احذروا التعامل مع المركز الصيني بصقر قريش

تنويه هام لجميع مالكي السيارات الصيني .. المركز الصيني اللي في صقر قريش (ورشة عادل) نصابين وحرامية .. بيجيبلك قطع الغيار من المحل الخاص بيه وكلها مضروبة .. ودا عن تجربتي الشخصية .. انا مغير كبالن من عنده مرتين في شهر واحد وباظوا لتالت مرة.. وصديق لي معاه شيري a11 غيرله سير كاتينة وقطع معاه بعد 6000 كم بس وكان هيجيب صبابات .. الرجاء توخي الحذر وعدم التعامل معهم او احضار قطع الغيار من خارجهم .. متخلوهومش يجيبولكم الحاجة من عندهم.. مضروبة وغالية فعلا .
ولو حصل وتعاملتم معاه اتعاملوا مع الصنايعي اللي هناك اللي اسمه هاني لأنه محترم .. أما أحمد فهو غالبا حشاش وقليل الذوق ولو سألته علي أي عطل في العربية هيقوللك غيرها ومش بيصلح حاجة وقبل كدة كان هيلبسني في تغيير عفشة عربيتي بالكامل علي اساس انها منتهية لكني توجهت لورشة اخري وطلع الموضوع شوية جلب وبطاحة وبيضة مقص فقط.

وشكرا

مشكور علي التنبية يا باشا وربنا ينتقم من كل طماع

شكرا للتنبيه
اي حد عايز يركب قطعه غيار في عريته لازم يتاكد من جودتها انها اصلي
علي العموم في صقر قريش
مركز محمد رشاد محترم وعمره ما يغامر بسمعته في قطع غيار مضروبه

طيب ياريت لو تقولي مكانه فين او قريب من ايه .. انا فكرت اتعامل مع المتحدة او احمد مهران لكن اماكنهم بعيدة عني

اقتباس:

---

المشاركة الأصلية كتبت بواسطة melad sedky

طيب ياريت لو تقولي مكانه فين او قريب من ايه .. انا فكرت اتعامل مع المتحدة او احمد مهران لكن اماكنهم بعيدة عني

---

احمد مهران تعبان
واليط وبيتكلم من طراطيف مناخيره
لو رجعت ليه علي مشكله في العربيه ومش عارف يحلها
يتكلم بقرف
ويحاول يقنعك انك مش فاهم او انك اول مره تركب عربيه

المتحده نضيف وكل حاجه لكن اسعاره بجد اغلي من التوكيل
يبقي اعمل الشغل في التوكيل افضل

محمد رشاد كان شريك في المتحده وانفصل عنهم
توصل عند كشري الخديو وتكلمه
تليفونه 01111766770

يا باشا متشكر جدا ليك ولاهتمامك .. وربنا يبعد عن الكل النصابين والحرامية

ايه الطمع و الجشع ده الناس مبقاش عندها ضمير خلاص

اقتباس:

---

المشاركة الأصلية كتبت بواسطة hugan

احمد مهران تعبان
واليط وبيتكلم من طراطيف مناخيره
لو رجعت ليه علي مشكله في العربيه ومش عارف يحلها
يتكلم بقرف
ويحاول يقنعك انك مش فاهم او انك اول مره تركب عربيه

المتحده نضيف وكل حاجه لكن اسعاره بجد اغلي من التوكيل
يبقي اعمل الشغل في التوكيل افضل

محمد رشاد كان شريك في المتحده وانفصل عنهم
توصل عند كشري الخديو وتكلمه
تليفونه 01111766770

---

المتحده ده اللي بعد مستشفي صقر قريش علي اليمين ؟ بتاع تويوتا ؟
اصل ده اللي بعمل عنده صيانه الياريس وبصراحه مستغليه اوي اوي
لو في حد تاني في صقر قريش بيفهم في التويوتا ياريت تقولي عليه ؟

صديقي المواطن
أنا عندي طبع أي صنايعي شايف نفسه نجم عمري مفكر لا أحترمه ولا أنفعه ولا أسلم عليه حتى لو كان مازنجر في صنعته ودمتم للنضال

اقتباس:

---

المشاركة الأصلية كتبت بواسطة hopeless20

المتحده ده اللي بعد مستشفي صقر قريش علي اليمين ؟ بتاع تويوتا ؟
اصل ده اللي بعمل عنده صيانه الياريس وبصراحه مستغليه اوي اوي
لو في حد تاني في صقر قريش بيفهم في التويوتا ياريت تقولي عليه ؟

---

المتحدة اللي بنتكلم عنه في المريوطية في الجيزة مش اللي في صقر.. ودا متخصص اسبرانزا

اقتباس:

---

المشاركة الأصلية كتبت بواسطة saddam

صديقي المواطن
أنا عندي طبع أي صنايعي شايف نفسه نجم عمري مفكر لا أحترمه ولا أنفعه ولا أسلم عليه حتى لو كان مازنجر في صنعته ودمتم للنضال

---

صدقت ماهو في النهايه بيعمل الشغل وياخد عليه اجره واكتر ..... ليه يتعالى على الخلق .

شكرا على التنبية