمشكلة فضلت
المشكلة كانت في الجزء اللي بيتحكم فيها في الكنترول
وعشان احل المشكلة سمعت كلام اخوانك في المنتدى ووقفت عمل الـ egr لكن عن طريق فصل الكابل بدلا من سد فتحته .. والحمد لله العربية بقت زي الفل بعدها بنسبة 90%

ومشكلة الماب اللي عندي نفس المشكلة
غيرت القطعة بواحدة اخرى استعمال خارج ونفس المشكلة موجودة
حاولت افصل الكابل بتاع الماب لكن العربية مقبلتش تدور ابدا الا لما رجعت الكابل

يا عم مش فتيس طول ما هو بيمشي يبقي سليم طيب انت بتبقي عايزه تمشي غصب عنك انا بقي العكس بديها r مبتخدوش لازم اديها بنزين شويه وتلقيها مره واحده نطرت اكنك بتأمرك وترجع تقف تدوس تاني تقوم ناطره تاني فا متوجعش دماغك سيبها لله

عشان ما افتيش ، استنى رد أحمد عاشور وهو اللي يقولنا اذا كان مشكلة الـ EGR سببها الكنترول ولا لأ
أصلي اللي اعرفه ان الكنترول بيعمل الاتي
- فصل طلمبة بنزين
- فصل بدال البنزين
- فصل التكييف
- فصل مؤشر الحرارة
- فصل الـ AIR Bags
والعيوب ديه باستثناء الايرباجز هي الأشهر وشوفتها عند كذا واحد عندهم مشكلة في الكنترول

اقتباس:

---

المشاركة الأصلية كتبت بواسطة maam

عشان ما افتيش ، استنى رد أحمد عاشور وهو اللي يقولنا اذا كان مشكلة الـ egr سببها الكنترول ولا لأ
أصلي اللي اعرفه ان الكنترول بيعمل الاتي
- فصل طلمبة بنزين
- فصل بدال البنزين
- فصل التكييف
- فصل مؤشر الحرارة
- فصل الـ air bags
والعيوب ديه باستثناء الايرباجز هي الأشهر وشوفتها عند كذا واحد عندهم مشكلة في الكنترول

---

شكرا لردك الكريم
لكن تقدر تقول اني متأكد من موضوع الكنترول ده
والطبيعي ان الكنترول يكون مسؤول عن كل الحساسات اللي في العربية