الموضوع: المكنة رزعت منى فى العيد . الغلط فييييييين ؟؟؟

المشاركة الأصلية كتبت بواسطة dr.hazem

من غير استباق للاحداث...
في صورتين انت حطيتهم

واحده الحراره فيهم على 60 وده على حسب كلام منتديات الالفا الاجنبيه ان الترموستات معلق مفتوح لانه لو موجود مش هتنزل عن ال 80 اللي هو النص عندك...
وفنفس الوقت قالو مع تشغيل المكيف والمشي بسرعة 100 ممكن يعدي ال80 بحاجه بسيطه في الايام الحر او لو العربيه ماشيه في الزحمه...
وده باين في اول صورة الحراره عندك تقريبا 82 وده الطبيعي 100%
لكن الصورة الاوضح اللي ارفقتها الحراره 60 وده زي ما قلتلك الترموستات معلق مفتوح او عيب في المؤشر...
لو هنمشي مع الاحتمالين يبقى السيناريوهات كالتالي:
1 الترموستات معلق مفتوح...
في قاعده عندي .. الللي يعلق الترموستات مفتوح يعلقه مقفول فاي وقت وممكن ده حصل والحراره عليت سيحت الرنجات ...
الكلام ده بيحصل خصوصا لو في اي وقت من الاوقات العربيه كان بيتحطلها مية حنفيه...

2 المؤشر مهيس ..
وده بقا بينفي ان العربيه كانت ماشيه وحرارتها ممتازه من الاساس ويخلينا نقول مهي ممكن تكون سخنت والمؤشر مبينهاش!!!

حد معايا؟؟؟

دكتور حازم الصورة التانية ماهيا الا لتوضيح ارقام امبير الحرارة المكتوبة على البورد
علشان الاعضاء شافو الرقم 80 شافوه 90 نظرا لاهتزاز الصورة ليس الا
و امبير الحرارة كما ظاهر فى الصورة الاولى لما يتجاوز ال90 باى شكل :) ودمتم

المشاركة الأصلية كتبت بواسطة ahmed_h_g

معلش أنا عايز أسألك سؤال
أنت مش مقتنع ان الموتور فعلا" مستهلك ولا عاوز تقنع نفسك ان الزيت هو السبب
على فكره السبايك هى الحاجه الوحيده اللى تحير الميكانيكية الفطاحل
علشان بتأثر على حاجات جوه الموتور تخليك تشك فى 100 حاجه ومنها الحرارة
طالما السبايك سايحه مش مكسوره والبيل سليم والبساتم سليمه يبقى المشكله مشكلة سبايك مستهلكه
وسببها أحتمل كبير هو تأكلها الى أن وصلت لخط الزيت

يعني السبيكه نفسها لو تاخد بالك منها وهي جديده هتلاقي فيها خط فى النصف وفتحه صغيره فى نصف السبيكه
مع الأستخدام فترة السبيكه بتفضل تنقص لحد ما يختفي مجرى الزيت
وهنا تحصل المشكله اللي حصلت معاك
وظهرت المشكله والسبايك مستحملتش لما حرقت على الموتور بسرعتك العالية

الموتور اللي حصل فيه المشكله كنت عامل بيه كام كيلو وكان الاصلي اللى نازل فى العربية ولا مغيره ؟

أستاذن حضرتك تقرا الموضوع مرة تانية :)

المشاركة الأصلية كتبت بواسطة ahmed_h_g

مش عارف أنا حاسس بأستهزاء بالردود مش عارف ليه

لأ يا فندم طبعا مش قصدى حاجة انا اقصد ان كل استفسارات حضرتك وضحتها فى الموضوع و الردود

المشاركة الأصلية كتبت بواسطة anxs111

أخي العزيز ...أنا مش خبير ميكانيكا والمفروض اللي يرد بتحليل يكون خبير أو مكانيكي أو مهندس ميكانيكا ....
المهم الموضوع فيه عوامل كتير منها إن العربيه قديما ومطرها مش بتاع الفبريكة ...

أنا بس عاوز أنصحك ...عن تجربة شخصيه بلاش الجري داه بعربيات مستعمله أو قديمة ....
أنا جربت عربيات كتير زيرو وجربت المستعمل ....
وكان معايا ياباني وأمركاني وألماني ....

مفيش غير عربيه واحدة مستعمل اللي كانت بتستحمل مشي ١٧٠ لمسافات طويلة (سفريات ٥٠٠ كيلو ) ....هوندا اكورد ...وبرضه ندمان أني عملت بيها كدة لأن كانت نسبة الخطر عالية ...
وأسمها كانت عربيه عمرها ست سنين وماشيه ٩٠ ألف كيلو ....

لكن إن حضرتك معاك عربيه بقالها أكتر من عشر سنين وكمان مغيره موتور فكتر خير ربنا أنها رسيت علي مكنه رزعرت وحمد لله علي سلامتك ...

ربنا يستر طريقنا جميعا و شكرا لنصيحة حضرتك