| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 55

  1. #1

    الصورة الرمزية el diesel

    رقم العضوية : 129825

    تاريخ التسجيل : 30Sep2012

    المشاركات : 637

    النوع : ذكر

    الاقامة : القاهرة -شبرا مصر

    السيارة: مفيش بعد الالفا

    السيارة[2]: ألفا روميو 146

    دراجة بخارية: no

    الحالة : el diesel غير متواجد حالياً

    افتراضي المكنة رزعت منى فى العيد . الغلط فييييييين ؟؟؟ - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    أولا الموضوع طويل شوية فرجاء استحملونى
    بداية الموضوع كانت يوم الجمعة 9/8/2013 كان تانى يوم العيد ومتفق مع اتنين أصحابى نطلع 3 أيام فسحة اسكندرية " العجمى "
    أنا هاطلع بعربيتى ومعايا أخويا وهو هايطلع بعربيته ومعاه صاحبنا التانى
    المهم قبلها ب3 أو 4 أيام عندى فردة كاوتش باظت وغيرت على حسها طقم كاوتش جديد وغيرت قبلها يوم 1/8/2013 زيت وولف وفلتر وساعتها عملت تقرير هنا عن تغيير الزيت وخدمة الدليفرى
    http://www.nilemotors.net/Nile/371604-a.html
    وقبل السفر بيومين ظبط السنتر و الانذار وركبت قربة الشنطة على المفتاح
    وروحت لبتاع الردياتير خليته فك الردياتير ونضفة كويس
    المهم الحمد لله ظبطت العربية على الشعرة وفولت التانك 92
    وتوكلت على الله انا وصاحبى على الطريق الى الاسكندرية
    متحركين الصبح بدرى من شبرا الساعة 9 الصبح علشان نضمن ان الطريق فاضى ومش زحمة
    مسكنا الصحراوى و الحمد لله كان سالك و ماشى 120 -140 -160 و الدنيا الحمد لله زى الفل و الطريق مساعد و العربية مساعدانى جدا




    وهوب قبل 100 كيلو تقريبا من اسكندرية كان على يمينى مزرعة اسمها الاصلاح تقريبا
    سمعت الصوت اياه
    المكنة رزعت

    [youtube]http://www.youtube.com/watch?v=ZWxsPO5D7xY&feature=youtu.be[/youtube]



    فى اللحظة اللى طلعت فيها من 160 ل180
    وأخويا جمبى وخايف وكان بيقولى كفاية كدة
    المهم أخدت يمين ووانتظار ووقفت وكان ورايا صاحبى شافنى ووقف
    العربية بطلت خالص و أحاول أدور مابتدورش
    يمين شمال حلفت براس أبوها ماهي دايرة تانى وانا مش فاهم ايه اللى حصل بالظبط
    كلمت الميكانيكى كانت الساعة تقريبا 11 وقولتله اللى حصل
    المهم بعد محاولات فهمنى ان المكنة رزعت
    يا عم وحياه أبوك قول كلام غير ده
    من هنا لهنا كانت بداية رحلة عذاب 3 أيام مختصرها انى اتقطرت لحد اسكندرية ودخلت الساعة 3 الفجر الفندق ورجعت القاهرة بعدها بيومين عربيتى على ونش و الميكانيكى جالى اسكندرية وعمل حادثة وهو راجع قصادى وانا عربيتى على الونش وهو طلع منها سليم هو وواحد صحبى كان معاه

    وقف جنبى بصراحة جروب الألفا روميو كله و أستاذ كريم منير اللى عرض عليا فلوس وهو ماشافنيش غير مرة واحدة فى افطار الرحاب وفضل متابعنى لحد ما وصلت القاهرة ولحد دلوقتى جزاه الله خيرا ووصلنى دولى مشكورا بالمهندس ساهر صاحب شركة وولف
    "سبب الاتصال جبت ميكانيكى فى اسكندرية ووصلته بالتليفون بالميكانيكى بتاعى قبل ما يجى اسكندرية علشان اتاكد و كان تحليلهم ان اللى حصل بسبب الزيت "

