عندى لادا سمارا مو 91 1500 cc ذهبت اليوم محطة موبيل في اول شارع الهرم وذلك لتغيير زيت الفتيس . وطلبت من الفني زيت 80 / 90 الخاص بالفتيس . ورد الفنى وقال سيارتك لادا ولازم تحط لها زيت 140 . طبعا احترت وتم تأجيل تغيير زيت الفتيس لحين التأكد من نوع الزيت ورقم القوام هل 90 او 140 . أرجو ممن لهم سابق خبرة فى هذا الأمر إفدتى وجزاكم الله خيرا .
انت حضرتك اخر مره غيرته بنوع ايه ؟؟
او اخبار الفتيس ايه معاك هل ناعم ولا بتعاني من مشاكل فيه ؟؟
انا كان معايا فليشيا و اعتقد انها من نفس الجيل كنت بحطلها 90 و والدى كان معاه لادا 2105 1995 كان بيحط 90 برضه
شكرا للسيد حسنين وللسيد عبدالرحمن للإهتمام والرد السريع . اما بالنسبة لحالة الفتيس فهو جيد وناعم والحمد لله ولاتوجد اى مشاكل به . واخر مرة غيرته كان زيت 90 . لكن فنى المحطة هو الذى جعلنى متردد فى تحديد رقم الزيت .
كمل زي مانت ماشي اتوكل علي الله علي 90
وكنت سمعت قبل كده ان في زيوت متعدده للفتيس بيبقي 90/140 وده لو لقيته يبقي ممتاز
٩٠ طبعا
ال ١٤٠ تقيل اوي علي الفتيش
بالنسبة للادا بيتحط الزيت ال140 لو الفتيس فية ونة مع الغيارات علشان الزيت التقيل بيقلل اصوات التروس لكن لو الفتيس كويس وناعم حط زيت 90 او 90/80 افضل والأحسن لو تحط زيت شل 80/90 افضل من موبيل كتير !!