مطلوب للشراء سياره في حدود 25000

**rakhawy** · 01-10-2013 11:46 PM

السلام عليكم,

الاخوه الكرام اعضاء المنتدى المحترمين مطلوب للشراء سياره في حدود 25000 اوتوماتيك و مكيفه.
تكون بحاله جيده و مفيهاش مشاكل علشان زوجتي اللي هتستخدمها..

برجاء المساعده

**Eng_hatemfathy** · 02-10-2013 12:36 AM

هيونداى استيلر خليجى بيضاء اتوماتيك مكيفة نص عمرة حديثة زجاج وسنتر
اول يد والبيع لوفاة صاحبها وسفر اولاده
الحالة جيدة بس مش عارف هل كبيرة على الزوجة ولا هيا بتسوق كويس
مطلوب 22 الف جنيه والمعاينة يوميا فى امبابة -جيزة -البطارية متشالة بس ممكن توفير بطارية للتجربة بعد الاتفاق وشحن البطارية الاصلية قبل البيع
مدفوع ضريبة وتأمين وواقفه على الفحص

**lidosasa** · 02-10-2013 12:38 AM

أتوماتيك ومكيفة ومفيش فيها مشاكل وب 25 ألف جنيه معتقدش فى كوكب مصر الشقيق حتلاقى عربية بالمواصفات دى بالسعر ده

**lidosasa** · 02-10-2013 06:30 PM

المشاركة الأصلية كتبت بواسطة rakhawy

ليه لأ هي ممكن تكون صعبه بس مش مستحيله . و اللي يدور هيلاقي ان شاء الله.

طب إيه رأى حضرتك فى النظرية الإقتصادية اللى بتقول إن الفقير ( اللى زى حالاتى كده ) يشترى عربية زيرو وأنا شخصياً أقتنعت بيها تماماً بعد ما اشتريت عربية موديل 2007 ( يعنى مش مستعملة قوى يدوب فات عليها 5 سنين ) لكن فى خلال سنة من وقت شراءها صرفت عليها صيانات بحوالى 4000 جنيه من غير ما أحسب الزيت ولا فلتر الزيت . فعشان كده بقترح عليك لو تقدر تشوف حاجة صينى أتوماتيك جديد سعرها مناسب وتدفع اللى معاك وتقسط الباقى . مجرد إقتراح وممكن تدرسه وربنا يوفقك للخير بإذن الله

**lidosasa** · 02-10-2013 07:07 PM

المشاركة الأصلية كتبت بواسطة جيفارا

من غباء الصيني ان معظمه مانوال للاسف...

على رأيك والله الإسبرانزا لو عملت a113 أو شركة byd عملت f0 أوتوماتيك حيكسروا الدنيا ويعملوا مبيعات خيالية بشرط العربية ما تزدتش عن المانيوال 5000 أو 7000 جنيه بالكتير

**lidosasa** · 02-10-2013 08:55 PM

المشاركة الأصلية كتبت بواسطة جيفارا

المحترم وهيعمل مبيعات ال بي واي دي اوتو بفتحة سقف

وتراودني فكرة مجنونة ان ال 113 ممكن ينول عليها فتيس اتوماتك بتاع لانسر لو ينفع يبقى قشطة جدا...!!!
يا ريت حد يفيدنا بالموضوع ده...

ياريت لو عندك معلومات عن f0 تقولى لإنها بتلعب فى دماغى بقالها فترة وسعرها دلوقتى 56 ألف وبالنسبة للتعديل ففى حدود معلوماتى المتواضعة إن اللى بيغير الفتيس لآوتو بيغير ويعدل فى الموتور كمان