ايهما افضل من وجهه نظرك ؟؟
بيجو 301 اوتوماتك...........ولا هيونداي اكسنت اوتوماتك فول اوبشن
علما بأن سعر العربيتين متقارب الي حد ما
وشكرا :)
عرض للطباعة
ايهما افضل من وجهه نظرك ؟؟
بيجو 301 اوتوماتك...........ولا هيونداي اكسنت اوتوماتك فول اوبشن
علما بأن سعر العربيتين متقارب الي حد ما
وشكرا :)
حاجه محيره فعلا
الاكسنت : شكل جميل (اذواق) - تم تجربتها - قطع غيار موجوده بره التوكيل - اعاده بيع افضل
البيجو : مصنع محترم و تاريخه يشهد - لم يتم تجربتها زى الاكسنت - معرفش نظام قطع الغيار و لا الصيانه - اعاده البيع فى صالح الاكسنت
اعمل استخاره و اركب الاثنين و اللى ترتاح ليها اكتر هاتها
رايى البيجو افضل
http://www.nilemotors.net/Nile/360846-301.html
صديقي المواطن
أجبنا في موضوعك السابق وقلنا بإستثناء إعادة البيع وقطع الغيار فالبيجو تكسب ضد الآربي أكسنت ولكنها تخسر مثلا قصاد نيو ريو
ودمتم للنضال
البيجو يا باشا من غير كلام ، مفيش وجه للمقارنة واركب دى واركب دى عشان تعرف
مفيش وجه مقارنة غير في السعر مع ان الاكسنت اصلا سعرها غريب بتبدأ من 115 مانيوال على ايه مش عارف ، والبيجو ارخص وبتبدأ من 108
البيجو ما شاء الله امان وثبات وفرامل حاجة زي الفل مش موجودة في الفئة دى اصلا خالص خصوصا الفرامل بسم الله ما شاء الله الله اكبر عليها
انت تحتار في حالة واحدة ، لو انت من النوع اللى ممكن تيجى على نفسك وعارف انك هتركب عربية تعبانة بس عشان اعادة بيعها مثلا
غير كدة والله كعربية لعربية البيجو تمسحها مسح ، وخلى بالك قطع غيار البيجو مش غالية وشوف موضوع قطع الغيار، واصلا موتورها بتاع الـ 307 يعنى قطع غياره موجودة ومتجرب، والفتيس كمان متجرب في الـ 408 ، والصاج افتح الكبوت والشنطة كدة وشيلهم بإيدك وشوف المتانة عاملة ازاى ، والثبات والفرامل والامان جرب بنفسك وشوف الفرق
بالنسبة لاعادة البيع البيجو عليها طلب كبير جدا وثبتت نفسها في فترة قليلة وهتنتشر وهتبقى مطلوبة ان شاء الله وهى عامة غير اي بيجو والله ، ( حتى تكييفها ممتاز كعربية اوروبى بالمناسبة )، وهتبقى اعادة بيعها ممتازة بإذن الله من اللى احنا شايفينه في السوق لحد دلوقتى
انا على سبيل المثال واحد مكنش بيفكر يجيب زيرو اصلا ، ونزلت جبتها ، فاطمن العربية عليها طلب كبير ، وثابتة نفسها كويس لحد دلوقتى ومحدش اشتكى منها نهائى
احنا اللي بنعمل سعر لعربيات متستاهلش
بيجو اختيار موافق جدا
هية المقارنة دي كترت اليومين دول اوي كدة لية ... عموما البيجو 301 افضل بمراحل
انا رائى بيجو
و ده مجرد رائى زى ما بيقول استاذنا الجميل sophos
انا لسة مستلم البيجو و حاجة جميلة و محترمة والله من حيث :
ثبات و علفكرة بتجرى جامد و مغرية للجرى
فرامل
شياكة
نظام ضد السرقة دة عسل
و عالية جدا عن المطبات
العربية صالون من الاخر و الشنطة بحر
التكيف جبار
مشكلتها ان التحكم ب ذراع مش فى الطارة نفسها و اماكن ازرار الزجاج مكانها غريب ومفيش اماكن تخزين فى التابلوه
و شكرا
no way peugeot sure
البيجو من أول فئة في المانيوال اللي ب ١٠٨ ألف
فيها أيموبلايزر (مفتاح مشفر ونظام ضد السرقة)
فيها abs+ebd
فيها ٢ أيرباج للسواق وللي راكب جنب السواق,
الأكسنت فيها الكلام دا من أول فئة.؟
ولا لازم تشتري هاي لاين عشان تاخد الحاجات دي علي أساس أنها كماليات.!!!
ثبات البيجو وفراملها وأمان وراحة الأوروبي لا تقارن بالكوري.
وقوة موتورها وهيا أكتر مواتير معمرة وبص علي مواتير ال ٥٠٤ اللي لسه مواتيرها شغالة لحد إنهارده وبتدور من أول تكة.
وأسعار قطع غيارها في نفس رينج الياباني والكوري وفيها حاجات أقل وممكن تراجع المواضيع عنها في المنتدي.
في مقولة رخمة اوي بس للاسف صح
"اركب ليك وللسوق"
للاسف تاني بس المقولة دي صح
بيجو يكسب
على فكرة انا معايا اكسنت 2010 والعربية مريحانى على الآخر بس مشكلتى انها مانيوال وانا رجلى الشمال حصل فيها مشكلة فقررت اجيب عربية اتوماتك ولما دورت لقيت البيجو 301 انسب حاجة ليا فقررت ان شاء الله هشتريها اول ما ابيع الاكسنت
موضوع قطع الغيار ده بقى اللى غريب مثلا زجاج امامى للاكسنت بـ 2200 جنيه فى التوكيل زجاج البيجو فى التوكيل 990 جنيه وكمان فلتر الهوا للاكسنت لسة مغيره فى التوكيل 100 جنيه فلتر البيجو 50 جنيه مراية الاكسنت مش كهربا وبـ 850 جنيه ليه مش عارف البيجو مراية كهربا وبـ 625 جنيه زجاج المراية ودخت عليه على ما جبتو من التوفيقية كان بـ 90 جنيه فى البيجو بـ 66 جنيه ........ طبعا اسعار قطع الغيار بتاعة البيجو دى من مشاركات الناس هنا فى المنتدى لكن الاكسنت عن تجربة
كمان انا لما روحت اتفرج على البيجو حدث ولا حرج فرق شاسع بينها وبين الاكسنت بصراحة
الاكسنت سعر بيع ممتاز لكن البيجو 301 من رأيى المتواضع ان سعر اعادة البيع هيكون كويس جدا وده يبان من الاقبال على العربية
وفى الآخر ربنا يوفقك لما فيه الخير
الاخ hdabawy
نصيحة لو ناوي تشتري 301 فعلا احجز العربية الاول وبعدين بيع عربيتك قبل الاستلام...
انا غلطت لما بعت العربية قبل ما احجز .. كان معايا لانسر عملت اعلان قبل ما اكمل 24 ساعه كنت بايعها واديني بقالي 50 يوم بغني ظلموه
بيجو ثم بيجو
يا فندم نصيحه لوجه الله
توكل على الله واشتري البيجو
انا لسه مستلم العربيه من اسبوع وبجد العربيه اكثر من رائعه
ومن وجهة نظري الحق اشتري العربيه وما تترددش لان العربيه دي هتغلى
وعلى اللي انا شايفه من هبل الاسعار في مختلف الموديلات
العربيه دي تستاهل كل جنيه يندفع فيها
البيجو كرأي فقط