    المهم بعد ما رجعت القاهرة سقطت الزيت بناء على طلب المهندس سامر علشان يحلله مجانا و يتاكد هل العيب فعلا من الزيت ولا لأ
    و نزلت الزيت وخدت عينة للمهندس سامر فى فرع الشركة فى مصر الجديدة

    واستقبلنى مشكورا و خد عينة الزيت وطلب من الفنى تحليلها على الجهاز
    جهاز زى اللى فى الصورة ده

    بيدخل بيانات العربية زى النوع و الموديل و نوع الموتور وكام حصان وبيحط عينة الزيت و النتيجة بتطلع فى دقايق
    وده الريبورت واسف الاسكانر بايظ واخدته صورة بالموبايل

    وزى ما شرحلى التقرير ان لزوجة الزيت فى النسب الطبيعية و ان نسبة الالمونيوم كبيرة و ده غالبا دليل على ان بستم اتكسر وهو ده غالبا سبب اللى حصل
    و علشان التاكيد هانفتح الموتور ونشوف اللى فيه
    و ابتديت انا اخدت طريقى فى شراء موتور استيراد بس للاسف حصلت عندى ظروف وفاه و حصل للميكانيكى ظروف وفاه مع دخول اعتصام رابعة وفضه وبدء حظر التجوال
    خلى الموضوع اتاجل تقريبا 25 يوم
    المهم بعد شراء موتور استيراد من بورسعيد وفك الموتور القديم شوفنا الاتى






    صورة كارتيرة الزيت وهيا فيها رواسب أو قشور السبيكة السايحة
    والصورة التانية بعد تجميعها وجمبها فردة سبيكة سليمة
    و الصورة الثالثة فردتين السبايك اتلحموا فى بعض وساحو وخدو شكل القشرة ده وأكد الميكانيكى ان السبب فى الزيت وبعض من الأصدقاء من من لهم خبرة أكتر منى أجمعوا على كدة

    وأخدت جزء من القشور دى وروحت بيها لأستاذ سامر مرة تانية على ان يعطى الرأى النهائى فى السبب اذا كان زيت أو لأ الأستاذ مصطفى فورميلاتور لكن للأسف الاستاذ مصطفى له مشاغله غير انه عمل حادثة قريب و أعتقد أغلب المنتدى على علم بيها

    و المطلوب دلوقتى من الأعضاء الكرام وخصوصا خبراء الميكانيكا و الزيوت التكرم بالفصل فى الموضوع بناء على المعطيات الموجودة
    علما أن
    1-مفيش لمبة زيت أو حرارة نورت على طول الطريق الحمد لله واعتقد ظاهر فى الفيديو وظاهر فى الصورة اللى متاخدة قبل الفيديو ب10 دقايق ولما الموتور رزع نزلت اتاكدت من مقياس الزيت وكان على العلامة بالظبط مفيهوش نقص وظهر ده لما سقطت الزيت ان ال4 لتر كلهم نزلوا وموجودين معايا فى جركن
    2- الزيت اللى حطيته بناء على نصيحة الشركة هو 10w40


    3- مع تغيير الزيت و الفلتر طلبت من الفنى
    اللى غيرلى الزيت انى معايا اضافة ليكوى مولى شاريها من فترة " محسن أداء الموتور " وعاوز استخدمها وهل هيبقى فيها مشكلة ولا لأ وقالى لأ بالعكس واحنا عندنا بديل ليها وطلب منى الزجاجة الفارغة علشان يحللوها عندهم

    4- البساتم ال4 سليمة و بخصوص السبايك ساحت فى 2 و ال2 التانين سلام
    5- العربية ما كنش فيها اى مشاكل الحمد لله بالعكس كانت بتقفل 190 و 200 عادى مع
    المالك اللى قبلى و العربية ما كملتش معاه 2000 كيلو فى شهر غير فيهم كل السيور و غير زيت و باعهالى لظروف عنده ولما حصلت المشكلة ودورت على المالك اللى قبله خصوصا اننا بنتعامل مع نفس الميكانيكى وظهر ان العربية اتغيرلها موتور استيراد ما كملش 6 شهور معاه وباعها لركوب عربية احدث

