زي ما بيقولوا العين فلئت الحجر العربية لسه زيرو وكنت مبسوط بيها جدا ولسه 400 كيلو ف التلييين يعني بقفل الباب الصبح بعد ماركبت الاقي الازاز الخلفي نزل بودرة لاحول ولا قوة الا بالله
زي ما بيقولوا العين فلئت الحجر العربية لسه زيرو وكنت مبسوط بيها جدا ولسه 400 كيلو ف التلييين يعني بقفل الباب الصبح بعد ماركبت الاقي الازاز الخلفي نزل بودرة لاحول ولا قوة الا بالله
اللي يعرف سعره يقولي
وده مش فى الضمان ؟!!!
والله ما اعرف
بس ما اظنش وبعدين هيقولولي دي طوبه ولا حاجه
ممكن يقولك طوبه فعلا اعمل اتصال بيهم قبل ما تروح شوف كدا محاوله لو نفعت تمام منفعتش امرك الي الله وتروح تغيره علي حسابك
معلش ربنا يعوض عليك واللى ييجى فى الريش بقشيش زى ما بيقولو .. وغالبا مش هيبقى فى الضمان لان اكيد العين مش فى الضمان :)))
قدر الله ما شاء فعل متزعلش نفسك اهى خدت العين و راحت
المهم تطلع حاجه لله شكر للنعمه او تدبح مثلا
متنضفش الازاز من جوة و اطلع بيه على التوكيل و قاوح معاهم و هيتغير في الضمان ان شاء الله
يا باشا متعملش اى حاجه خد العربيه و روح التوكيل و ان شاء الله هيغيروه فى الضمان و لو مرضيوش اعمله خناقه و مصيبه و بلاش تسكت على حقك
الحمد لله على كده ................................. خير ان شاء الله .
عالضمااااااان فورا...
تحياتي
Sent from my Xperia Arc S using Forum Runner
ياباشا قدر الله وماشاء فعل
وتيجى فى الازاز احسن ماتيجى فى حاجه اكبر من كده الحمد لله على كده
اشكر ربك
بس حاول تعمل مشكله فى التوكيل علشان العربيه لسه حتى مالينتش
طمنا
تحياتى
انا ابويا برضه معاه بوما 2013 بعد شهر بالظبط الازاز اللى قدام اتشرخ لوحدة من ناحية القايم اليمين ومش لغاية نص الازاز تقريبأًَ
قدر الله و ما شاء فعل
لا حول ولا قوة إلا بالله
هي عين فعلاً
والحمد لله على آد كدة
روح للتوكيل وإن شاء الله تتصلح
بس دي عين جامدة أوي وسريعة - ربنا يكفيك شرها
دي ممكن تكون جار وعينه على تطورك وتجديدك للعربية ( ربنا يبارك لك فيها ويكفيك شرها ويديلك خيرها ) ، أو جارة ومتغاظة من مراتك فحسدتها - والحمد لله برضوا إنها جت في إزاز العربية مش في حد من أسرتك ( لا قدر الله )
أهتم أكتر بقرأة القرآن صباحأً
وأضف ( سورة الفلق ) لو مش موجودة في وردك اليومي
وربنا يعوض عليك
قدر الله وما شاء فعل
الحمد لله
ان الموضوع في الزجاج
روح التوكيل وتبت معاهم
لانهم المفروض يغيروه
للأسف اكتشفت انها طوبة او خبطة في البرواز الاسود بتاع الازاز من تحت خالص واضح اثر الطوبه
الواحد قلقان هل ممكن يكون واحد عايز يسرقها وبيشوف مثلا فيها انذار ولا لأ ؟؟؟؟
عموما انا غيرته بس قلقت اكتر لما عرفت مكان الطوبة انه تحت خالص في زاوية بالشكل ده
وطبعا الازاز كان مستنى افتح الباب واقفله عشان يقع
انا بفكر اركب انذار ضروري للعربية
وازاي اصلا عربية تنزل بدون انذار
وايه موضوع تخصص سرقة اللانسر ده اصلا !!!
افيدوني
التخصص فى السيراتو اما اللانسر اول مره اسمع عنهاقتباس:
المشاركة الأصلية كتبت بواسطة محمد هاني
يا راجل دي الانسر معروفة بالموضوع ده زي السيراتو واكتر
اقتباس:
المشاركة الأصلية كتبت بواسطة محمد هاني
انت فجئتنى بالموضوع ده يكبير :oh:
انا عامل مفتاح بيفصل كهربت العربيه ومركب قفل عالطاره وعالفرامل
قفل الطارة والفرامل والدركسيون دول بيفيدوا فعلا
وهل ممكن يفكوهم برضه ؟؟؟
اجيبهم يعني
وانت عربيتك فيها انذار ولا ايه
اقتباس:
المشاركة الأصلية كتبت بواسطة محمد هاني
لا مش عندى انذار . اشترى واحد بمسك الدركسيون مع بدال الفرامل ويكون كويس كمتانه
معتقدش انه يتفك والله اعلم
كل اللانسر الجديدة فيها ايموبلايزر سواء بومه او شارك فاتطمن مفيش حد يقدر يسرقها ان شاء الله
تقريبا الموديلات القديمه ماكنش فيها ايموبلايزر ماعادا السوبر اكشن تلاقيه حرامي غبي مابيفرقش بين موديلاتها
قدر الله وماشاء فعل وربنا يعوض عليك
عملت ايه غيرت الزجاج
العربية ياباشا فيها ايموبليزر مش مستهالة قفل علي طارة وفرامل هات انذار بيفصل كهربت العربية وركبة في توكيل وريح دماغك
اقتباس:
المشاركة الأصلية كتبت بواسطة mohamed hussei
أنا معنديش ايموبليزر :C_laugh[1]:
بس كله على الله وكل واحد بياخد نصيبه
انا معرفش اصلا فيها ايموبلايزر ولا لأ هي بوما كلاسيك 2014
غيرت الازاز بكام ياباشا؟؟
معلش يا باشا
فالاول لازم يحصل حاجات كده
البومة 2014 فيها ايموبلايزر اطمن ممكن اعرف من حضرتك انت اشترتها بكام ومنين علشان انا محتاج اشترى بومة 2014
معلش ياباشا .. قدر الله وماشاء فعل
عوضك على الله .. ومبروك تركيب الزجاج الجديد بس حاول بعد كده تغطي العربيه ولو قدرت تركب انذار بس خليك في نوع محترم .. وقفل الطاره مفيد جدا طبعا وممكن كمان مفتاح فصل الكهرباء ده .
وغير كده .. ابقى خد بالك وانت بتركن العربيه لتكون بتركن مكان حد ويستقصدك بعد كده .. الناس مابقاش عندها ضمير
حسبي الله ونعم الوكيل