( استبيان ) ما هى الاكثر سيارة تحملا واعتمادية

**M_Marwan** · 03-10-2013 02:05 AM

ميتسوبيشى وتويوتا على ما اعتقد

لغايه دلوقتى بنشوف عربيات زى الكريستاله والمكواه والكورولا والانسر من ال التمنينات والتسعينات وماشيه زى الفل

**cupid** · 03-10-2013 02:21 AM

موضوع مميز

**hugan** · 03-10-2013 02:22 AM

اي عربيه احسنت صيانتها
والمحافظه وعدم الافتراء عليها
تكون اعتماديه

**saddam** · 03-10-2013 05:34 AM

صديقي المواطن
محدش حيطلع من الموضوع بحاجة مفيدة ﻷن مصر أساسا لو جبت منخل مس حتطلع منها غير 10 عربيات بالكتير أوي و92% من الشعب المصري بيدوروا في فلكها و 8% فقط بيركبوا ال200:نوع التانيين ودماغ ده مش زي دماغ ده وكل اﻹجابة حتنحصر في حاجتين للأسف إعادة البيع ورخص قطع الغيار وبلية إبن البواب يعرف يصلحها ولا ميعرفش وعمك كعبول الفكهاني بيبيع قطع غيار ليها ولا ﻷ
ودمتم للنضال

**khaabas** · 03-10-2013 09:20 AM

المشاركة الأصلية كتبت بواسطة saddam

صديقي المواطن
محدش حيطلع من الموضوع بحاجة مفيدة ﻷن مصر أساسا لو جبت منخل مس حتطلع منها غير 10 عربيات بالكتير أوي و92% من الشعب المصري بيدوروا في فلكها و 8% فقط بيركبوا ال200:نوع التانيين ودماغ ده مش زي دماغ ده وكل اﻹجابة حتنحصر في حاجتين للأسف إعادة البيع ورخص قطع الغيار وبلية إبن البواب يعرف يصلحها ولا ميعرفش وعمك كعبول الفكهاني بيبيع قطع غيار ليها ولا ﻷ
ودمتم للنضال

وده موش عيب ما هو برده خلى بالك لازم بالفعل اجيب عربية متوافر قطع غيارها ومفهومة انا حايب العربية موش علشان تشلنى ولما تتعطل اركنها والف بالاسبوع عقبال ما الاقى حاجاتها

**dodo2000** · 03-10-2013 10:07 AM

الصيانة و المحافظة على العربية هم الى بيسببو الاعتمادية

**mhamed70** · 03-10-2013 10:14 AM

daihatsu terios glx

**aldesha989** · 03-10-2013 10:41 AM

لو بتتكلم على اعتمادية الشعب المصرى فهو بيفكر فى حاجه واحده
توفير = توفير + توفير - توفير = توفير

ماعندهوش كلام تانى

فالكلام هنا هيعتمد على اختيارات معينه

زى اللادا العربيه دى رغم انى ما بحبش شكلها ولكنها اعتماديه واقتصاديه وحماله تقدر تستحمل ظروف كتير

وقطع غيارها مش معضله تروح تشتريلها اى حاجه بكلام فاضى والميزه ان بقى بينزل منها انجكشين وزيرو وكلام كبير

لانوس عربيه موفره حماله برضه اقتصاديه قطع غيار اسهل من اللادا

بومه شكلها حلو وكل حاجه فيها برضه حلوه وقطع غيار سهله

احنا هنا بنتكلم على العربيات المشهوره

لو جيت للعربيات المغموره اللى هى ممكن تبقى احسن من العربيات دى بس للاسف ملهاش سوق وقطع غيارها زفت بسبب التجار اللى زى الزفت هتلاقى عربيات بالهبل ممكن تركبها وتتبسط فيها لكن علشان ملهاش سوق ماحدش بيفكر فيها