    6- الموتور معايا فى شنطة العربية للى يحب يشوف ويتاكد من معلومة

    رجاء الافادة من الاعضاء الكرام


    أحمد بهاء الدين
    https://www.facebook.com/eldiesel2020


  2. #2

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    انا هسجل متابعة للاطلاع والمعرفة وربنا يخفف عنك ويعوض عليك...
    تحياتي

    Sent from my Xperia Arc S using Forum Runner

    don't judge a car unless you have driven it

    hm414 سابقا


  3. #3

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    طيب انا الصور حالا ظهرتلي وعندي سؤال...
    في الصوره مؤشر الحرارة اعلى من ال90 فهل ده طبيعته في الالفا ولا هو هنا كان كده لان انت بقالك مسافه ماشي عالار بي ام ده؟؟
    تحياتي

    Sent from my Xperia Arc S using Forum Runner

    don't judge a car unless you have driven it

    hm414 سابقا


  4. #4

    الصورة الرمزية romieh

    رقم العضوية : 53713

    تاريخ التسجيل : 23Nov2009

    المشاركات : 514

    النوع : ذكر

    الاقامة : Cairo

    السيارة: N/A

    السيارة[2]: Dogan Slx 1995

    دراجة بخارية: مش بعرف اسوق

    الحالة : romieh غير متواجد حالياً

    افتراضي -

    قدر الله وما شاء فعل وربنا يعوض عليك ويرزقك بموتور احسن منه ان شاء الله

    هو ايه اللمبة الحمراء اللى منورة فى أول صورة دى؟؟

    وهل وضع درجة حرارة العربية انه يكون فوق التسعين؟؟ هو ده طبيعى؟؟

    طيب اخبار تقرير الزيت بيقول ايه؟؟ حضرتك بتقول ان نسبة الالمونيوم عالية وده دليل على ان فيه بستم اتكسر بس لما فكيت الموتور لقيت البساتم سليمة


  5. #5

    الصورة الرمزية saddam

    رقم العضوية : 96064

    تاريخ التسجيل : 23Apr2011

    المشاركات : 3,658

    النوع : ذكر

    الاقامة : nasr city

    السيارة: more than 300 cars سابقا

    السيارة[2]: now I have 11 cars

    دراجة بخارية: من زمان

    الحالة : saddam غير متواجد حالياً

    افتراضي -

    صديقي المواطن
    ثق وإعتقد حطيت إجابة مطولة لموضوعك ورفعتها مرتين بس النت غدر بيا وتعبت من الموضوع ده ولكن الخلاصة صدقني ورغم كراهيتي لزيوت وولف فالعيب عندك ليس بسبب الزيت وإنما ظروف تشغيل وهلاك عادي ودرجة حرارة مرتفعة نسبيا وعلو لفات اﻵر بي إم لفترات طويلة ولو حللت الزيت مهما حللت ومهما جبت من أسطوات فصدقني العيب مش زيت ومهما كان.وولف غير كفوء فهو قطعا أفضل من موبيل والتعاون ولو مش مقتنع بالكلام أحاول للمرة الثالثة أرفع الموضوع ده بس لما أستريح شوية.
    ولكن أنا عارف إنك بتحب اﻹلحاح وإنك إنضريت وصرفت فلوس ولكن صدقني حتى لو تجاوبنا معك زورا وبهتانا وقلنالك الموضوع موضوع زيت فإيه اللي حيفرق عندك هل متخيل إن حد حيعوضك ويصلحلك موتورك مثلا أو مجرد تثبت إنهم غشوك وحطولك زيت بواقي مطعم فول وطعمية في عربيتك فجابت مكنة
    صديقي المواطن لازم.تكون سمح وتتعود تصبر وتكظم.الغيظ على ما إبتلاك الله به وأساسا موضوعك بسيط رنجات إتكسرت عادي وبتحصل كتير ولا داعي لشراء مكنة إستيراد كنت عملت بتاغتك وكمان معروف إن أي مكنة إستيراد الله أعلم قعدت أد إيه وساعتها كان حالتها إيه قبل متنزل من عربية تانية ومعروف إن مكن اﻹستيراد إن عاجلا أو آجلا خلال من 6 شهور إلى سنة ونص لو ركب من غير ميتعمل نص عمرة فتأكد إنك حتفتح تاني لعمل نص عمرة
    ونصيحة.يا مواطن زود عدد المراوح عندك لو لقيت مكان فاضي وحط ثرموستات ثمانينات وبلاش التسعينات ورب العة أنا عندي عربية فيها مروحة كلتش فبريكة ومش بتسخن رحت مركبلها 3 مراوح كهربائية إضافية وخد عندك كل مروحة بكتاوت وتأسيس مستقل لوحده وركبتهم على ثرموستات سبعينات ثمانينات وبمشي 220 مستريح وعايش اللحظة

