استلمت صنى الجديدة .. بس عملت غلطة !

**medo-312** · 02-10-2013 05:38 PM

الحمد لله استلمت صنى الجديدة 2014 أول فئة يوم 30/9 بس علشان دى اول عربية اشتريها ومش واخد على أجراءات الشراء والتراخيص ووجع الدماغ ده بصراحة دماغى وجعتنى المهم كنت فى المعرض النهارده باخلص ورق وخليت عامل هناك يركن العربية وبعدين نزلت وأخدت العربية وانا ماشى حاسس العربية سحبها مش هو وتقيلة شوية وانا للأمانة جديد فى السواقة الاوتوماتيك وصلت الجراج ونزلت من العربية لقيت العجل اللى ورا بيدخن وعرفت ان فرامل اليد كاااانت مشدودة وانا ماشى ياريت حد ياجماعة يفيدنى فى الموضوع ده مع العلم المسافة اللى مشيتها مش كبيرة يعنى من ش احمد عرابى المهندسين لغاية بعد مستشفى الشرطة بالعجوزة .. انا جربت الفرامل لقيتها تمام ومافيش اى صوت الحمد لله هل كده حصل
مشكلة فى التيل واللا بعد مابردت العربية تخلص المشكلة ؟؟ ياريت حد فاهم يرد عليا وشكرا للجميع

**elmkaneeki** · 02-10-2013 05:47 PM

ان شاء الله بسيطة
جرب تمشي علي ٣٠ او ٤٠ ومور العربية وشد فرامل اليد بشويش وانت دايس عالزرار
لو الدراع في ايدك متهزش جامد يبقي كدة ان شاء الله عديت علي خير
وان شاء الله مفيش حاجة لا تقلق

**wardet** · 02-10-2013 06:00 PM

الف مبروك يا باشا
زيادة اطمئنان روح لحد يفك العجلتين اللى ورا ويبص على التيل كحرص مش اكتر
لكن اعتقد مفيش حاجة

**medo-312** · 02-10-2013 06:11 PM

المشاركة الأصلية كتبت بواسطة elmkaneeki

ان شاء الله بسيطة
جرب تمشي علي ٣٠ او ٤٠ ومور العربية وشد فرامل اليد بشويش وانت دايس عالزرار
لو الدراع في ايدك متهزش جامد يبقي كدة ان شاء الله عديت علي خير
وان شاء الله مفيش حاجة لا تقلق

المشاركة الأصلية كتبت بواسطة wardet

الف مبروك يا باشا
زيادة اطمئنان روح لحد يفك العجلتين اللى ورا ويبص على التيل كحرص مش اكتر
لكن اعتقد مفيش حاجة

ربنا يطمنكوا يارجالة .. والله قلبى واجعنى من ساعتها .. ان شاء الله تعالى اعمل بنصيحتكم واشوف والف شكر مرة تانية

**hossam_elwani** · 02-10-2013 06:17 PM

غريبه لانى الى اعرفه ان العربيه دى بتدى انظار لو مشيت والفرامل مرفوعه

**medo-312** · 02-10-2013 06:33 PM

المشاركة الأصلية كتبت بواسطة hossam_elwani

غريبه لانى الى اعرفه ان العربيه دى بتدى انظار لو مشيت والفرامل مرفوعه

كانت بتدى انذار ومابصتش عليه ( غلطة ) لأن انذار الحزام كان شغال قبلها فكرته هو ومابصتش وقلت سيبه يرن

**mahmoud_afifi** · 02-10-2013 06:42 PM

ماتقلقش ان شاء الله. اقصى ضرر ممكن يحصل هو ان التيل يتاكل

**Ahmed Amin** · 02-10-2013 06:46 PM

مش هيحصل حاجة متقلقش, لأن بعد فترة من المشي والهاند مرفوعة التيل بيرخي ومش بيفضل قافش علي الطنابير,

دليل علي كدا العربيات اللي بيجي يقطرها ونش المرور, بتكون واقفة مخالف ورافعة فرامل اليد,
ولما بتتقطر أول كان متر بتكون قافشة بعد كدا الواير بيفك سنة وبتتحرك عادي,

وكدا كدا التيل هيتاكل مع الأستخدام وهتغيرة في معاده مش قبل معاده, لأن التيل الخلفي مش بيتاكل بسرعة زي التيل الأمامي..