شوية استفسارات

**amro0000** · 02-10-2013 04:16 AM

عربيتي لانسر 2007 مانول 1300 فية ملحوظة كدة غريبة ظهرتلي من فترة كبيرة وكتبت عنها لاكن مع الاسف ملقتش اهتمام بس انا عاوز اسئل فيها تاني اولا ياجماعة هيا عفشة الانسر البومة ناشفة يعني الي بياخد المطب بيحس بية دة سؤال والمشكله الي عندي النحية الي ورا شمال عند المساعد الخلفي شمال فية صوت كدة زي حديدة بتخبط بس مش بسمع صوتها الا في الطرق الي مش مسفلته الي بيكون فيها نقر مثلا او زي عيون القطط كدة بسمع صوت حاجة ورا كدة المشكله اني روحت لواحد بتاع عفشة ممتاز وبيقولي دة المساعد الخلفي بس هوة نفسة مش مقتنع لانة بيهز المساعد وبيلاقية كويس وانا بهزة بلاقية كويس طيب لو الصوت دا جاي من المساعد لية مش بيجي وانا باخد مطبات الهوا او وانا بهز المساعد لفوق وتحت مثلا؟؟؟؟ فهل المشكله هنا ممكن تكون اية ياجماعة ؟ والسؤال التاني فية عندي علي النحية اليمين بردة في الطرق الي فيها حفر بسيطة بسمع في النحية اليمين صوت حاجة كدة زي تكتكه كدة خفيفة اووووي لو معلي الكاسيت حاجة بسيطة مسمعهاش بس دي بسمعها لو العربية ماشية في طريق مش ممهد والعفشجي قالي هيا تقريبا بارات الدركسيون بس صاحب العربية كان مغير قبل ما يبيعهالي بارات خارجية وداخلية (تيش) وجلب المقصات فهل دا كفايا وكان المفروض عليا اني اغير حاجة تاني في العفشة ولا لاء؟ واخر سؤال وعارف اني طولت هوة سحب ال 1300 بيبقي بطة شوية اما العربية بتسخن؟ وانا بنقل دايما علي ار بي ام اقصاة 3 هوة المفروض انقل اكتر من كدة؟؟؟؟ وهوة دا الي مش محسسني بقوة العزم للعربية ؟ ولا فلتر البنزين لاني مغيرتوش تقريبا ويمكن بقاله حوالي 30الف كيلو ودايما بنضفة بلهوا واخر طلب ياريت الي عندة معلومة عن اسعار قطع الغيار من التوكيل ياريت يكتبها وشكرا

**delaga** · 02-10-2013 05:25 AM

بالنسبة للعفشة هى مش ناعمة اوى ولا ناشفة اوى هى كويسة ( انا عربيتى هاف سبورت 1600 اوتو ) يعنى لو ركبت كورى مثلا مش هاتحس بالمطبات والنقر زى عندك بس ده عادى وانا سألت كذا واحد بيفهموا وخليهم يسمعوا الصوت قالولى لا ده طبيعى
بالنسبة لموضوع الاصوات اللى بتسمعها مش عارف الصراحة
وموضوع السحب هو معروف ان ال1300 سحبها بطئ وبالذات مع التكييف لكن انا ماجرتش ثبل كده الانسر ال 1300 لكن عامة نضف فلتر الهوا او غيره هو وفلتر البنزين لو تقدر والبوجيهات ونضف بوابة الهوا وحساس الايدل وشوف الفرق

**amro0000** · 03-10-2013 01:24 AM

بجد اكتر حاجة بتزعلني اني بهتم باي مشاركة جديدة وبهتم بأسئله الاعضاء واكتر حاجة بتزعلني اما مش الاقي تفاعل من الاعضاء في موضوع كتبته حاجة حقيقي تزعل عموما شكرا للاخdelaga علي ردك علي مشاركتي

**madman2002** · 03-10-2013 01:36 AM

انا اعرف ارد عليك بس فى موضوع النقل ده .. انا فعلا لما بتأخر فى النقل ل 3ونص او 4 بحس بزياده عزم العربيه .. وفى حد قالى اصل مواتير اللانسر تصميمها رياضى تديك كفاءه عاليه على النقل المتأخر بس انا برده بنقل على 3 الا لو اتزنقت

**madman2002** · 03-10-2013 01:39 AM

وطبعا فلتر البنزين لازم يتغير

**delaga** · 03-10-2013 06:27 AM

المشاركة الأصلية كتبت بواسطة amro0000

بجد اكتر حاجة بتزعلني اني بهتم باي مشاركة جديدة وبهتم بأسئله الاعضاء واكتر حاجة بتزعلني اما مش الاقي تفاعل من الاعضاء في موضوع كتبته حاجة حقيقي تزعل عموما شكرا للاخdelaga علي ردك علي مشاركتي

