صوت غريب في كيا سيراتو 2010

**mfawzyali** · 02-10-2013 10:40 AM

السلام عليكم

عندي صوت غريب في كيا سيراتو 2010

والصوت ده بيظهر لما ادوس بنزين و العربيه في البطئ

بحس كان في صوت حاجه بتشخلل او حاجه زي كدا لمده ثانيه او 2 و بعد كدا العربيه لما تاخد سرعه ما بتبان خالص

و الصوت ده يبقى على الجنب مش بحسه طالع من الموتور او كدا

في حد قالي ان ده صوت حركه زيت الفتيس الاوتوماتيك و قالي انه عادي بس انا مقلق

**saddam** · 02-10-2013 11:28 AM

صديقي المواطن
الصديق اللي قاللك زيت الفتيس إوعه تسأله في حاجة تانية خالص ﻷنه.بالطريقة دي مغيش حيطة في حياتك إلا وحيلبسك فيها
الصوت طبعا ممكن تكون.ليه أسباب كثير منها ممكن تحون جلب في العفشة أو حاجة محتاجة تربيط أو جلدة.الكبالن إتقطعت والكبالن محتاجة تنظيف وتشحيم أو قواعد الموتور والفتيس أما زيت الفتيس حضرتك حتسمع صوته فده موضوع مش وطني ومش واقعي ولا يقبله عقل يعني صوت سائل على صاج محمل وألمنيوم.وعوازل ومكنة دايرة حتسمعه إزاي موضوعك بسيط وأي كشف عند عفشجي بيحنرم نفسه وب 3 دقايق وببلاش حيديك خلاصة الخلاصة ومتروحش التوكيل وبالتوفيق
ودمتم.للنضال

**AhmedNaeem** · 02-10-2013 11:55 AM

صوت زي سلسة المفاتيح كده
روح لواحد بتاع شكمان يبصلك عليه
وبسيطة ان شاء الله

**mfawzyali** · 02-10-2013 12:18 PM

المشاركة الأصلية كتبت بواسطة ahmednaeem

صوت زي سلسة المفاتيح كده
روح لواحد بتاع شكمان يبصلك عليه
وبسيطة ان شاء الله

انت برنس والله العظيم

هو ده بالظبط اقرب حاجه للصوت

**Thebutcherr** · 02-10-2013 12:40 PM

ممكن يكون جوان شكمان , علبة بيئة كده يعنى

**Dr.M_baz** · 02-10-2013 10:18 PM

في الغالب الشكمان . بسيطه ان شاء الله.

**عبدالله برعى** · 10-10-2013 09:31 PM

عن تجربة لو صوت تكة خفيفة مع دوسة البنزين او لما تشيل رجلك
الكوبلن بيبدا بس ممكن تمشى بية تانى كتير
الصوت دا حصل معايا وجننى وفى الاخر طلع الكوبلن الشمال

**axis_2010** · 21-10-2013 03:21 AM

لو صوت زي مية بتجري كده ... يبقى الدفاية بتاعة التكييف بتودع وممكن تكون بتسرب مية من مياة الرادتير راجع مياة الرادتير شوفها بتنقص ولا لأ و بص تحت الدواسة شوف في مية او تسريب ... لو كدة يبقى امامك حلين حتى لا يرتفع مؤشر الحرارة ويؤدي الى مشاكل كبيرة في الموتور
1- تفصل الدفاية خالص من الخراطيم الي داخلالها من عند الشاسية بتاع الطابلوة من الكبوت
2- تفك التابلوة وتغير الدفاية
الأريح والأفضل افصلها ملهاش لازمة

**profimh** · 22-10-2013 05:04 PM

المشاركة الأصلية كتبت بواسطة AhmedNaeem

صوت زي سلسة المفاتيح كده
روح لواحد بتاع شكمان يبصلك عليه
وبسيطة ان شاء الله

المشاركة الأصلية كتبت بواسطة mfawzyali

انت برنس والله العظيم

هو ده بالظبط اقرب حاجه للصوت

نفس الموضوع ده بالضبط حصل معايا و طلعت علبة الشكمان اللى فى النص هى صغيرة و غيرتها فى الضمان حتى لما خلعناها كنت تهزها تطلع نفس صوت الشخللة دى
و بص هتبان معاك قوى و انت واقف و تدوس بنزين و ترفع rpm فوق ال 4 مرة واحدة هيظهر معاك الصوت ده اللى عمله مهندس الصيانة و قلى دى علبة الشكمان الصغيرة