مشكلة جديدة تظهر احيانا وتختفى احيانا .. رجه لما اخلي الفتيس على r

السلام عليكم ورحمة الله وبركاته
مش عارف مشاكل العربية بقت كتير ليه الشهر ده - كتير بشكل مستفز لكن الحمد لله الذي لا يحمد على مكروه سواه -

العربية اوبل استرا 2005

لاحظت اني لما اضغط فرامل واجيب عصاية الفتيس على الـ R
الاقي نتشة - رزعة ماشي - في العربية
واحس ان العربية بتعافر مع الفرامل - ده احساسي بالموضوع -
لحد ما اسيب فرامل الرجل .. الاقي العربية ترجع بسلاسة

عملت قياس لزيت الفتيس لقيته طبيعي غير اني مغيره من حوالي 9 شهور وملحقتش امشي بيها 15 الف كيلو - لقيته ازيد من الـ max بحاجة بسيطة وده الطبيعي -

شيكت على زيت الموتور لقيته مظبوط لكنه غامق جدا

شوية معلومات معرفش ليها علاقة بالموضوع ولا لا
- غيرت قاعدة الموتور اللي تحت الفتيس من حوالي اسبوع
- فصلت البطارية خلال عملية تغيير قاعدة الموتور
- تقريبا فيه مشكلة في دايرة معينة في كنترول العربية (المتحكمة في الـ egr)
- خبطت من كام يوم في الرصيف من الخلف والضربة جات في ماسورة الشكمان
- المشكلة ده احيانا تظهر واحيانا تختفي

صديقي المواطن
توصيفك للمشكلة غير وافي ولكن على قد توصيفك سنخمن العطل ولكن اﻷفضل أن يشاهدها خبير أنا لو كنت في إسكندرية كنت جيت راجعتلك عليها
مبدئيا برجلة الفرامل دي غالبا الطنابير تعبانة أو واحد من مسماري فك اللي بيبات فيها التيل سايب فبيمسك نن تاحية واحدة فبيخبط في الجنط لو كان بيطلع الصوت وإنت جايب لوره بس
أما موضوع رزعة الفتيس على الخلف فعل هي لما تجيب ورا بيحصل تأخير خفيف ولو لثانيتين ثم ترزع رزعة واحدة ولا مستمرة لو رزعة واحدة فدي أعراض إنك تغير فلتر الفتيس وزيت محترم غالي ولو مراحتش الرزعة دي يبقه حتعوز طقم إصلاح فتيس أوتوماتيك ﻷنه حصل تلف في الكلتشات ويمكن أيضا يكون العطل في وجوب تغيير قواعد المكنة وقواعد الفتيس والكرسي وأيضا كإحتمال ضعيف بس حصل معايه هو إن شكمانك بعد.الخبطة بعض شيالاته سابت فبيخبط في بودي العربية لما تنتفض العربية كنفضة الرجوع للخلف
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
توصيفك للمشكلة غير وافي ولكن على قد توصيفك سنخمن العطل ولكن اﻷفضل أن يشاهدها خبير أنا لو كنت في إسكندرية كنت جيت راجعتلك عليها توصل بالسلامة ان شاء الله
مبدئيا برجلة الفرامل دي غالبا الطنابير تعبانة أو واحد من مسماري فك اللي بيبات فيها التيل سايب فبيمسك نن تاحية واحدة فبيخبط في الجنط لو كان بيطلع الصوت وإنت جايب لوره بس انا خايف تكون حللت الموضوع على توصيف غلط لاني مش فاهم تقصد ايه ببرجلة الفرامل
أما موضوع رزعة الفتيس على الخلف فعل هي لما تجيب ورا بيحصل تأخير خفيف ولو لثانيتين ثم ترزع رزعة واحدة الله ينور بيحصل تاخير حوالي ثانية ويحصل الخضة بعدها ولا مستمرة لو رزعة واحدة فدي أعراض إنك تغير فلتر الفتيس وزيت محترم غالي ولو مراحتش الرزعة دي يبقه حتعوز طقم إصلاح فتيس أوتوماتيك ﻷنه حصل تلف في الكلتشات ويمكن أيضا يكون العطل في وجوب تغيير قواعد المكنة وقواعد الفتيس والكرسي وأيضا كإحتمال ضعيف بس حصل معايه هو إن شكمانك بعد.الخبطة بعض شيالاته سابت فبيخبط في بودي العربية لما تنتفض العربية كنفضة الرجوع للخلف هي بعيدة شوية لكن المشكلة مظهرتش غير بعد الخبطة ده
ودمتم للنضال

---

شكرا لرد حضرتك .. وردودي حطيتها وسط كلامك :tumb:
وما شاء الله شكل حضرتك موسوعة