اسم الموضوع سخرية من واقع مؤلم وهو ان الناس مبقتش عارفة الفرق بين
ت و ط
س و ث
ز و ذ
شوية امثلة بسيطة اوي
الواحد مبقاش مصدق والله المستوي ده في الكتابة
عرض للطباعة
اسم الموضوع سخرية من واقع مؤلم وهو ان الناس مبقتش عارفة الفرق بين
ت و ط
س و ث
ز و ذ
شوية امثلة بسيطة اوي
الواحد مبقاش مصدق والله المستوي ده في الكتابة
ياباشا اذا كان الناس بتكتب لفظ الجلالة كدة
والله ى
الل ة
الله و اكبر
وكلهم جامعيين
صباح الخير
على فكرة المنتدى بيصلح الخطأ ده اوتوماتيك ودى حاجة كويسة. علشان كدة ان عملت مسافة ما بين الكلمة واخر حرف
و الـ ق و الـ ك
ده فيه ناس بتكتب "كورس" "قرص" !!!
ده غير طبعا كلمة مثلا زي "كلامه" أو "رجله" بتتكتب "كلاموا" و "رجلوا"
ثقافه
صقافه
الثقه
الثكه
عادي هو ده حال التعليم في مصر
اه انا الموضوع ده بيضايقني اوي .... حتى لو معرفش الشخص نفسه
صديقي.المواطن
مصر بينحدر ذوقها الثقافي واللغوي بصورة رهيبة.أعرف مواطنة سابت مصر 20 سنة ورجعت من سنة بتقوللي أنا مش فاهمة كتير من الكلمات مكنتش عارفاها وحزينة على أحوال مصر والناس
ودمتم للنضال
أخر سنة نسبة النجاح فى الثانوى الفنى كانت 55% مع العلم إن لجان إمتحانات الثانوى الفنى كلها تساهل و خصوصا فى الأقاليم و المناطق البعيدة - بمعنى الغش فى الإمتحان أسهل كتير
سالت مدرس فنى عن سبب النتيجة دى إيه قالى إن السبب إن إحنا وصلنا للطلبة اللى مش عارفة تغش علشان مش عارفة تقرأ و لا تكتب !!!!!!!!!!!!!!
طيب وحتروح بعيد ليه ....اشهر شخصيه على الفيس بوك هى "اساحبى " واللى هيا المفورض "يا صاحبى"
فمتستعربش على اى حاجه
انا مش مستغرب عي قد ما انا دمي محروق والله
هيه ماده "الإملاء" لسه موجوده؟ أنا حاسس ان اللغه العربيه بتتقلص ومفيش لغه انجليزيه أساسا يعني بعد كده هيبقى التخاطب بالرسم والاشاره.
مادة الإملاء لسة موجودة طبعاً
ولسة فيه تلاميذ وطلاب طبعاً
ولسة فيه مدرسين ومدرسات طبعاً
بس مش فيه ضمير خلاص
وأصبحنا بنشتري مدرس الفصل بدرس خصوصي
وأصبحنا بنشتري الشهادات الجامعية بالكليات الخاصة
احب اضيف ان الفرق بين ال ت وال ط في الكلام ممكن يخرب الدنيا
مثلا
القنوت المعني يدعوا الله او يخشع او السكون
والقنوط المعني اليائس من رحمة اله
جيت على الجرح يا باشا .... طبعا التعليم بزرميط بس فى عامل مهم على الاهل انك متسيبش اولادك ينطقو غلط و تعودهم يقرو كتير و بعدين الكتابه هيكون امرها سهل ....
للاسف الاطفال فى المدارس بيتعلمو عشان يعدو و خلاص و اول ما الامتحان يخلص يرمى كله وراه ... ممكن افهم ده فى مواد معينه ... الجغرافيا مثلا مش مطلوب تحفظ الناتج المحلى من الرز لبورما بس على الاقل العربى مبادئ النحو او الحساب: جدول الضرب .... المبادئ الاساسيه تفضل موجوده
فاكر امتحان ثانويه عامه لما سؤال فى النحو جه فى حاجه عبيطه و الناس زعلو و قالو مش فى المنهج .... ممكن تفاصيل تكون مش مطلوبه انما مبادئ اساسيه مفيش حاجه اسمها مش فى المنهج ...
ربنا يقدرنا على متابعة الولاد !
مش مشكلة تعليم قد ما هي مشكلة اطفال بيخلفوا اطفال ويرموا واي تربية من نظام تف علي عمو واضرب طنط
احنا نتكلم عربي كويس
لكن منكتبوش ..
بالمناسبة أحسن معلم للغة العربية و قواعد النحو و النطق و الإلقاء و التذوق الموسيقى للغة هو القرآن الكريم و حصوصا لو لم يقتصر على الحفظ فقط و شمل التجويد أيضا
و دى حقيقة لا تقبل التشكيك
تعليم صرف صحي....
كفاية تشوف كلمة اي ان كان بدلا من أيا كان
ولسا هنشوف كتير...
تحياتي
Sent from my Xperia Arc S using Forum Runner
هيا دي اخرت التعليم المجاني هههههههه
صحيح بس فقط للتوضيح بالمناسبة احنا هنا بنكتب باللهجة المصرية وليس باللغة العربية الفصحى ... انتا مثلاً لو دخلت منتدى سعودي هتلاقيهم. بيكتبو برضو كلمات غريبه زي. ( هلا كيفك شخ بارك) ... لو دخلت مثلاً برضو قرئت الكلمات الفلسطنين. هتلاقيهم بيقولوا ( كالي وكلتلوا وكتلني = قالي و قلتلوا وقتلني ) في لهاجه لاهل الخليج مثلاً الكويتية مبيقولوش ( أشلونك = ازيك ) لا بيقولوا ( اشلونج) وهكزا .
لذلك اغلب كتاباتنا. بتعتمد مش على اللغه العربية لأ. الواحد برمج ايديه على ان الكلام الي ينطقو الصوابع تترجمها لحروف مبنبصيش بقه اذا كانت الكلمة صح ولا غلط ... بس مع مرور الوقت الواحد ايدو خدت على الغلط فتصور ان مرات. تيجي تبعت ايميل رسمي لحد مثلا : فبرجاء التكرم بأرسال لنا عينات في أسررررررررررع وقت ممككن ( هههههههه) الانترنيت دمر اللغة عند الواحد.... وتحياتي
بلاش أنت بالذات يا أ/ Yaris تشترك في الموضوع دا
موضوعاتك كلها مميزة وكوميدية وإجتماعية ومعلوماتية
لكن كلها أخطأ إملائية :C_laugh[1]:
اللعينة الفرانكوا أراب
أصبح الناس لا يعرفون يكتبون بلغتهم الأصلية لأستخدام حروف لغة غريبة لا تمت لنا بصلة و لا للغتنا بصلة .
بالاضافة طبعا لأنحدار مستوى التعليم عموما و خصوصا العربي .
أصبح الناس يركزون مع اللغة الأجنبية (و في النهاية يخرج علينا الكثيرون - لا يعرفون عربي و لا أنجليزي - من ناحية الكتابة)
ده نتاج سنوات من الضياع و الفشل في المدارس
مصر فى المركز الأخير «عالميًا» فى جودة المدارس وكفاءة التعليم الأساسى - بوابة الشروق
ربنا ينتقم من كل من كان السبب في وصول التعليم لهذا المستوى!!