عرض للطباعة
السلام عليكم ورحمه الله وبركاته
بدور على شقه تكون قريبه من القريه الذكيه
ياعنى اكتوبر او زايد
انا معايا 90 الف وعايز حاجه مش متشطبه ياعنى تشطيب الجهاز وكده علشان اعرف ااجرها لغايه ماجى اتجوز
ياترى المبلغ دا يجيب حاجه فى اكتوبر او زايد وطبعا يفضل زايد علشان اقرب
اهم حاجه ان المنطقه ماتكونش لامه وشعبيه وكده ياعنى عايز احجه راقيه باردوا وجو هادى
هل ممكن الاقى دا فى المنطقه دى
لان انا شقتى فى الشروق علشان اتنقل كل يوم من الشروق للقريه والعكس حرررررام جدا
وشكرا
بيع اللي في الشروق وحط تمنها على ال 90 ألف عشان تجيب حاجه كويسه في الشيخ زايد أو اكتوبر.
ههههههههههههههه
ياباشا ال 90 تمن الشقه اصلا
يبقى هتحتاج فوقهم شويه عشان تبعد عن المناطق الشعبيه اللي انت مش عايزها. يعني 120-130 مثلا تجيبلك حاجه غرفتين 70 متر أهالي.
هو انا نزلت زايد مره واحده
العمارات اللى فى البدايه لغايه ما توصل عند مستشفى زايد العام دى تبع الحكومه
هو مستواها كويس بس بالنسبه للاسعار بقى ايه الاخبار
معرفش زايد بس اللي قلتلك عليه ده في اكتوبر.
طيب واخبار حدائق الاهرام ايه
اسمع انها رخيصه الى حد ما
انا مش عايز حاجه واسعه اوووى ياعنى 70 م
المبلغ دا مش ممكن يجيب حاجه خالص لا فى اكتوبر ولازايد
ومش عايز حاجه متشطبه كمان ياعنى حتى لو تشطيب الجهاز وانا اللى اشطب علشان السعر يكون قليل باردوا
وكمان اشطب لما ابقى خلاص هستقر وااجرها الفتره دى استفاد من الايجار
وكمان ايه قصد حضرتك بالمكان الشعبى اللى فى اكتوبر لانى مانزلتش هناك ولا مره
ياعنى فى الشروق المكان الشعبى هو اللى بيبقى فيه صنايعيه كتير ياعنى المكان اللى الشقق فيه بتتاجر للصنايعيه بس الشوارع بتبقى نظيفه باردوا العمارات بس بتبقى متبهدله بحكم موضوع الايجار واللى قاعد ماجر ومش يال هم العماره تقع ولا تخرب
هل دا كده فى اكتوبر ولا ليه مفهوم اخر
كان فى دجلة جاردنز فى اكتوبر ممكن تقسط معاهم
اسعارمبالغ فيها
اشترى شقه 65 م بكتر من 190الف لييييييييييه
انا عايز حاجه على قدى اولا مش هقدر على لااقساط الشهريه ولا السنويه وكمان لما تحسب المساحه مقارنه مع المبلغ تتصدم جدااااا
الشعبيي هوه اللي وصفته بالظبط. عمارات مساكن الصنايعيه وبتوع التكاتك والمكيروباصات والكلام ده كله وهما أكترهم في الحي السادس وكمان الحي 12.اقتباس:
المشاركة الأصلية كتبت بواسطة midoabdeen
متابع باهتمام
وبالنسبه للحى ال 11 كنت سمعت ان الاسعار فيه مش عاليه اووىاقتباس:
المشاركة الأصلية كتبت بواسطة ahmed_adham
مسألتش عن الاسعار في ال 11 قبل كده بصراحه. أفضل شيء انك تنزل يوم تشوف كل الكلام ده على الطبيعه (الاحياء نفسها) وتقرر ان كان المعيشه دي تناسبك ولا لاء وتشوف اختياراتك.اقتباس:
المشاركة الأصلية كتبت بواسطة midoabdeen
الشيخ زايد ممكن تشوف جوا عند مساكن الشباب اللي بعد الربوة تقريبا هي ديه الحي ال 11. هتلاقي أسعار معقولة.
طيب هى فين حدائق اكتوبر دى
انا شايف حاجات كتير على النت فى المكان دا وباسعار مناسبه متهيئلى
وكمان الحى ال11 شايف ليه حاجت كتير باردوا وباسعار كويسه
المشكله ان العربيه بايظه اليومين دول ومش هعرف انزل الف هناك وكده
انا عايز اى حاجه قريبه من القريه الذكيه مساحه قليله مش مشكله حاجه على قدى فى البدايه ياعنى
بس طبعا يكون المستوى العام للمكان كويس علشان انتوا عارفين بقى تربيه العيال فى بيئه مش مناسبه بيبقى صعب جداا
إسال فى زايد على إسكان الشباب........مش فاكر الحي كان ال 11 ولا 13
حدائق اكتوبر مش كلها تنفع للسكن
فيها مناطق تحت الانشاء كتير
اكتر مكان ساكن هرم سيتى
ومستواه متوسط او اقل
شكرا لحضرتكاقتباس:
المشاركة الأصلية كتبت بواسطة a.saad
بس هى فين هرم سيتى
وكمان الاسعار هناك تبدا من كام
هل هلاقى فى حدود المبلغ اللى معايا
معلش انا مانزلتش اكتوبر خاااالص علشان كده ماعرفش المناطق هناك
انت متاكد انك طول عمرك هتشتغل فى القريه الذكيه؟
هب ان شركتك اتنقلت العبور ولا اى حته الناحيه التانيه؟ هتبيع اللى هتشتريها فى اكتوبر و ترجع تدور الناحيه التانيه؟
فى رايى اسكن فى الحته اللى تريحك متربطش سكنك بالشغل
لا طبعا مش متاكد وعامل حسابى انى ممكن فى لحظه اسيب هناكاقتباس:
المشاركة الأصلية كتبت بواسطة mohamed_selim
بس لو شوفت العذاب اللى الواحد بيشوفه على مايروح هتقول كلام غير اللى تقوله
انا بروح فى 3 ساعات ياعنى لو مسافر اسكندريه هتوصل الاول
انا اصلا كده كده عايز اغير الشقه عندى علشان المنطقه بقى كلها صنايعيه ياعنى كده كده هبيع
يبقى اشوف حاجه ثريبه منشغلى ويا سيدى لو ماكملتش يااجرها واشوف غيرها ياابيعها
ربنا يوفقك :)
مش فاكر رقمه كام بس الوصول ليه سهل لو صاحب الموضوع عايز يروح يشوف الدنيا هناكاقتباس:
المشاركة الأصلية كتبت بواسطة ahmed a.maksoud
من اول دخلة لزايد اللى عند الهايبر هاتمشى فى وشك مسافة 3.5 كيلو كدا لغاية ماتلاقى الطريق نازل منزل محترم من اول فتحة بعد المنزل شمال. بعد بتاع 500 متر هتلاقى صينية خش من عندها شمال وبعدين اول دخلة يمين ..كدا انت جوة الشباب
بس تقريبا اسعار الشقة فيها ال 75 متر متشطبة معدى ال100
كمباوند بيتا جاردنز ممتاز جدا بس دور واشتري من ملآك هتلاقي 80 متر ب 140.000 !!