    الحالة الوحيدة اللي ممكن يكون التزييت سبب فيها هي إن فلتر طرمبة الزيت المصفى ممكن يكون إتسد أو شبه إتسد فأساء لدورة التزييت داخل المحرك

    ثم يا صديقي المواطن عربيات محرك 1600 ليست مصممة للطرق السريعة لمسافات طويلة بسرعات فائقة فهي سيارة مدن وممكن.تسافر مسافات طويلة بس 140 بحد أقصى أما تجيب عداد ال آر بي إم على 5 آلاف لمسافات طويلة ويا دوبك جايبة 160 فعلى طول تعرف إن فتيسك أصغر من العربية دي سواء كان أوتوماتيك أو مانوال والقصة دي تعلمناها من الشبح فعربياتنا العادية معظمها آر بي إم 3 تساوي 120 أما في الشبح 3 تساوي 160 وكاديلاك أمريكي 3 تساوي 140:فلو عاوز مكنتك تستحمل ال 180 و 200 لازم تكبر الفتيس و إحنه بنعمل كده في كل عربية مجهزة لطرق سفر طويلة وسرعات عالية

    ثم يا وطني مهما كان.الزيت غالي فمعادش ينفع يتحط لوحده لازم تحط معاه إضافات حديثة من 4 أو 5 إضافات ثق بالله أنا غيار الزيت عندي بيعدي 850 جنيه بس بغير على 20 ألف بس بغير الفلتر كل 10 آلاف

    صديقي المواطن أنا عارف إن دمك محروق وصرفت كتير بس إنت شايف الموضوع كبير ﻷنك مش متعود عليه وطالع رحلة وضاعت وأنا شايف موضوعك بسيط ومش مستاهل كله طقم رنجات متكسر أصعب ما في موضوعك هو حساب الونش والجلوس وإنتظاره ومجرد نصيحة الميكانيكي إنك تجيب إستيراد فده ميكانيكي متواضع وصنعته ضعيفه ومن جماعة كلام كتير وكفتة مفيش

    كان نفسي أقللك زيت وأريحك ومنردش عليك ولكن الحق أحق أن.يتبع ومن دلوأتي وقصاد كل المنتدى وجيب 10 ميكانيكية لو 3 منهم قالوا عيب زيت فأنا مسؤول بغيار زيت من خلطتي الخاصة ومعلش أخوك.بيكلمك عمر وغير في حياته أكثر من 150 مكنة لنقل لميكروباص لملاكي ولكوري وياباني وأمريكي وألماني وبنزين وسولار وداخل مصر وخارج مصر مش بإيدي طبعا لكن تحت نظري وإشرافي
    مرة.أخرى.نؤكد ونقول وكل المنتدى عارف إني بكره زيت وولف وإدارة.وولف كمان بتكرهني ولكن الحق أحق أن بتبع والعيب عندك مش زيت
    وأنا.عارفك يا مواطن من زمن أظن كان.ليك موضوع قديم لنفس المشكلة.مش حتقتنع بالكلام وحكون.تعبت نفسي عالفاضي ولكني متعاطف معك ومحروق دمي عليك وأسأل الله لك أن.بعوضك أضعاف ما خسرت
    ودمتم.للنضال


  6. #6

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,811

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    متابع وربنا معاك .........................