ماتزعلش لو مالاقتش ردود وتفاعل ماتعرفش برضه ظروف الناس
المهم انا قدرت افيدك بحاجة ؟

**MITSUKERO** · 03-10-2013 09:46 AM

المشاركة الأصلية كتبت بواسطة amro0000

عربيتي لانسر 2007 مانول 1300 فية ملحوظة كدة غريبة ظهرتلي من فترة كبيرة وكتبت عنها لاكن مع الاسف ملقتش اهتمام بس انا عاوز اسئل فيها تاني اولا ياجماعة هيا عفشة الانسر البومة ناشفة يعني الي بياخد المطب بيحس بية دة سؤال والمشكله الي عندي النحية الي ورا شمال عند المساعد الخلفي شمال فية صوت كدة زي حديدة بتخبط بس مش بسمع صوتها الا في الطرق الي مش مسفلته الي بيكون فيها نقر مثلا او زي عيون القطط كدة بسمع صوت حاجة ورا كدة المشكله اني روحت لواحد بتاع عفشة ممتاز وبيقولي دة المساعد الخلفي بس هوة نفسة مش مقتنع لانة بيهز المساعد وبيلاقية كويس وانا بهزة بلاقية كويس طيب لو الصوت دا جاي من المساعد لية مش بيجي وانا باخد مطبات الهوا او وانا بهز المساعد لفوق وتحت مثلا؟؟؟؟ فهل المشكله هنا ممكن تكون اية ياجماعة ؟ والسؤال التاني فية عندي علي النحية اليمين بردة في الطرق الي فيها حفر بسيطة بسمع في النحية اليمين صوت حاجة كدة زي تكتكه كدة خفيفة اووووي لو معلي الكاسيت حاجة بسيطة مسمعهاش بس دي بسمعها لو العربية ماشية في طريق مش ممهد والعفشجي قالي هيا تقريبا بارات الدركسيون بس صاحب العربية كان مغير قبل ما يبيعهالي بارات خارجية وداخلية (تيش) وجلب المقصات فهل دا كفايا وكان المفروض عليا اني اغير حاجة تاني في العفشة ولا لاء؟ واخر سؤال وعارف اني طولت هوة سحب ال 1300 بيبقي بطة شوية اما العربية بتسخن؟ وانا بنقل دايما علي ار بي ام اقصاة 3 هوة المفروض انقل اكتر من كدة؟؟؟؟ وهوة دا الي مش محسسني بقوة العزم للعربية ؟ ولا فلتر البنزين لاني مغيرتوش تقريبا ويمكن بقاله حوالي 30الف كيلو ودايما بنضفة بلهوا واخر طلب ياريت الي عندة معلومة عن اسعار قطع الغيار من التوكيل ياريت يكتبها وشكرا

الصوت اللي ورا لو مش من المساعد يبقي تربيط عفشة و حصلت مع صلاح زميلنا داخ السبع دوخات و في الاخر طلعت صامولة المقص

الصوت الامامي بيبقي بارات او اتياش دركسيون هم نفس الحاجة بس بأسم مختلف و جلب مقصات و دول بيتكشف عليهم عادي اكشف عليهم

السحب ثابت مع السخونة او البرودة

اسباب البطء في السحب :

فلتر الهواااااااااااااااااء ده مصيبة اساسا
البوجيهات
فلتر بنزين
نوع البنزين
تنضيف الانجكشن بالطريقة الصحيحة

قطع الغيار : قول انت عايز ايه و نقول لك سعره

**amro0000** · 03-10-2013 05:15 PM

انا متشكر ياجماعة للردود واشكر delaga/MITSUKERO وبلنسبة لفلتر الهوا عندي انا متأكد انه تقريبا 30الف بس انا بنضفة بلهوا بأستمرار ومش بيطلع اتربة فهل دا ممكن يكون السبب؟ والبوجيهات انا مغيرها من عشر الاف وفلتر البنزين مغيرة من شهرين بس مش اصلي حاجة كدة عادية من ابو 100 جنية وبلنسبة لقطع الغيار مفيش حاجة محددة بس كنت بسأل علي الاسعار عشان الكل يبقي متابع الاسعار ويعرف كل جديد عن العربية زي مثلا العفشة وبعض قطع الغيار الاستهلاكية زي فلاتر وزيوت والسيور والمساعدين ياريت الي عندة خلفية عن الاسعار في التوكيل عموما يكتبها ياجماعة