الحمد لله بعد لف شهرين و فرجة و مقارنات فى المستعمل قررت أجيب زيرو و حجزت امبارح الشكل القديم فضى من السبع فى المنصورة
و المفروض الاستلام بكرة إن شاء الله
طبعا كنت منبهر بالشكل الجديد و حسه شبابى أكتر بس مشكلته التقفيل من تحت فيه فتحات غريبة فى عفشة العربية مش موجودة فى الشكل القديم
القديم حسيت انها مصفحة تنفع فى شوارع مصر العظيمة
عيب القديمة من وجهة نظرى المتواضعة (شكلها القديم و مفيش abs)
عيب الجديدة الكاوتش الصينى بعكس القديمة متركبلها بريدجستون يابانى و المساعدين تحس انهم ضعاف جداً بجانب القديمة
و الحمد لله اللى أكدلى صحة اختيارى ساعة الحجز صاحب المعرض قال فعلا القديمة أحسن بكتير و الجديدة عاملنها يضحكوا بيها على الشباب
و السنة دى أخر سنة للشكل القديم خلاص