  7. #7

    الصورة الرمزية ahmed_h_g

    رقم العضوية : 8588

    تاريخ التسجيل : 08Apr2008

    المشاركات : 5,810

    النوع : ذكر

    الاقامة : Ras Ghareb/Red Sea

    السيارة: 000

    السيارة[2]: Proton wira 2005

    دراجة بخارية: لا يوجد

    الحالة : ahmed_h_g غير متواجد حالياً

    افتراضي -

    الموتور مستهلك وليس مشكلة زيت


  8. #8

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    ربنا معاك ويعوض عليك
    شخصيا عمر ي ما هاقتنع غير بالزيوت المصريه

    اظن كان في عضو في المنتدي عنده مشكله في موتور عربيته
    بسبب زيت من الزيوت الجديده

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1


  9. #9

    الصورة الرمزية amoor89

    رقم العضوية : 23252

    تاريخ التسجيل : 26Oct2008

    المشاركات : 691

    النوع : ذكر

    الاقامة : البحيرة

    السيارة: hyundai excel 94

    السيارة[2]: daewoo lanos1 99

    دراجة بخارية: ده اختراع ابن تيت بيموت

    الحالة : amoor89 غير متواجد حالياً

    افتراضي -

    اقتباس المشاركة الأصلية كتبت بواسطة ahmed_h_g مشاهدة المشاركة
    الموتور مستهلك وليس مشكلة زيت
    +1
    مفيش حاجة من اللى حضرتك حاططها فى الموضوع تدل على انها مشكلة زيت كل الحكاية عمر افتراضى للمحرك وانتهى
    قدر الله وما شاء فعل واحمد رربنا انها جات على قد كده


  10. #10

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    hasad">

    لو الموتور مستهلك علي الاقل كان ها يظهر عنده مشاكل

    في نسبه استهلاك الزيت

    دخنه

    السحب بتاع العربيه

    اللي حصل عنده حاله من
    ارتفاع درجه الموتور داخليا لدرجه ان مكوناته تسيح
    في الغالب نتيجه من شده الاحتكاك لعدم وجود لزوجه في الزيت

    الله اعلم
    الكلام ده اجتهاد شخصي من شرح صاحب الموضوع

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. رخصة العربية تخلص اول يوم العيد و انا مسافر الغردقة تالت يوم العيد
    بواسطة Derp في المنتدى المنتــــــدى العـــــــــــام للسيــارات
    مشاركات: 12
    آخر مشاركة: 23-09-2013, 05:40 PM
  2. فييييييين الفيكترا :( ؟؟؟؟؟؟؟؟
    بواسطة eslam3000 في المنتدى أوبـــــل
    مشاركات: 14
    آخر مشاركة: 12-01-2011, 10:51 PM
  3. أفيدونا يا جماعة الخير مكنة الريجاتا رزعت !!!!!!!!!!!
    بواسطة mahmoodallam في المنتدى ورشـــة نــايل مــــوتـــورز
    مشاركات: 6
    آخر مشاركة: 10-03-2010, 12:12 AM
  4. رزعت العربيه فى عمود اعلانات
    بواسطة human في المنتدى ريــــنو
    مشاركات: 52
    آخر مشاركة: 18-10-2009, 06:24 PM
  5. رزعت واحد بالعربية (واعتذرلى)!!!
    بواسطة karaktar في المنتدى المنتــــــدى العـــــــــــام للسيــارات
    مشاركات: 21
    آخر مشاركة: 10-03-2009, 03:26 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2