ويندوز 8

**محمد أنور** · 01-10-2013 07:53 PM

كنت عاوز اسأل حد يا جماعة بيتعامل مع ويندوز 8 اصل انا اشتريت لاب ديل 5520 عليه نسخة ويندوز 7 home premium اصلية و لقيته بيهنج كتير و لما بيعمل sleep باجي افتحه تاني الاقيه not responding فبفكر اغير الويندوز ل 8
و هل حد سمع عن شراء الويندوز من النت اصلي دخلت على موقع ديل لقيتهم بيقولوا اني ممكن اعمل upgrade للويندوز و اغيره لويندوز 8 ب 50 دولار تقريبا .. يا ريت حد يفيدني و شكرا

**ahmedalaahosny** · 01-10-2013 10:41 PM

وهو انا ادفع 300 جنيه وشوية عشان اعمل ابجريد من ال 7 لل 8 ليه ياعم الحج ده انا انزلها من اى منتدى واسطبها والكلام ده من غير مليم والنسخة بيبقى معاها الاكتيفيشن بتاعها انا بستخدم ال 8 هو جميل بس لو الرام فوق ال 4 جيجا قبل كده هتبص تلاقيه مع فتح اكتر من برنامج بيهنج كتييرررر

**besso** · 01-10-2013 10:52 PM

انا عندى ويندوز 8 وانا جهازى امكانياته قليله
انا كنت بستخدم xp على طول
جبت من واحد صاحبى 7ماقعدتش معايا اسبوع وبقيت كاره الكمبيوتر واللى اخترعه تقل وتهنيج وبرامج مش شغاله وحاجه قرف
قام جابلى 8 تحفه تحفه تحفه تحفه اولا خفيفه على جهازى ثانينا بقيت مميزه اوى لان متغير فيها حاجات كتير عن الويندوز العادى +ان البرامج اللى مكانتش بتشتغل على 7 شغاله عليها وكمان troubleshootاللى فيها بيفهم ههههههههههه
يعنى لو فيها حاجه مش شغاله تلاقيه بيديك كذا حل علشان تعرف تشغله لكن فى 7 تحس انه مش طايقنى اصلا هههههههههههههههههههههه

جربها وانت تعرف يعنى ايه ويندوز محترم

وعلى فكره انا اساسا مخدتش من صاحبى الباسورد بتاعها بس هى النسخه بتديك 90 يوم freeوانا جبتلها كراك من على النت وبجددهم كل لما يخلصوا

اه امكانيات جهازى
رام-1جيجا(بس هى محتاجه حاجه اعلى من جيجا علشان تبقى خفيفه اكتر)
بروسيسور-3.6
فيجا-128

وواخده من الهارد دلوقتى حالا 12.6 جيجا
انا لحد دلقوتى مش عراف استخدم اى نسخه غيرها والله العظيم

**أبو آسر** · 01-10-2013 10:59 PM

رأيي تشوف نسخة ويندوز 7 ultimate أصلية نضيفة من على النت وتشتغل عليها وبلاش ويندوز 8 دلوقتي علشان هو لسة جديد وفي طور التجربة وفي ناس بتقول إنه في بعض المشاكل وغالبا هتلاقي الدعم بتاعه ضعيف لأنه لسة غير منتشر لكن هي مسألة وقت لحد ما يبقى stable ومشاكله كلها اتحلت وساعتها تقدر تنزله
ملحوظة: أنا الويندوز 7 بيقعد معايا أكتر من 6 شهور شغال زي الفل بالرغم من إني بشغل الكمبيوتر يوميا أكتر من 15 ساعة وأحيانا 24 ساعة لو بعمل دونلود وبستب برامج كتير وتقيلة نوعا ما بحكم شغلي والحمد لله شغال تمام ومريحني جدا

**aw2100** · 01-10-2013 11:35 PM

المشاركة الأصلية كتبت بواسطة محمد أنور

كنت عاوز اسأل حد يا جماعة بيتعامل مع ويندوز 8 اصل انا اشتريت لاب ديل 5520 عليه نسخة ويندوز 7 home premium اصلية و لقيته بيهنج كتير و لما بيعمل sleep باجي افتحه تاني الاقيه not responding فبفكر اغير الويندوز ل 8
و هل حد سمع عن شراء الويندوز من النت اصلي دخلت على موقع ديل لقيتهم بيقولوا اني ممكن اعمل upgrade للويندوز و اغيره لويندوز 8 ب 50 دولار تقريبا .. يا ريت حد يفيدني و شكرا

على فكرة الsleep ده هو المشكلة الوحيدة فى ال win 7 وده فى النسخة ال32 بت لكن انا عندى النسخة ال64 من الويندوز 7 شغاله 10/10 سرعة رهيبة فى الجرافيكس واستاذة فى النت ممكن تركب على الجهاز win 7 64 bit وحتدعيلى !!

**أحمد كمال** · 02-10-2013 01:01 AM

المشاركة الأصلية كتبت بواسطة besso

انا بقى نفسى الاقى اجابه للسؤال ده
ليه النسخه ال64 بتبقى دايما اكفأ

انا ال8 اللى عندى 64 بردو

الفرق بين 32 و 64 على نفس الكمبيوتر هو بالظبط الفرق بين سواق بيفك بوجيهين من الاربعة و هو سايق العربية و سواق بيركب كل البوجيهات

**أحمد كمال** · 02-10-2013 01:01 AM

المشاركة الأصلية كتبت بواسطة ahmedalaahosny

وهو انا ادفع 300 جنيه وشوية عشان اعمل ابجريد من ال 7 لل 8 ليه ياعم الحج ده انا انزلها من اى منتدى واسطبها والكلام ده من غير مليم والنسخة بيبقى معاها الاكتيفيشن بتاعها انا بستخدم ال 8 هو جميل بس لو الرام فوق ال 4 جيجا قبل كده هتبص تلاقيه مع فتح اكتر من برنامج بيهنج كتييرررر

بلاش تحريض على السرقة

الناس اللي عملت البرامج دي "يا عم الحاج" صرفت فلوس على تطويرها و لو كل الناس سرقت و ما اشترتش مش هيعملوا برامج تاني لان مش هيبقى فيه مبيعات