من فضلكم هل اشتري بجاج بوليسار ٢٠٠ ولا ١٨٠ وليييه
ولو فيه عيوب يا ريت تفيدوني
من فضلكم هل اشتري بجاج بوليسار ٢٠٠ ولا ١٨٠ وليييه
ولو فيه عيوب يا ريت تفيدوني
انا زيك كنت محتار لكنى استقريت انى اجيب ال200 لانه جديد وشكله اجمد وعالى وامكانياته تبريد مياه مش هواء زى ال 180 وفرامل باكم قدام ووراء وديسكات قدام ووراء والنظام التعليق احسن وعالى عن الارض وله اختبار بالفيديو بيمشى ف المياه وهو داير وسرعته 140 وغير انه 200 سى سى قوه الحصان 23.5 ممكن تسافر بيه انا روحت صورته امبارح ف كفر الزيات وسعره 15450 وسعر ال 180 12700 ودى الصور
http://im41.gulfup.com/u8Iyx.jpg
http://im41.gulfup.com/BBNKA.jpg
http://im41.gulfup.com/rBxHd.jpg
http://im41.gulfup.com/3goUb.jpg
واى معلومات عن الاتنين انا قريت كتير عنهم احاول افيدك من الى قريته والفيديوهات الى بنزلها ليهم لانى مهتم جدا وناوى اجيب ال200ns لما فلوسى تكمل
يا باشا كلك ذوق علي الاهتمام --- انا كمان شوفت الفيديو بتاع اختبار المياه --- ولو ربن سهل هشتريه الاسبوع الجاي من غبور مباشرة --- عندهم كل الالوان ---
انت بس شوف الالون كلها بالبحث علي جوجل وساعدني في اختيار اللون
الاحمر الداكن ولا الاسود
الاصفر حلو بس هيبق شكل موتسيكلات المقاولين العرب وموزعين الاهرام ههههههههههه
رأيى الشخصى تخليك ف الاسود ملك الالوان ميختلفش عليه حد ولو الوان غير الاصفر المطرقع هات الازرق :) وبعدين هضرب عليه جاكيت جلد و خوذه ب 1000 جنيه و جوانتى وكيعان وركب فساعتها الوضع هيختلف مش هيبقى الاصفر بتاع الاهرام خالص ههههههههه
صورة للمقارنة فى شكل ال200ns والـ 180
http://im40.gulfup.com/9EbKi.png
أنا مش عارف هما شالوا 220 لية كان أقوى كمان من 200 ... مش المفروض ينزلوا حجات 250 و 300 سى سى .... علشان تكون أفضل ولا بيقللوا من قوة المكن .... وهو ما فيش حاجة هندى هتنزل فوق 200 الآيام اللى جاية .. يا ريت اللى يعرف معلومة يبلغنا .. وجزاكم الله خيرا
متجيب ال ktm احسن و اشيك
يا غالى هو النوع ktm دة موجود فى مصر ولا برة ... ونوعة أية هندى ولا صينى ولا أية ..اقتباس:
المشاركة الأصلية كتبت بواسطة JapRuleZ
و أهم حاجة كام سى سى والزيرو بكام ...
والسلام عليكم
ال220 اقل ف السرعه واقدم وكمان تبريد زيت - ال 200 اعلى و 3 بوجيه و 6 سرعات واسرعه وتبريد مياه :)
يا جماعة مستحرم أدفع في الهندي مبلغ 15000 جنيه...
ياريت حد يقنعني..
أجيب هوندا 250 سي سي ولا باجاج 200 بولسار؟؟؟ إيه المزايا وإيه العيوب للاثنين؟؟؟؟
ألف مبروك وربنا يكفيك شره
باجاج معملتش تبريد مياه
أو موتور 2سلندر
بص يا أخى .. بينى وبينك أيوة ال 15 ألف كتير شوية .. بس دة بسبب أنخفاض الجنية أمام الدولار .. وكل حاجة غليت حاتة العربيات ... نيجى بقة .. للنقطة التانيةاقتباس:
المشاركة الأصلية كتبت بواسطة asaeed
أنت و أنا مستكترين 15 ألف .. تيجى للهوندا الزيرو 250 تعمل تقريبا 35 ألف وأنا بردة مستكترهم .... لو تقدر ومعاك 35 ألف أشترى الهوندا .. بس فى ملحوظة مهمة ..
الهندى لو جيت تبيعة وهيتباع بردة بصعوبة شوية علشان السعر وهتخسر حوالى 5 : 7 ألاف جنية ..
الهوندا لو حبيت تبيعة .. هيكون صعب جدا وهتضطر تخسر فية مش أقل من 15 ألف أو 20 ألف .. لو مش فارقة معاك الخسارة ... وكمان ثمنة .. أشترية وهو أكيد أحسن من الهندى
يبقى أيهم أفضل عند البيع وكمان كسعر حاليا .. طبعا أنا بتكلم على الزيرو ... أنا لا أنصحك باليابانى المستعمل ألا لو كنت ميكانيكى حتى لو حالتة ممتازة ... يغور المستعمل حتى ولو يابانى
شكرا لكل الردود وجزاكم الله كي خير
بفكر الغي موضوع ال ٢٠٠ لان سعره فعلا عالي --- عاوز اشتري 180 cc مستعمل
إييييييه رأيكم؟؟؟؟؟؟
علي فكرة انا عاوز الموتوسيكل هسافر بيه ٢٢ يوم في الشهر --- اليوم حوالي ١٤٠كم
انا معايا ال 200 وشغاله كويس جدا وسريعه وقويه كمان فى المطالع على الصحرواى حتى لو معاك راكبين بس ال 180 راسيه شويه علشان اتقل حبتين وقريبه من الارض وتوزن اكتر من ال 200
بس لو عايزه حاجه تنفعك فى المشاوير الكبيره هاتلك 200 او 220 وسيبك من المستعمل مالوش لازمه وصدقنى هتركب الهوندا 250 وهتركب الباجاج 200 مش هتحس بفرق غير فى الصوت لكن السرعه قريبه والسحب قريب مش فرق عالى قوى وكفايه انها جديده..
@محمد المنياوي
شكرا يا باشا جدا علي الرد --- ولكن سعر ال ٢٠٠ غالي قوي -- بفكر اجيب ٢٢٠ مستعمل --- يعني بتعمل حوالي ١٠٠٠٠ جم حسب الحالة -- قدامي واحدة ٢٢٠ عاملة ٢٠٠٠٠كم ممكن تخاص علي ١٠٠٠٠جم موديل اخر ٢٠١٢ --- ايه رأيكم؟
أنا مبفهمش في الموتسيكلات قوي بس شايف ان الـ 220 مستعمل مناسبة
و يا ريت لو حد عنده واحدة تكون حالتها ممتازة يا ريت يكلمني لأني عايز اشتري واحد و الفلوس جاهزة بفضل الله
01225088896
لو حضرتك نويت مش هتاخدها يا ريت تبقي تقولنا تفاصيلها :)
يا شباب قدامي مكنة 180 موديل 2012 عاملة 10000كم - مرخصة - حالتها كويسة -- مطلوب 9750جم وممكن تخلص 9500 --- ايييييييييييه رأيكم
الحمدد لله يا شباب اشتريت بالسر ١٨٠ اسود مستعمل