المشاركة الأصلية كتبت بواسطة anxs111
بصراحة أنا حاسس كدة إن الموضوع ابتدي ياخد إتجاه معين وأنه معمول بالأساس للوصول لنتيجة معينة ....
المنتدى مفتوح للجميع ومن حق الكل يشارك ومش محتاج اشرح لحضرتك ليه الاكونت بتاع خالد جديد واول مشاركة ليه كانت هنا
لكن للتوضيح خالد مش بيشارك فى المنتديات و انا اللى طلبت منه توضيح للناس هنا و هو ما اتاخرش
تالت نقطة في أثارت الشكوك (بعد مشاركة مستر خالد ألفا وحكايت إن الموتور ماشي عشرين ألف ) هي حكايت مواتير أوروبا اللي بتتكهن بعد خمس لسبع سنين عشان البنزين ... (هي دي المعلومات المفيدة بجد ....طب ما تجيب ورق الموتور ولا دي صعبة ، وبعدين إيه مصدر معلومة أوروبا والسبع سنين دي )....
أولا يا سيدى الفاضل قسما بالله الموضوع معمول لمعرفة السبب ليس الا
ومفيش أى غرض للتشهير بشركة وولف أو غيرها
الحمد لله احنا اكبر من كدة بكتير
ومعلومة أوربا و السبع سنين حضرتك ممكن تعمل سيرش فى مناقشات المنتديات الاجنبية
بالنسبة للكلام المفيد حاضر يا سيدي علي عيني وراسي رغم أني شايف إن كالآمي مفيد وفي صميم الموضوع بدليل ردك عليه ....الصورة اللي حضرتك حاطتها والناس قالتلك واضح إن الحرارة كانت عالية ...قلتلهم لأ دي المؤشر مهزوز ....اشمعنا بتاع الحراره اللي مهزوز والباقيين لأ ... وبعدين رحت جايب صورة والعربيه دايرة في مكانها وبتقلهم هي دي كانت حرارة العربيه وهي ماشية علي ١٨٠ ....إيه الحلاوة دي... طب ازاي المؤشر ما عليش والسبايك بتسيح ...
صورة العداد التانية وضحتها قبل كدة لكن يبدو انك ماخدتش بالك
لكن مرة تانية باقول ان صورة العداد التانية ما هيا الا لتوضيح الارقام فقط علشان ظاهرة 90 بدل 80
وماقولتش ان دى صورة الحرارة الفعلية واتمنى من حضرتك تقرا المشاركات مرة تانية بتركيز
الظاهر أنك كنت مستني الناس كلها تقف في صفك وبعدين لما قالولك السخونة رحت جايب صورة تانية وبعدين فيه ناس قالتلك برضه مش شرط الزيت وأن الموتور قديم راح داخل مستر خالد ألفا صدفة وبعدين صاحب العربيه الأصلي يقول إن الموتور ماشي عشرين ألف بس وأنت بتقول العربيه في أوروبا بتتكهن بعد سبع سنين عشان الضريبة ...
الظاهر كدة حضرتك من اول اسم الموضوع لحد أول مشاركة والرد على العضو الكريم صدام
ظاهر الهدف من الموضوع
كون ان حضرتك ابتديت تبنى شكوك واتهامات بالباطل ده يرجع ليك مش لينا
مستر خالد ألفا ماينفعش ناخد علي كلامه لأنه سجل في المنتدي مخصوص عشان الموضوع داه حتي لو صاحب توكيل ألفا في مصر ...والأخ صاحب العربيه ما ينفعش يشكر في الموتور ويقول ماشي عشرين ألف ...والناس قالت كلمتها وأن مش شرط يكون الزيت ....أطلع علي حماية المستهلك وقول لهم يعملولك لجنه لبحث الموضوع وإثبات إن الزيت تعبان ولو داه حصل تبقي ساعتها صاحب حق وأبقي سيح لزيت وولف وطالب بسحبه من السوق كمان وأنا معاك طالما عندk كلام علمي من خبراء أما غير كدة فده دردشة ...ومدامت كدا يبقي أقول اللي أنا عايزه وكل كلامي مفيد بس جايز هو مش علي هواك ...
المفضلات