الموضوع: المكنة رزعت منى فى العيد . الغلط فييييييين ؟؟؟

المشاركة الأصلية كتبت بواسطة i_Am_Legend

ياجماعة العربية دي كانت عربيتي انا...والموتور اللي فيها دة مامشيش ٢٠ الف... مافيهوش الهوااا. وجبت بيها ١٨٠ وممكن تجيب اكتر..واكتر من مرة كمان...والموتور كان زي الزيرو تحب تسمع صوت المكنة!! ..وبتنزل ماية من الشكمان...العيب دة عيب زيت..ودة بحكم خبرتي في العربيات دي... دة زيت معفن.. ماستحملش سرعة دوران الموتور... وقبل ماحد يتكلم.. انا ركيب ايطالي ...وعن تجربة عربيتين لانشيا و٣ عربيات الفا.. اشترتهم وجربتهم كويس.. وكل واحدة فيهم مشيت بيها في ظروف مختلفة..... الزيت دة زبااالة مش اكتر .....وماستحملش ..لفات الموتور... والكرنك والسبايك بيبقي غااايص جوة الزيت اصلا علي ما اعتقد ...يعني المفروض لو اي مشكلة تانية كانت وصلت للبساتم والبنوز. والشنابر والاسطوانة سلخت..

اديك قلتها ياغالي.... لو المشكلة من الزيت كان البساتم تتكسر والبلوك يسيح...
مفيش زيت بيعمل كده والموضوع مش موضوع ايطالي او غيره....
كلنا بنركب عربيات وبنعمل بلاوي بالزيت ومعمروش حصل الكلام ده....
انا اخر مرة في الماروتي حطيت 1.5 لتر معدني فيسكو على لتر وربع كالتكس هافولاين التخليقي وسافرت بالعربية والمكيف شغال وجايبه 130 والعداد 150....
والزيت مكنش مشكله....

واحد هنا في الأردن مبيهمش حاجة في العربيات اشترى عربيه شيري وبعد 3 سنين المكنه قفشت كان مغيرلهاش زيت ابدا والعربية ماشيه 60000 وكان جاي التوكيل زعلان وبيزعق...
الزيت كان فاصل ماده زي الميه فوق ومترسب شحم تحت...
اللي عايز اقوله ان الزيت مهما كان سئ لو المكنه ممتازه مش هتقول لا.. ممكن عمرها الافتراضي يقل لكن مش هتقف انما لو الماتور تعبان او ظروف تشغيله صعبه مع زيت سئ فرضا هيحصل اكتر بكتير من اللي حصل للماتور ده.....

انا مبدافعش عن وولف لاني معمريش جربته ولا حتى سمعت عنه لكن فنفس الوقت مش مقتنع....
تحياتي

Sent from my Xperia Arc S using Forum Runner

بعد اذنكوا ياجماعة انا هقول رأى فى الموضوع على حسب الصور اللى ان شايفها بس قبل مااقول رأى لازم اوضح شوية حاجات كدة

اسباب تلف السبائك :

1- ضعف فى ضغط طلمبة الزيت

2- لزوجة الزيت ضعيفة

3- وجود شوائب فى الزيت عن طريق الاهمال فى تغير الفلتر او تركة فترات طويلة بدون تغير

4- وجود انسداد فى مجرى الزيت

5- وجود ريجة فى الكرنك تؤدى الى تلف السبيكة

طيب دية الاسباب اللى بتؤدى الى تلف السبيكة

اللى حصل عندك دة بقى نتيجة اية , نحللها مع بعض :

اولا : لو السبيكة تلفت بسبب الزيت :

هتلاقى لقمة السبيكة خارجة ملسوعة , يعنى هتلاقى لونها احمر , ودية بتبقى بسبب عدم استطاعة الزيت ان يقلل الاحتكاك , فبترتفع درجة الحرارة فيخلى السبيكة تحتك جامد بركبة الكرنك فتحمر من شدة الاحتكاك وتتاكل

ثانيا : لو السبيكة تلفت بسبب وجود ريجة فى الكرنك :

هتلاقى ان لقمة السبيكة تلفت من احدى جانبيها , يعنى هتلاقى جنب مليان كويس , وجنب متاكل فكدة تعرف على طول انك عندك ريجة فى ركبة الكرنك دية

ثالثا: لو لقيت السبيكة طالعة سايحة زى اللى حصلك : يبقى اللى حصل عندك دة نيتجة حاجة من الاتنين :

1- ضعف فى اداء طلمبة الزيت خلى عدم امكانية وصول الزيت للسبيكة فساحت من كتر الحرق عليها لان مافيش اصلا زيت وصل

2- انسداد مجرى الزيت , وبردة هيؤدى لعدم وصول الزيت بصورة سليمة او كاملة مما ينجم عنة ماحدث

يبقى نستنتج من كدة , ان لو اللى حصل دة عيب زيت , كان الماتور هيعمل صوت ترزيع سبيكة ( تك - تك - تك )

لان بيعمل نوع من التأكل للسبيكة نتيجة الاحتكاك

لكن اللى حصل عندك دة نتيجة ( لضعف فى طلمبة الزيت - او انسداد مجرى الزيت ) وبردة تتدخل فلتر الزيت معاك فى الموضوع شوف حالتة عاملة ازاى

وممكن بردة تعمل اختبار لطلمبة الزيت