ازاى احكم على اداء العربية

**Mahmoud.Fathy** · 03-10-2013 12:46 AM

دلوقتى انا مسافرتش قبل كده بالعربية سفرية اكتر من 100 كيلو رايح جاى في نفس اليوم ... دلوقتى بقى لو انا بقى عاوز اخبط مشوار لاسكندرية مثلا 250 كيلو او العين السخنة او رأس سدر (دي سفريات بسيطة اعتقد) .... او بقى سفرية كبيرة زي مرسى مطروح او شرم الشيخ ... ازاى اقدر احكم ان العربية تستحمل سفرية متوسطة لاسكندرية مثلا او سفرية طويله زي مرسى مطروح

العربية لانوس جوليت 2001 عاملة 128000 كيلو ... الصيانة تمام ... اخر صيانة كانت من اسبوعين ... بوجيهات وسلوك وفلاتر

اعمل ايه بقى عشان اعرف العربية تستحمل المشوار ولا لا ؟؟؟؟ ومحدش يقولى روح المشوار جرب وانت تعرف

**mahmoud_afifi** · 03-10-2013 03:57 AM

حالة العربيه هي الي تفرق مش نوع العربيه. لأنك ممكن تلاقي عربيه قديمه بس صاحبتها مهتم بالصيانات بتسافر وتروح وتيجي وتلاقي عربيه جديده بس صاحبها مهمل في الصيانات وتلاقيها بتسخن في المشاوير.
او تلاقي عربيتين نفس الموديل بس واحد مهتم بيها والتاني لأ

**saddam** · 03-10-2013 05:00 AM

صديقي المواطن
كلامك مش مقبول جملة ونفصيلا إحنه مش قاعدين معاك فطبعا منعرفش حالة العربية وإحنه منقدرش نقلك غير إطلع وجرب بس مبدئيا لا تزد عن سرعة 110 راحة للمحرك وكمان تروح ترصص 5 فرد وتقلبهم علامة إكس وتظبط زوايا بالكمبيوتر وتغير زيت فتيس
ودمتم.للنضال